Ŋirom. 2:26 - Ebaibul

²⁶ Nai ani kiricakis ŋituŋa ŋulu nyerae Ŋiyudayan ka nyileŋeritae, ŋuna ebasi Ŋikisila, imarakini Akuj ikes esibit ŋulu ileŋeritae.

Ŋirom. 2:26 Iomraidhean Croise

Mat. 15:28

Tosodi Yesu toboŋok iŋes tema, “Aberu, epol akoninupit, kitiyakin neni kon ikwaŋina icamitor iyoŋ.” Toŋaleu nakoku keŋ apaki ŋinapei ŋin.

Ŋirom. 2:25

Ani kiwuap iyes ŋuna ebasi Ŋikisila, nyeruwor akileŋeryo kus akoŋinait. Nai ani pa kiwuap iyes ŋuna ebasi Ŋikisila, eruwor akileŋeryo kus akoŋinait.

Ŋirom. 2:27

Ituŋanan ŋini nyileŋeritae kiwuapite Ŋikisila, ikitubokini iyes alokiŋaren Akuj, anerae ibilibilyata iyes Ŋikisila tari kiyakatar Ŋikisila ŋulu igiritae ka ikileŋeritetei daŋ.

Ŋirom. 3:30

Erae Akuj apei, elimori atemar iyookino Ŋiyudayan alokiŋaren keŋ aŋuna ka anupit kec ka itiyae ikwaŋinapei neni a ŋulu nyerae Ŋiyudayan.

Ŋirom. 8:4

Abu Akuj kitiya ikoŋina, ikotere iwon ŋulu ikiyari anakiwuapit Etau ŋolo ka Akuj, meere anakiwuapit aseconu a ituŋanan, ikipedori akitiya ŋuna ecamito Ŋikisila atemar iyookino.

Ŋigal. 6:15

Anerae nyerae akileŋerit kori amamukau akileŋeryo epol alotooma ituŋanan; ibore ŋini epol iŋes aruwor ituŋanan ŋini kitete.

Ŋiep. 2:11

Totamunito epite ŋolo paaran sek ayakar akiyar kus; iyes ŋituŋa ŋulu ikidounitoe pa iraakasi Ŋiyudayan, ŋulu ikinyarito Ŋiyudayan “Ŋulu nyikileŋeritae”. Ebasi Ŋiyudayan ŋul ikirae ikes ŋulu ikileŋeritae, anerae iwuapito ikes etal ŋolo ka akileŋeryo ŋawat, lopite ŋolo ileŋeryata ŋituŋa ŋawat kec a ŋileŋia

Ŋipil. 3:3

Iwon ikiryamu akileŋeryo ŋina a kire, anerae ilipyo iwon neni ka Akuj alotooma Etau keŋ ka ikituro anakimorikina ka Yesu Kristo. Nyikinyomitae iwon ŋitalyo ŋulu itiyanakinio kiŋa akuwan,

Ŋikol. 2:11

Anakimorikina ka Kristo, iruworosi tokona iyes ŋulu ikileŋeritae; meere ka akileŋeryo a ŋina itiyaete ŋituŋa, nai ka akileŋeryo a ŋina etiyae Kristo, ŋina ikilacakinit iyes anapedor a ŋina ke ekuwane a ŋolo ka aseconu.

Yos. 5:5

Eleŋeritae sek ŋikilyok daadaŋ eriŋa ikes nyerotokino alo Ijipit, nai ŋulu auruunio kerotokis ikes alo Ijipit apaki ŋina awosyata ikes analoŋisat, pa eleŋeritae.