Ŋirom. 2:18 - Ebaibul

¹⁸ Iyeni ŋuna ecamit Akuj ka itojokit ŋuna ajokak nooi, anerae ikitatamitae iyoŋ alotooma Ŋikisila.

Ŋirom. 2:18 Iomraidhean Croise

Ŋikiru. 119:130

Epite ŋolo isileereunitere ŋakiro kon, ikiinakinete apiiryanut; einakinete apiiryanut neni a ŋulu emam ŋuna eyenete.

Ŋikiru. 19:8

Iyookino ŋikisila ŋulu ke Ekapolon, einakinito alakara neni a ŋulu iwuapito ikes. Ileerete ŋakiciketa ŋuna ke Ekapolon, itacaununeete ŋatameta.

Ŋakit. 6:23

Erae ŋakiciketa ŋun etaa aneni kon ka erae ŋakitatameta ŋun akica aneni kon erae ŋuna ebookoi iyoŋ toesik ŋuna ikitatamete epite ŋolo emaikina iyoŋ toyarya.

Luk. 1:4

Etiyae ayoŋ ŋun, ikotere toyenunia iyoŋ abeit kire ŋina a ŋakiro a ŋuna kikitatamianakinio iyoŋ.

Luk. 12:47

“Aŋun, eketiyan ŋolo eyeni ŋuna ecamit ekapolon keŋ, nai kiboikin pa etenit kitiya ŋun, ibuŋao nooi.

Yoa. 13:17

Ani kiyenete iyes nu, irereŋ iyes erae kitiyata nu.

Ŋirom. 15:4

Ŋakiro daadaŋ ŋuna igiritae Nakigireta, aponi kigirae aŋuna ka akitatamya iwon, ikotere ikiryamuni akigeno anatitinyu ka anakimukekin ŋuna ikiinakinete Ŋakigireta iwon.

Ŋirom. 2:19

Ileere aneni kon kire atemar irae iyoŋ ekarikon a ŋimudukanotin, ikoni iyoŋ akica ŋina a ŋulu eya nakiryonut.

Ŋikis. 4:8

Emam ŋituŋa a akwap ka adio ŋulu eyakar ŋakiro ŋuna etubunitoe, ŋikisila ŋulu iyookino ikwa ŋakiciketa nu ŋuna tokona alosi ayoŋ ainakin iyes nakoloŋit na.

Ŋipil. 1:10

topedosi nai acamun ibore ŋini ajokan nooi; ikotere toruworos ŋulu isegak alotai, tomam aronis adio daŋ, Akoloŋit ŋina eboŋunio Kristo.

1 Ŋites. 5:21

Torota ŋinibore daadaŋ: kiwuapa ŋuna ajokak,

Ŋibur. 5:14

Nai erae akimuj ŋina nyamat ŋina a ŋituŋa a ŋulu apolok, a ŋulu ayenut anakitiya epite ŋolo etyaketa ŋakiro ŋuna ajokak ka ŋuna aronok.

Yak. 4:17

Aŋun, ituŋanan ŋini eyeni ŋuna itemokino kitiyae, nai nyitiyak, aruwor ŋun asecit aneni keŋ.