Ŋirom. 2:15 - Ebaibul

¹⁵ Itoodiunito ŋipitesyo kec atemar igirir lotai kec ŋuna icikakinito Ŋikisila. Elimorito ŋatameta kec daŋ atemar erae ŋun ŋuna a kire alopite a ŋolo isitanakiniata ka eiununuyata ŋatameta kec ikes.

Ŋirom. 2:15 Iomraidhean Croise

Akisy. 20:5

Meere mono Aburaam abu tema erae aberu na nakaato keŋ a? Iŋes daŋ alope abu tolimu tema, erae iŋes lokaato kaŋ. Abu ayoŋ etiya ŋun ayeni atemar eyookinit ka emam ŋuna aronok ŋuna etiyat ayoŋ.”

1 Ŋirw. 2:44

Tema daŋ erwosit neni a Simei, “Iyeni iyoŋ alotau kon aronis daadaŋ ŋina ibu iyoŋ kitiya neni a papa kaŋ a Daudi; aŋun, ikitoboŋokini Ekapolon iyoŋ aronis kon.

Yob 27:6

Arubakini ayoŋ emiidikina nakiyookino kaŋ, nyemyekini jik ayoŋ akiyookino kaŋ elosi aneni kaŋ; emam ŋakiro anakiyar kaŋ ŋuna itakadakinito etau kaŋ.

Ekal. 7:22

anerae iyenete iyes alotai kus atemar idaut iyes anapakio a ŋuna alalak akicen ŋituŋa ŋuluce.

Yoa. 8:9

Ani iirarete ikes ŋakiro ŋun, kisyakis arotokin a ŋipeipei, ageun alokasikou, kidoŋ Yesu bon ka aberu ewuoi alokiŋaren keŋ.

Ŋitic. 23:1

Kitek Paulo atukot, kirworik tema, “Ŋikaitotoi! Ecayete ŋatameta kaŋ anakiro a daadaŋ a ŋuna ikamunito akiyar kaŋ alokiŋaren Akuj akitodol akoloŋit napei na.”

Ŋitic. 24:16

Aŋun, emukekinit ayoŋ jwi jwi akitacaunit ŋatameta kaŋ alokiŋaren Akuj ka alokiŋaren ŋituŋa.

Ŋirom. 2:14

Emamukatar ŋulu nyerae Ŋiyudayan Ŋikisila, nai apaki daadaŋ ŋina itiyaata ikes ka acamit kec ŋuna icikakinito Ŋikisila, etoodiut ikes atemar eyenete ŋuna ajokak kori ŋuna aronok, tari kemamukatar ikes Ŋikisila.

Ŋirom. 2:27

Ituŋanan ŋini nyileŋeritae kiwuapite Ŋikisila, ikitubokini iyes alokiŋaren Akuj, anerae ibilibilyata iyes Ŋikisila tari kiyakatar Ŋikisila ŋulu igiritae ka ikileŋeritetei daŋ.

Ŋirom. 9:1

Erae ŋakiro ŋuna tokona alosi ayoŋ erwor ŋuna a kire; nyerworo ayoŋ alyokonu, anerae arae ayoŋ ŋolo a Kristo. Ŋatameta kaŋ daŋ, erae ŋuna ipukat Etau ŋolo Asegan, eketeyenunito ikes ayoŋ atemar nyerworo ayoŋ alyokonu.

2 Ŋikor. 1:12

Erae akituro kosi na akiteyenunet ŋina a ŋatameta kosi ebe: ikitiŋ isua jwi jwi ŋituŋa daadaŋ akilo nooi iyes, anakerit ka anapatanu a ŋina ebunit aneni ka Akuj ka aŋuna ka ajokis a ŋina ka Akuj, ikidau isua akitiya nu emam aosou ŋina a ŋituŋa.

2 Ŋikor. 5:11

Ikiyeni isua ibore ŋini erae akerit Ekapolon, aŋun nai ikikatakinit isua akitacamun ŋuluce. Ikiyeni Akuj isua nooi ka egeno ayoŋ atemar ikiyenete iyes daŋ ayoŋ alotai kus.

1 Tim. 4:2

Akitatam ŋina ikoni ŋin, erae ŋina ebunit aneni a ŋikalyokonok a ŋulu emodiyaka, ŋulu etwakito ŋatameta kec esibit icunyitae ka asuwat a ŋina emwana.

Tito 1:15

Esegak ŋiboro daadaŋ aneni a ŋituŋa a ŋulu esegak ikes ŋilopeyek, nai emam ŋiboro esegak aneni a ŋituŋa a ŋulu nyenupito, anerae erae ŋatameta ka ŋitai kec esiilyaka.