Ŋirom. 2:14 - Ebaibul

¹⁴ Emamukatar ŋulu nyerae Ŋiyudayan Ŋikisila, nai apaki daadaŋ ŋina itiyaata ikes ka acamit kec ŋuna icikakinito Ŋikisila, etoodiut ikes atemar eyenete ŋuna ajokak kori ŋuna aronok, tari kemamukatar ikes Ŋikisila.

Ŋirom. 2:14 Iomraidhean Croise

Ŋitic. 10:35

nai ecamuna aneni keŋ ituŋanan ŋini ekerit iŋes alobukui a daadaŋ, kitiyae ŋakiro ŋuna iyookino.

Ŋitic. 14:16

Ananyameta a ŋuna amunyarosi, abu Akuj tocamak ŋakwapin akitiya ŋuna acamito.

Ŋitic. 17:30

Akitodol apaki na, abu Akuj nyimaraki ŋapakio ŋuna pa ayeniata ŋituŋa iŋes, nai tokona ecikak ŋituŋa anakwapin a daadaŋ akibelekin neni keŋ.

Ŋirom. 1:32

Eyenete ikes atemar ebala ekisil ŋolo ka Akuj ebe, ŋulu itiyaeneneete ŋakiro ŋun, itemokino totwaka. Tari kikote nen, nyerubakinito ikes itiyaete ŋun bon, nai itojokito daŋ ŋulu itiyaete ŋuna itiyaete ikes.

Ŋirom. 2:12

Ŋituŋa daadaŋ ŋulu aseca pa eyenete Ŋikisila ŋulu ainakini Akuj Moses, emunyarosi tari pa keyenete Ŋikisila. Ŋituŋa daadaŋ ŋulu aseca toyenete Ŋikisila ŋul, etubokinio ikes alotooma Ŋikisila.

Ŋirom. 2:15

Itoodiunito ŋipitesyo kec atemar igirir lotai kec ŋuna icikakinito Ŋikisila. Elimorito ŋatameta kec daŋ atemar erae ŋun ŋuna a kire alopite a ŋolo isitanakiniata ka eiununuyata ŋatameta kec ikes.

Ŋirom. 2:27

Ituŋanan ŋini nyileŋeritae kiwuapite Ŋikisila, ikitubokini iyes alokiŋaren Akuj, anerae ibilibilyata iyes Ŋikisila tari kiyakatar Ŋikisila ŋulu igiritae ka ikileŋeritetei daŋ.

1 Ŋikor. 11:14

Nyeyenete mono ŋituŋa atemar eronikinito ekile ŋitim ŋulu aoyak a?

1 Ŋikor. 9:21

Ikwaŋinapei, ani ikiruki ka ŋulu nyiwuapito Ŋikisila a Moses, ekoni ŋulu nyiwuapito Ŋikisila a Moses, ikotere onyaraunia ikes neni a Kristo. Nyerae nai ŋun atemar aŋerit ayoŋ Ŋikisila ka Akuj, nai ekepukato ayoŋ Ŋikisila ŋulu a Kristo.

Ŋiep. 2:12

Apaki ŋin, pa iyenete iyes Kristo. Iraakasi iyes ŋigelaanotin, nabo pa iraakasi iyes ŋipei ka ŋituŋa ŋulu seuna ŋulu ka Akuj. Pa ikimarakinitae iyes Nacamuneta ŋuna esileereunito ŋakiikineta ŋuna ka Akuj neni a ŋituŋa keŋ, ido iboiyete iyes anakwap a na emam akigeno ka emam ayenut Akuj.

Ŋiep. 2:3

Kire, ekwaanae iwon daadaŋ ka ikes, ido ikiboi alotooma ekibure ŋolo a ŋawat yok, etiyao iwon ibore daadaŋ ŋini etalakarit acamit ŋina a ŋawat ka ŋatameta yok a ŋilopeyek. Alokuwane yok a ŋol, ikiya iwon nanyunyura ŋina ka Akuj, ikwapei ŋituŋa ŋuluce daŋ.

Ŋikis. 4:7

Emam ŋituŋa ŋulu ka akwap ka adio ŋulu itopolooritae, ŋulu eyakatar akuj ŋina eapi aneni kec lopite ŋolo eapiya Ekapolon Akuj yok aneni yok apaki daadaŋ ŋina enyaraere iwon iŋes.

Ŋipil. 4:8

Aŋetakini ŋikaitotoi kaŋ, totamete ŋakiro nu ŋuna ejokak ŋuna emaikina yaut ekipuri: ŋakiro ŋuna erae kire ŋuna ekerer, ŋuna iyookino, ŋuna emam aronis, ŋuna ka amina ka ŋuna itojokitae.