Ŋirom. 2:13 - Ebaibul

¹³ Anerae, meere ŋulu ekerito Ŋikisila iyookino alokiŋaren Akuj; nai ŋulu itiyaete ŋuna ebasi Ŋikisila, ikes ituruworyo ŋulu iyookino.

Ŋirom. 2:13 Iomraidhean Croise

Ŋikiru. 143:2

Nyikitubok ayoŋ eketiyan kon, anerae mam alotuŋa a ŋulu eyarete ŋini iyookino alokiŋaren kon.

Yer. 11:6

Okolimok Ekapolon ayoŋ tema, “Kisera ŋakiro nu alotaunio a Yudaya a daadaŋ ka alorotin a Yerusalem. Kiirasi ŋakiro a acamunet a na ka kiwuapa ikes,

Esek. 20:11

Abu ayoŋ oinak ikes a nen ŋakiro ŋuna abala kiwuapa ka abu eteyenik ikes ŋikisila kaŋ, anerae ituŋanan ŋini iwuapit ikes, iteyarete ikes iŋes.

Luk. 18:14

Akalimokini ayoŋ iyes atemar, abu ekeriran ocur tolot lore keŋ iyookino alokiŋaren Akuj, akilo Eparisayot; anerae ŋinituŋanan itopolooryo bon, itiditeunio; nai ŋini itiditeuna bon, itopolooryo.”

Luk. 8:21

Toboŋok iŋes tema, “Toto kaŋ ka ŋikaitotoi kaŋ ikes ŋulu iirarete ŋakiro ŋuna ka Akuj, kiwuapa.”

Yoa. 13:17

Ani kiyenete iyes nu, irereŋ iyes erae kitiyata nu.

Ŋitic. 13:39

Alotooma keŋ, ŋinituŋanan enupi, elacakinio anasecit a daadaŋ a ŋina pa apedorete Ŋikisila a Moses alacakin iŋes.

Ŋirom. 10:5

Ŋuna ikamunito akiyookino alokiŋaren Akuj anakiwuapit Ŋikisila, abu Moses kigir ŋakiro nu, “Ituŋanan daadaŋ ŋini itiyae ŋuna icikakinito Ŋikisila, eyari a ŋun.”

Ŋirom. 2:25

Ani kiwuap iyes ŋuna ebasi Ŋikisila, nyeruwor akileŋeryo kus akoŋinait. Nai ani pa kiwuap iyes ŋuna ebasi Ŋikisila, eruwor akileŋeryo kus akoŋinait.

Ŋirom. 3:20

Anerae, emam ituŋanan elimoryo atemar iyookino alokiŋaren Akuj aŋuna iricitor Ŋikisila. Etic a Ŋikisila iŋes akitoodikin ituŋanan atemar esecit iŋes.

Ŋirom. 3:23

anerae aseca daadaŋ ka aŋopiki epite ŋolo eryamuniata apolou ŋina anakuj ŋina etemokino toryamut.

Ŋirom. 3:30

Erae Akuj apei, elimori atemar iyookino Ŋiyudayan alokiŋaren keŋ aŋuna ka anupit kec ka itiyae ikwaŋinapei neni a ŋulu nyerae Ŋiyudayan.

1 Ŋikor. 4:4

Emam idiobore ŋini ayeni ayoŋ atemar asecit, nai nyitoodiunito ŋun atemar emam ŋuna akatubokinere ayoŋ, Akuj ŋina erae Ekapolon a daadaŋ, iŋes akatubokini ayoŋ.

Ŋigal. 2:16

oyenete bo isua atemar elimori Akuj atemar iyookino ituŋanan alokiŋaren keŋ aŋuna ka anupit Yesu Kristo bon, meere aŋuna itiyaa ŋuna ecamito Ŋikisila. Isua daŋ, ikinupit Yesu Kristo, ikotere elimori Akuj atemar ikiyookino isua alokiŋaren keŋ aŋuna ka anupit kosi Yesu Kristo, meere aŋuna ka akitiya ŋuna ecamito Ŋikisila. Anerae emam ituŋanan elimoryo atemar iyookino alokiŋaren Akuj aŋuna itiyaa ŋuna ecamito Ŋikisila.

Ŋigal. 5:4

Iyes ŋulu ikatakinito aruwor ŋulu iyookino alokiŋaren Akuj aŋuna ka akiwuapit Ŋikisila, idaut iyes atyakar aneni a Kristo. Ipena iyes neni nyikiinakinia Akuj iyes ajokis keŋ.

Ŋikis. 4:1

Aŋun, nai tokona, iyes Ŋisirael kiirasi, kiwuapa ŋakiro ŋuna etubunitoe ka ŋikisila ŋulu eketatami ayoŋ iyes, ikotere iyes iyarete, ido tolomasi ka kiboikinos nakwap ŋina ikiinit iyes Ekapolon Akuj atapapaa kus.

Ŋikis. 5:1

Tonyarau Moses Ŋisirael daadaŋ, tosodi tolimok ikes tema, “Okoe Ŋisirael kiirasi ŋakiro ŋuna etubunitoe ka ŋikisila ŋulu akalimokini ayoŋ iyes nakoloŋit na, emaikina iyes toyenut ka kiwuapa ejok inakina.

Ŋikis. 6:3

Aŋun, kiirasi, okoe Ŋisirael ka kiwuapa ŋakiro ka Akuj ejok, ikotere tomamukaun aneni kus ŋace ka ikotere ipitunete nooi anakwap a ŋina elelyaata ŋakile ka ao, lopite ŋolo ikiikinia iyes Ekapolon Akuj atapapaa kus.

Yak. 1:27

Edin ŋolo ajokan ŋolo emam aronis alokiŋaren Akuj Papa iŋes lo: akiŋaranakin ŋikokyok ka ŋapuseru alocan kec ka akiyokiuno iyoŋ elope nyikinyasut ŋakiro ŋuna ka akwap.

1 Yoa. 2:29

Ani kiyenete iyes atemar iyookino Kristo, toyenete daŋ atemar, ŋini daadaŋ itiyae ŋuna iyookino, erae iŋes ikoku ka Akuj.

1 Yoa. 3:7

Ŋidwe kaŋ! Tocoito nyikimodik iyes idiotuŋanan! Ituŋanan ŋini itiyae ŋuna iyookino, iŋes iyookino ikwapei Kristo ŋolo iyookino.