Ŋirom. 16:7 - Ebaibul

⁷ Kimalakinae tari Andoroniko ka Yunia, ŋulu erae Ŋiyudayan ikwa ayoŋ, ŋulu aponi toenae kaapei ka ayoŋ. Erwoko ikes nooi alokiyakia ka apotu toruworos Ŋikristo eriŋa ayoŋ.

Ŋirom. 16:7 Iomraidhean Croise

Isa. 45:17

Nai eiuni Ekapolon Ŋisirael alotooma aiuno ŋina a ŋikaru ka ŋikaru; nyikisurumyo iyes ŋileec, kori nyikisiguryakinio iyes ŋikaru ka ŋikaru.”

Isa. 45:25

Eryamunete ŋiletok a Yakob akiloun ka apolou aneni ke Ekapolon.”

Yoa. 14:20

Akoloŋit ŋin, ipote iyes aanyun atemar ayai ayoŋ tooma Papa kaŋ, iyakasi iyes tooma kaŋ ka ayai ayoŋ tooma kus.

Yoa. 15:2

Ani ŋinateni kaŋ nyeraii, etubori iŋes ka ani ŋina eraii, eipanari iŋes, ikotere tosegyar, tora ŋaraito ŋuna alalak.

Yoa. 6:56

Ŋini imuji akaakuwan ka tomat ŋaokot kaŋ, iboi alotooma kaŋ, ayoŋ daŋ eboi alotooma keŋ.

Ŋirom. 16:10

Kimalakinae Apele ŋolo adaun aripun atemar emina kire Kristo. Kimalakinae ŋituŋa ŋulu ke ere ka Arisitobulo.

Ŋirom. 16:11

Kimalakinae Erodio ŋolo erae Eyudayat ikwa ayoŋ ka ŋituŋa daadaŋ ŋulu ke ekal a Narikiso, ŋulu emorikin ke Ekapolon.

Ŋirom. 16:21

Ikimalae iyes Timoteo ŋolo ikitiyae ka ayoŋ, ikimalae tari Lukio, Yason tari Sosipatiro, ŋulu erae Ŋiyudayan ikwa ayoŋ.

Ŋirom. 16:3

Kimalakinae Prisika ka Akwila, ŋulu ikitiyae ka ayoŋ etic ŋolo a Yesu Kristo;

Ŋirom. 16:6

Kimalakinae Maria ŋina itiyae etic aŋuna kus.

Ŋirom. 16:8

Kimalakinae Ampliato lokone kaŋ ŋolo minat anaraakau ŋipei aneni ke Ekapolon.

Ŋirom. 16:9

Kimalakinae tari Urubano ŋolo ikitiyae ka ayoŋ etic a Kristo; kimalata tari lokone kaŋ ŋolo minat Sitaku.

Ŋirom. 8:1

Emam tokona atubokino eriŋa eyai neni a ŋulu erukito kaapei ka Yesu Kristo.

Ŋirom. 8:11

Ani keyai tooma kus Etau ŋolo ka Akuj ŋolo eteyaruni Kristo alokatwak, iteyaruni daŋ iŋes ŋawat kus ŋuna etwakete alotooma Etau keŋ ŋolo eyai tooma kus.

Ŋirom. 9:3

Kerae ca opedori ayoŋ akiŋarakin ikes, kacamu daŋ aŋuna kec ekecen Akuj ka okotyakar aneni a Kristo!

1 Ŋikor. 1:30

Erae aŋuna keŋ iŋes iyakatar iyes nakimorikina ka Yesu Kristo ŋolo abu Akuj kituruwo aosou yok, akiyookino yok ka ikiruwor iwon ŋulu ikityakunitae aŋuna ka Akuj ka ŋulu ikilakuna.

2 Ŋikor. 11:23

Eraakasi ikes ŋiketiyak a Kristo a? Erworo ayoŋ ikwa ŋolo a ŋikerep--eloit ayoŋ ikes anaraakau eketiyan! -- Abu ayoŋ etiya nooi adepar, aponi ekewuakin mabus ŋarwa ŋakalalak, ekebuŋatae ŋakibuŋa ŋuna nyimarun, ŋapakio ŋuna alalak adikino atwani.

2 Ŋikor. 12:2

Ayeni ayoŋ ekile ece ŋolo a Kristo, ŋolo aponi yaarae kidiama nakuj ŋikaru ŋitomon ka ŋiomwon ŋulu alunyarosi. Nyayeni ayoŋ erae keyakar iŋes aina akuwan kori etau bon--Akuj bon eyeni!

2 Ŋikor. 5:17

Aŋun, ani keyai ŋini eyai tooma Kristo, aruwor iŋes isubuna ŋini kitete; asalut ŋuna ŋorok, apotu ŋuna kitet.

2 Ŋikor. 5:21

Amam asecit aneni a Kristo, nai abu Akuj kituruwo iŋes asecit aŋuna yok, ikotere nai iwon alotooma keŋ oruworos ŋulu ikiyookino aneni ka Akuj.

Ŋigal. 1:22

Ŋirwa ŋul, pa akayenete ayoŋ ŋatukon a Ŋikristo anakwap a Yudeya.

Ŋigal. 2:2

Abu ayoŋ olot, anerae abu Akuj eketoodik ayoŋ atemar itemokino olot. Anakiryamiryam kaŋ ka ŋikarikok ŋulu a ŋatukon a Ŋikristo aneni kec make, abu esileerek neni kec Ŋakiro ŋuna Ajokak ŋuna alimonokini ayoŋ lotuŋa ŋulu nyerae Ŋiyudayan. Abu ayoŋ etiya ŋun, anerae pa acamit ayoŋ etic kaŋ ŋolo adau akitiya ka ŋolo a tokona eruwor koŋin.

Ŋigal. 2:6

Nai ikes ŋulu asibito ŋikarikok, apotu nyakalimokis ayoŋ ŋakiro ŋace ŋuna kitet. (Aneni kaŋ, nyerae ikes ŋikarikok, aŋuna ke epite a ŋolo paaran ayakatar ikes; anerae nyetubonokini Akuj aŋuna ke etakane.)

Ŋigal. 5:6

Anerae ani ikimorikina iwon ka Yesu Kristo, emam ajokis ikiryamuni iwon anakileŋeryo kori anamamukau akileŋeryo, mati ananupit bon a ŋina itoodiuna alotooma amina.

Ŋigal. 6:15

Anerae nyerae akileŋerit kori amamukau akileŋeryo epol alotooma ituŋanan; ibore ŋini epol iŋes aruwor ituŋanan ŋini kitete.

Ŋiep. 2:10

Akuj iŋes ikiteyakau iwon lopite ŋolo ikiyakar tokona anakimorikina yok ka Yesu Kristo. Adau iŋes asubun iwon nabo alotooma Yesu Kristo, ikotere nai iwon ikitiyae ŋiticisyo ŋulu ajokak, ŋulu aris iŋes kedau akitemonokin kitiyae iwon.

Ŋikol. 4:10

Iyakuunit Aristako ŋolo eyai mabus kaapei ka ayoŋ ŋimalasyo neni kus; Mariko daŋ lokaaya a Baranaba iyakuunit ŋimalasyo neni kus. (Idaut iyes ayenun ŋuna kitiya aŋuna ka akijaun Mariko erae kebu inaa.)

Pil. 1:23

Ikimalae iyoŋ Epapuras ŋolo ikirae ka ayoŋ ŋimabus aŋuna a Kristo.

1 Yoa. 4:13

Epite lo iŋes ikiyenunia iwon atemar ikiboi alotooma Akuj ka iboi iŋes alotooma yok, anerae ikiinak iŋes iwon Etau keŋ.

1 Yoa. 5:20

Ikiyeni daŋ iwon atemar, adau Lokoku ka Akuj abunore ka ikiinak iwon ayenut, ikotere oyenuniata ŋolo a kire. Ikiyari iwon anakimorikina ka Akuj ŋina erae ŋina a kire ka anakimorikina ka Lokoku keŋ Yesu Kristo. Kristo iŋes Akuj ŋina a kire, iŋes akiyar ŋina nyedaun.

Akis. 1:9

Ayoŋ Yoana lokaato kus ikimori kaapei ka iyes atitinyikinit ŋican ŋulu eryamunito ŋituŋa ŋulu erae ŋulu ka Apukan a Yesu. Abu oyakaun loculat ŋolo ka anam ŋolo enyaritae Patimos aŋuna a ŋakiro a ŋuna ka Akuj ka aŋuna ka akiteyenunet a ŋina a Yesu.