Ŋirom. 16:27 - Ebaibul

²⁷ Toyai apolou ŋina nyedaun alotooma Yesu Kristo neni ka Akuj, a ŋina erae iŋes bon eos nooi! Amen.

Ŋirom. 16:27 Iomraidhean Croise

Ŋikiru. 147:5

Epol nooi Ekapolon yok, epol nooi apedor keŋ; nyisalunun aosou keŋ.

Isa. 31:2

Toyenete rika atemar eos Ekapolon ka eyauni ŋican, nyeesyanakini ŋakiro ŋuna elimuni, nai eremokin ŋikalya a ŋulu itiyaete aronis ka eremokin ŋikeŋarakinitok a ŋulu asecak.

Ŋirom. 11:36

Anerae abu iŋes tosub ŋiboro daadaŋ ka itorunito ŋiboro daadaŋ neni keŋ ka eyakasi aŋuna keŋ. Toyai apolou neni ka Akuj ŋikaru ka ŋikaru! Amen.

Ŋiep. 3:10

ikotere nai alotooma Ŋikristo toyenut ŋikepukak ka ŋapedorosyo ŋuna anakuj aosou ŋina ka Akuj alotooma ŋiboro daadaŋ.

Ŋipil. 4:20

Toyai neni ka Akuj Papa yok apolou ŋina nyedaun ŋikaru ka ŋikaru! Amen.

1 Tim. 1:17

Toyai akerit ka apolou ŋina nyedaun neni ke Erwosit a ŋolo ipukae ŋikaru ka ŋikaru, ŋolo nyetwani, ŋolo erae iŋes bon erae Akuj! Amen.

1 Tim. 6:16

Iŋes bon erae ŋolo nyetwani jik; iboi iŋes anakica a ŋina emam ituŋanan eapikini. Emam ituŋanan aanyuwa iŋes; emam ŋini epedori aanyuwar iŋes. Toyai neni keŋ akerit ka apedor ŋina nyedaun! Amen.

2 Tim. 4:18

Akalakuni ayoŋ Ekapolon anaronis a daadaŋ ka akaiuni iŋes ayoŋ okoya Napukan keŋ ŋina anakuj. Toyai apolou ŋina nyedaun neni keŋ ŋikaru ka ŋikaru! Amen.

Ŋibur. 13:15

Aŋun, oinakisi nai akipuro neni ka Akuj jwi jwi erae amuronot yok alotooma Yesu, ainakinet ŋina erae akituk irworo, itopoloorit Yesu erae Ekapolon.

Ŋibur. 13:21

Ikimaimai isua Akuj ŋina ikiinanakini ekisil, ikiinak iyes ibore ŋini ajokan daadaŋ ŋini iitanito iyes aŋuna ka akitiya acamit keŋ. Itiyakini iŋes aneni yok ŋuna italakarito iŋes alotooma Yesu Kristo. Toyai neni keŋ apolou ŋikaru ka ŋikaru! Amen.

1 Pet. 2:5

Kimyekisi Akuj ikidukyo iyes ikwa ŋamoru ŋuna eyarete Akai keŋ ŋina ke etau, neni itiyaata iyes iraakasi ŋisacaradotin keŋ, ŋulu iinanakinete ŋamuronisya ŋuna eyaunit Etau, ŋuna ecamit Akuj alotooma Yesu Kristo.

2 Pet. 3:18

Nai torubakisi ipoloete anajokis ka anayenut a ŋina ke Ekapolon ka Ekaiunan yok Yesu Kristo. Toyai apolou neni keŋ tokona ka ŋikaru ka ŋikaru! Amen.

Yud. 1:25

Neni keŋ, a ŋolo erae Akuj ŋina donupei, Ekaiunan yok alotooma Yesu Kristo Ekapolon yok, toyai akipuro, apolou, agogoŋu ka apedor, tari eriŋa nyesubuna akwap, tokona ka ŋikaru ka ŋikaru! Amen.