Ŋirom. 16:21 - Ebaibul

²¹ Ikimalae iyes Timoteo ŋolo ikitiyae ka ayoŋ, ikimalae tari Lukio, Yason tari Sosipatiro, ŋulu erae Ŋiyudayan ikwa ayoŋ.

Ŋirom. 16:21 Iomraidhean Croise

Ŋitic. 13:1

Ayakasi ŋikadwarak ka ŋiketatamak neni a Ŋikristo a ŋulu alo Antiokio. Araakasi ikes Baranaba ka Simeon ŋolo arae Niger (iŋes atemar ŋolokiryonon), Lukio ŋolo abunit alo Kurene, Manaen ŋolo kepolounete kaapei ka erwosit Erode ta Saulo.

Ŋitic. 17:14

Kitenakis ŋikanupak Paulo atipei, tolot ananam; nai kidoŋo Silas ka Timoteo Berea.

Ŋitic. 17:5

Nai min arakao neni a Ŋiyudayan, kiriraut ŋikerimitok emaket ŋice, toyeut aruruma. Kisiguryakis ikes etaun daadaŋ, tolomasi ka agogoŋu lore a Yason, iwarito Paulo ka Silas ayaun ikes kiŋa lotuŋa.

Ŋitic. 18:5

Ani epote Silas ka Timoteo alo Makedonia, totum Paulo aayenen akeepaki daadaŋ elimonokini ka iteyenunui Ŋiyudayan atemar Yesu iŋes erae Kristo.

Ŋitic. 19:22

Kiyakiya iŋes kiŋaren ŋikeŋarakinitok keŋ ŋiarei, Timoteo ka Erasto, toloto Makedonia; eriŋa iŋes iriyat alo Asia.

Ŋitic. 20:4

Torukosi ŋituŋa lu ka iŋes: Sopate ŋolo alo Berea--lokoku a Piro, Aristako ka Sekondo ŋulu alo Tesalonika, Gaio ŋolo alo Derube, Tuciko ka Tropimo ŋulu alo Asia ka Timoteo.

Ŋirom. 16:11

Kimalakinae Erodio ŋolo erae Eyudayat ikwa ayoŋ ka ŋituŋa daadaŋ ŋulu ke ekal a Narikiso, ŋulu emorikin ke Ekapolon.

Ŋirom. 16:7

Kimalakinae tari Andoroniko ka Yunia, ŋulu erae Ŋiyudayan ikwa ayoŋ, ŋulu aponi toenae kaapei ka ayoŋ. Erwoko ikes nooi alokiyakia ka apotu toruworos Ŋikristo eriŋa ayoŋ.

Ŋirom. 9:3

Kerae ca opedori ayoŋ akiŋarakin ikes, kacamu daŋ aŋuna kec ekecen Akuj ka okotyakar aneni a Kristo!

2 Ŋikor. 1:1

Ayoŋ Paulo ŋolo arae ekiyakia ŋolo a Yesu Kristo, aŋuna ka acamit a ŋina ka Akuj ka Timoteo lokaato yok, ikigirit abaruwa na neni ka atukot a Ŋikristo a ŋina eyai Korinto ka lotuŋa ŋulu ka Akuj ŋulu eya Akaia daadaŋ.

2 Ŋikor. 1:19

Anerae Yesu Kristo ŋolo erae Lokoku ka Akuj ŋolo apotu Silipano, Timoteo ka ayoŋ itolimonokin iyes ŋakiro keŋ--nyerae iŋes, “Ee” ka “Mam”, nai erae iŋes, “Ee” ŋolo ka Akuj.

Ŋipil. 1:1

Ayoŋ Paulo ka Timoteo ŋiketiyak ŋulu a Yesu Kristo, ikigirit abaruwa na neni a ŋituŋa a daadaŋ a ŋulu ka Akuj alo Pilipi, a ŋulu imorikina ka Yesu Kristo ka neni a ŋibicopyo a ŋatukon a Ŋikristo ta ŋikeŋarakinitok kec.

Ŋikol. 1:1

Ayoŋ Paulo, ŋolo arae ekiyakia a Yesu Kristo aŋuna ka acamit a ŋina ka Akuj, ka Timoteo lokaato yok,

1 Ŋites. 1:1

Ayoŋ Paulo ka Silipano ta Timoteo ikigirit abaruwa na neni ka atukot a Ŋikristo a ŋulu eyakasi Tesalonika, a ŋulu erae ŋulu ka Akuj Papa ka ŋulu ke Ekapolon Yesu Kristo. Toyai neni kus ajokis ka ekisil.

1 Ŋites. 3:2

aponi isua kiyakuunae Timoteo lokaato yok ŋolo ikitiyae ka isua aŋuna ka Akuj alotooma alimonokin Ŋakiro ŋuna Ajokak ŋuna a Kristo. Aponi isua kiyakuunae iŋes akitogogoŋ ka akisimukekin iyes ananupit kus,

1 Ŋites. 3:6

Nai tokona, aboŋu Timoteo aneni kus, ikilimok iŋes isua ŋakiro ŋuna ka alakara ŋuna ka anupit ka ŋuna ka amina kus. Ikilimok iŋes isua atemar ikitamunito iyes isua jwi jwi ka alakara; nabo ikiburakinit iyes aanyun ka isua lopite ŋolopei ikiburakinitor isua daŋ aanyun ka iyes.

2 Ŋites. 1:1

Ayoŋ Paulo ka Silipano ta Timoteo ikigirit abaruwa na neni ka atukot a Ŋikristo a ŋulu eyakasi Tesalonika, a ŋulu erae ŋulu ka Akuj Papa yok ka ŋulu ke Ekapolon Yesu Kristo.

1 Tim. 1:2

egirit abaruwa na neni a Timoteo a ŋolo erae lokoku kaŋ ŋolo a kire ananupit. Toyai neni kon ajokis, akisyon ka ekisil aneni ka Akuj Papa ka aneni a Yesu Kristo Ekapolon yok.

1 Tim. 6:11

Nai iyoŋ ŋolo ka Akuj, toŋer ŋakiro ŋun daadaŋ. Toŋirik ka agogoŋu akiyookino, akiyar ŋina ecamit Akuj, anupit, amina, atitinyikinit ka akiyapara.

1 Tim. 6:20

Timoteo, kidar ejok ŋuna ikicikakin iyoŋ akidar. Toŋer ŋakiro ŋuna nyecamakina aneni ka Akuj ŋuna koŋinae ka ŋipegeta ŋulu enyarito ŋituŋa ŋice atemar “Aosou.”

2 Tim. 1:2

egirit abaruwa na neni a Timoteo a ŋolo erae lokoku kaŋ ŋolo minat. Toyai neni kon ajokis, akisyon ka ekisil aneni ka Akuj Papa ka aneni a Yesu Kristo Ekapolon yok.

Ŋibur. 13:23

Acamit iyes toyenut atemar alacakin Timoteo alomabus. Ani kedolu iŋes atipei, ikirukuni ka iŋes apaki ŋina abunio aanyun iyes.