Ŋirom. 15:3 - Ebaibul

³ Anerae pa abu Kristo kitiya ŋuna etalakarito iŋes bon. Nai akilo, ebala Daudi aŋuna keŋ alotooma Ŋakigireta ebe, “Apotu neni kaŋ ŋiyany ŋulu ikiyanyata ikes iyoŋ Akuj.”

Ŋirom. 15:3 Iomraidhean Croise

Ŋikiru. 69:20

Esiyaloloŋiyosi ŋiyany etau kaŋ, aŋun, apapanu ayoŋ. abu ayoŋ eitan akisyonio, nai mam ipei daŋ ŋini abu ekesyon; abu ayoŋ eitan ikesirworiunan, nai mam ipei daŋ ŋini abu ekesirworiu.

Ŋikiru. 69:9

anerae amina kaŋ Akai kon enepi alotau kaŋ ikwa akim, apotu neni kaŋ ŋiyany ŋulu ikiyanyata ikes iyoŋ Akuj.

Mat. 10:25

Itemokino ekasyoman kikoni eketataman keŋ ka eketiyan kikoni ekapolon keŋ. Ani kenyaritae ekapolon ŋolo ka akai atemar Belesebul, enyarao ŋituŋa ŋulu ka akai a ŋin a ŋirorwa a ŋulu aronok nooi.

Mat. 26:39

Torotok iŋes kiŋaren iwadio, kibusokin kwap kijuuru kilip tema, “Okoe! Papa, ani kepedor, tolema ekopo ŋolo a ŋican lo aneni kaŋ. Meere nai ikwa acamitor ayoŋ, nai ikwaŋina icamitor iyoŋ.”

Mat. 26:42

Toboŋo nabo iŋes akilip tema, “Okoe! Papa, ani pa kitemokino alemar ekopo ŋolo a ŋican lo aneni kaŋ, alemar mati kamat iŋes, kitiyakin ŋuna icamit iyoŋ.”

Mat. 27:44

Ŋikokolak daŋ ŋulu ebubukinitoe ka iŋes, kiyanya iŋes alopite a ŋolopei.

Yoa. 15:10

Ani kiricakis iyes ŋakiciketa kaŋ, idoŋete namina kaŋ, ikwaŋina ericakinia ayoŋ ŋakiciketa a Papa kaŋ, edoŋitor namina keŋ.

Yoa. 15:24

Kerae nyetiyat ayoŋ alokidiŋ kec ŋiticisyo ŋulu nyitiya idiotuŋanan, kemam ikes asecit; nai tokona adaut ikes akiŋolikin ŋun ka akitidiŋ ayoŋ ka Papa kaŋ daŋ.

Yoa. 4:34

Tolimok Yesu ikes tema, “Akaakimuj iŋes akitiya ŋuna ecamit Akuj ŋina ekeyakuunit ayoŋ ka akirikakin ekeetic.

Yoa. 5:30

“Emam idiobore ŋini apedori ayoŋ akitiya aŋuna ka apedor kaŋ bon. Atubonokini ayoŋ ikwaŋina akalimokinitere; eriyan ekaatubokine, anerae nyewarit ayoŋ ŋuna acamit, nai acamit a ŋolo ekeyakuunit ayoŋ.

Yoa. 6:38

anerae nyabunit ayoŋ anakuj akitiya acamit kaŋ, nai akitiya acamit a ŋolo ekeyakuunit ayoŋ.

Yoa. 8:29

Nabo ŋolo ekeyakuunit ayoŋ iŋes ikirukit ka ayoŋ; nyakaesikinit iŋes ayoŋ bon, anerae etiyae ayoŋ jwi jwi ŋuna italakarito iŋes.”

2 Ŋikor. 8:9

Kire iyenete iyes arimaanut ŋina ke Ekapolon yok Yesu Kristo, ŋolo abu aŋuna kus, tari ŋina abaritor, kituruwor bon ekulyakit aŋuna kus, ikotere nai toruworos iyes ŋikabarak aŋuna ka akulyako keŋ.

Ŋipil. 2:5

Toyakatar ŋatameta ŋuna ikote ŋun, ŋuna ayakar Yesu Kristo:

Ŋipil. 2:8

Alotakane keŋ arae ituŋanan, abu kitiditeun, ido kiwuap ŋuna acamit Akuj tari natwanare keŋ--atwanare keŋ alomusalaba.