Ŋirom. 15:24 - Ebaibul

²⁴ egeno ayoŋ aanyun iyes. Acamit akitorun neni kus alosi Sipania, ikotere daŋ ikiŋarakis iyes ayoŋ alosit inaa, kedaun iwon akiboi kaapei ka alelyan apaki ŋina euruwuana.

Ŋirom. 15:24 Iomraidhean Croise

Ŋakit. 25:17

Nyiropi a ŋinakoloŋit kai a ikidunyet kon, acepaki eŋoi ikidunyet kon ikiremokin iyoŋ.

Ŋitic. 15:3

Aŋun, kiyaki atukot a Ŋikristo ikes. Ani etubete ikes neni anyaritae Poenikia ka Samaria, kitatamikis ikes ŋituŋa ŋul epite ŋolo anupyata ŋituŋa ŋulu nyerae Ŋiyudayan Akuj. Kitelelyana ŋakiro ŋun ŋikanupak daadaŋ.

Ŋitic. 19:21

Ani kitiyakinosi ŋakiro ŋun, totyaku Paulo alosit Makedonia ka Akaia, tolot nai Yerusalem. Tolimu iŋes tema, “Ani kadau ayoŋ ayakaun nen, itemokino oanyu Roma daŋ.”

Ŋitic. 21:5

Tari ŋina alimunitere ŋun, ani edaun ŋarwa ŋuna arukitere isua ka ikes, kitemokinetei isua arotokin. Ikitenakis isua ŋikanupak daadaŋ ka ŋaberu kec ta ŋidwe daŋ, tolotoi kiŋa etaun nacukut ŋina ka anam, toryedikoe kilipae, ido totyakatei.

Ŋirom. 1:12

Iŋes atemar esimukekinos iwon kaapei ananupit yok; ekesimukek ayoŋ iyes ananupit kus ka ikisimukekis iyes ayoŋ ananupit kaŋ.

Ŋirom. 15:28

Ani nai kadau ayoŋ akirikakin etic ŋol, ainakin ikes ŋainakineta ŋuna ecunakinio, etoruni nai neni kus alosi Sipania.

2 Ŋikor. 1:16

Atubunit sek ayoŋ abunore aanyun iyes apaki ŋina alosyo ayoŋ Makedonia ka etoru nabo neni kus aboŋuni, ikotere aryamunia adiokiŋarakinet aneni kus aŋuna ka alosit kaŋ Yudeya.

3 Yoa. 1:6

Eteyenikis ikes Ŋikristo ŋulu a ne ŋuna ka amina. Okoe! Kiŋarak ikes torubakis itiyaete alorot kec alopite a ŋolo itemokino aneni ka Akuj.