Ŋirom. 15:16 - Ebaibul

¹⁶ Aruwor ayoŋ eketiyan ŋolo a Yesu akitiya aŋuna a ŋituŋa a ŋulu nyerae Ŋiyudayan. Etiyae ayoŋ ikwa esacaradoti analimonokin Ŋakiro ŋuna Ajokak ŋuna eponito aneni ka Akuj, ikotere nai ŋulu nyerae Ŋiyudayan eruworosi amuronot ŋina ecamunit Akuj, ŋina etojok Akuj nooi alotooma Etau ŋolo Asegan.

Ŋirom. 15:16 Iomraidhean Croise

Ekim. 7:62

abakuli ŋina etiyaunitae a egolid ŋina aapiyarit apotis keŋ atutubet apei a akilo, elelebikinitae ekinyate nabakuli ŋin

Ŋitic. 13:2

Ani ilipete ikes neni ke Ekapolon ka kikanyete, tolimok Etau ŋolo Asegan ikes tema, “Kimyekisi Baranaba ka Saulo kitiyata etic ŋolo anyaritor ayoŋ ikes.”

Ŋitic. 20:24

Nai aneni kaŋ nyepol akiyar nooi akilo aŋetakin akerit na ŋina erae etic ŋolo akainakinit Ekapolon Yesu ayoŋ akitiya. Etic ŋol iŋes akiteyenun Ŋakiro ŋuna Ajokak ŋuna ka ajokis a ŋina ka Akuj.

Ŋitic. 20:32

“Nai tokona, ekewuakini ayoŋ iyes nakan ŋuna ka Akuj ka nakiro ŋuna ka ajokis keŋ, ŋina epedori akitogogoŋ ka ainakin iyes ŋarereŋisyo ŋuna iŋadat Akuj aŋuna a ŋituŋa a ŋulu eturuwo iŋes ŋulu keŋ.

Ŋitic. 22:21

Tema Ekapolon neni kaŋ, ‘Tolot, anerae ekeyakiyari ayoŋ iyoŋ neni elwana nooi, lotuŋa ŋulu nyerae Ŋiyudayan!’ ”

Ŋitic. 9:15

Nai tolimok Ekapolon Anania tema, “Tolot, anerae erae iŋes eketiyan kaŋ ŋoloseuna, ŋolo iteyenuni ekiro kaŋ lobukui ŋulu nyerae Ŋiyudayan ka lorwosi kec ta lotuŋa ŋulu a Isirael.

Ŋirom. 1:1

Ayoŋ Paulo, eketiyan a Yesu Kristo, egirit abaruwa na. Akanyarau Akuj ayoŋ aruwor ekiyakia ka akaseu aruwor ekalimonokinan Ŋakiro keŋ ŋuna Ajokak.

Ŋirom. 11:13

Ekesirwori tokona ayoŋ iyes ŋulu nyirae Ŋiyudayan, ikwaŋinapei araakar ayoŋ ekiyakia lotuŋa ŋulu nyerae Ŋiyudayan, enisakin ayoŋ nooi alotic kaŋ.

Ŋirom. 15:18

Erwori ayoŋ emam akuryanu, ido alimuni ŋuna etiya Kristo aneni kaŋ, ŋuna ka akirik ŋituŋa ŋulu nyerae Ŋiyudayan tokera Akuj. Apotu ŋun kitiyakinos alotooma alimonokin ka ŋiticisyo,

Ŋirom. 15:19

alotooma ŋakitoodikineta ka ŋakujuwuanisya ŋuna apolok ka anapedor a ŋina ke Etau a ŋolo Asegan. Aŋun, abu ayoŋ erim nooi, ameun alo Yerusalem tari neni enyaritae Illirikom ka adau a nen akiserakin Ŋakiro ŋuna Ajokak ŋuna a Kristo.

Ŋirom. 15:20

Ŋuna alelakinit ayoŋ jwi jwi, ikes ŋuna ka akiserakin Ŋakiro ŋuna Ajokak anakiboisyo a ŋuna eriŋa ŋituŋa nyiirara ŋakiro a Kristo, ikotere nyarubak erworo ŋakiro ŋuna aris ituŋanan ice kegeu.

Ŋirom. 15:29

Ayeni ayoŋ atemar apaki ŋina abunio ayoŋ neni kus, ayauni ŋarereŋisyo aŋuna a Kristo, ido omora.

Ŋirom. 5:5

Nyikitakadanakini iwon akigeno na, anerae elelebik Akuj amina keŋ lotai yok aneni ke Etau a ŋolo Asegan, a ŋolo erae ainakinet ŋina ka Akuj neni yok.

1 Ŋikor. 3:5

Nyo mono ca Apolo? Ka nyo erae Paulo? Ikirae isua ŋiketiyak ŋulu ka Akuj ŋulu apotu ikitunupa iyes, ikwaŋina ekorakinitor Ekapolon ŋinituŋanan ekeetic.

1 Ŋikor. 4:1

Itemokino iyes toyenete atemar ikirae isua ŋiketiyak ŋulu a Kristo, ŋulu adau Akuj ainakin apolokin etic ŋolo ka akisera ŋakiro ŋuna a kire ŋuna imunono.

1 Ŋikor. 6:19

Nyiyenete iyes atemar erae ŋawat kus Akai ŋina ke Etau a ŋolo Asegan, a ŋolo eyai tooma kus, a ŋolo ikiinakinit Akuj iyes a? Nyiraakasi iyes ŋulu kus a ŋilopeyek, nai ŋulu ka Akuj.

2 Ŋikor. 11:23

Eraakasi ikes ŋiketiyak a Kristo a? Erworo ayoŋ ikwa ŋolo a ŋikerep--eloit ayoŋ ikes anaraakau eketiyan! -- Abu ayoŋ etiya nooi adepar, aponi ekewuakin mabus ŋarwa ŋakalalak, ekebuŋatae ŋakibuŋa ŋuna nyimarun, ŋapakio ŋuna alalak adikino atwani.

2 Ŋikor. 5:20

Ikirae isua ŋikawuoikinitok ŋulu a Kristo ka erae neni kosi ikinyaritor iyes Akuj anakiro kosi: alokiro a Kristo, ikimaimai isua iyes tocamut akimorikin ka Akuj.

2 Ŋikor. 8:5

Apotu ikes kitiyata ŋun--ŋuna pa atamakinitae isua tari iwadio! Ŋina eŋarenon, apotu ikes inakinos neni ke Ekapolon; ani ekaku aŋuna ka acamit a ŋina ka Akuj, apotu ikes inakinos neni kosi.

Ŋigal. 3:5

Ikiinakinit mono Akuj iyes Etau keŋ ka akitiya ŋakujuwuanisya alokidiŋ kus, aŋuna itiyaata iyes ŋuna ecamito Ŋikisila kori aŋuna iiranaryata Ŋakiro ŋuna Ajokak, ido tonupa?

Ŋiep. 2:18

Erae aŋuna a Kristo aponere iwon daadaŋ Ŋiyudayan ka ŋulu nyerae Ŋiyudayan, topedorere aponare neni ka Akuj a Papa alotooma Etau ŋolo ka Akuj epei.

Ŋiep. 2:22

Alotooma akimorikina ka Kristo, ikidukokin iyes daŋ kaapei ka ŋuluce naduketait ŋina iboiyo Akuj alotooma Etau keŋ.

Ŋiep. 5:2

Itemokino iyes kiboiyete alotooma amina lopite ŋolopei abunio Kristo itominakinia iwon, ido tojal akiyar keŋ aŋuna yok erae amuronot ŋina akukunyon, ŋina ecamuna ka ŋina italakarit Akuj.

Ŋipil. 2:17

Nai tari erae kainak akiyar kaŋ ikwa amuronot, kiyatakinae namuronot kus, ŋina erae anupit kus; alakari ayoŋ ka ikimori alelyan kus.

Ŋipil. 4:18

Adau ayoŋ aryamun ainakinet kaŋ, itemokino ka elal daŋ nooi! Ayakar tokona ayoŋ ibore ŋini eitanit daadaŋ, ikwapei ayaunia Epapurodito ŋainakineta ŋuna ipotu iyes kiyakuut. Erae ikes amuronot ŋina akukunyon, ŋina ecamuna ka ŋina italakarit Akuj.

1 Ŋites. 2:2

Iyenete iyes epite ŋolo aponere ikiteryamunere isua ŋican ka itobolyare alo Pilipi. Kikote neni daŋ, abu Akuj yok ikiinak isua atitinyu ŋina limonokinet iyes Ŋakiro ŋuna Ajokak ŋuna eponito aneni keŋ, tari ŋina atyonio nooi etic kosi.

1 Ŋites. 2:9

Anerae ŋikaitotoi, itamunito iyes epite ŋolo etiyaere isua ka agogoŋu nooi akuwar ka apaaran, ikotere nyikisiyaloloŋ isua iyes alotooma apaki ŋina ikilimonokinia isua iyes Ŋakiro ŋuna Ajokak ŋuna ka Akuj.

1 Ŋites. 5:23

Ikimaimai Akuj ŋina erae alope ekisil ikituruwo iyes ŋulu ikwaan ka iŋes alopitesyo a daadaŋ ka ikiyokite iyes daadaŋ alotai, anakiyar ka anawat tomam ŋakiro ŋuna aronok jik akitodol Akoloŋit ŋina eboŋunio Ekapolon yok Yesu Kristo.

1 Tim. 1:11

Emaasi akitatamet ŋin ka Ŋakiro ŋuna Ajokak ŋuna aponi ekecikakin ayoŋ akisera, Ŋakiro ŋuna Ajokak ŋuna elimorito apolou ŋina ka Akuj a ŋina erereŋ.

1 Tim. 2:7

Iŋes nai ekeyakuunere ayoŋ ikwapei ekeseran ka ekiyakia, akitatam ŋituŋa ŋulu nyerae Ŋiyudayan ŋakiro ŋuna ka anupit ka ŋuna a kire. Nyesudi ayoŋ ŋakiro; erworo ayoŋ ŋuna a kire!

2 Tim. 1:11

Iŋes nai ekeyakuunere ayoŋ ikwapei ekeseran ka ekiyakia akitatam Ŋakiro ŋuna Ajokak ŋun;

Ŋibur. 13:16

Nyikimuryak akitiya ŋuna ajokak ka akimor ŋiboro kus, anerae ŋamuronisya ŋun ikes italakarito Akuj.

1 Pet. 1:12

Abu Akuj kitoodik ŋikadwarak atemar, pa arae aŋuna kec a ŋilopeyek erworotor ikes ŋakiro ŋun, nai arae aŋuna kus. Ŋakiro ŋuna Ajokak ŋunapei ŋun elimonokinete tokona Ŋikiyakia neni kus anapedor a ŋina ke Etau a ŋolo Asegan a ŋolo eyakuunio anakuj. Tari ŋimalaikan daŋ iitanito ayenun ŋakiro ŋunapei.

1 Pet. 2:5

Kimyekisi Akuj ikidukyo iyes ikwa ŋamoru ŋuna eyarete Akai keŋ ŋina ke etau, neni itiyaata iyes iraakasi ŋisacaradotin keŋ, ŋulu iinanakinete ŋamuronisya ŋuna eyaunit Etau, ŋuna ecamit Akuj alotooma Yesu Kristo.