Ŋirom. 14:8 - Ebaibul

⁸ Ani kikiyari iwon, ikiyari aŋuna ke Ekapolon, ka ani kikitwaka, ikitwaki aŋuna ke Ekapolon. Tari nai kikiyari kori kikitwaka, ikirae iwon ŋulu ke Ekapolon.

Ŋirom. 14:8 Iomraidhean Croise

Luk. 20:38

Erae iŋes Akuj ŋina a ŋulu eyarete, meere Akuj ŋina a ŋulu etwakito; anerae aneni keŋ eyarete daadaŋ.”

Yoa. 21:19

(Alimuni Yesu ŋakiro ŋun kitoodiunia epite ŋolo ebunio Petero atwanare, ido kitopoloo Akuj.) Ani kedau alimun ŋun, tolimok Petero tema, “Kiwuapakinae ayoŋ.”

Ŋitic. 13:36

Nai kire abu Daudi totwan, kedau akitiya ŋuna acamit Akuj iŋes kitiya ananyamet keŋ, tonukae diyete atapapaa keŋ, ido tobos.

Ŋitic. 20:24

Nai aneni kaŋ nyepol akiyar nooi akilo aŋetakin akerit na ŋina erae etic ŋolo akainakinit Ekapolon Yesu ayoŋ akitiya. Etic ŋol iŋes akiteyenun Ŋakiro ŋuna Ajokak ŋuna ka ajokis a ŋina ka Akuj.

Ŋitic. 21:13

Tema nai Paulo, “Nyo itiyaete iyes igworotor ikona ka ikiteryebiata ayoŋ etau kaŋ? Atenit ayoŋ aeno alo Yerusalem; meere ŋun bon, nai atenit atwanare daŋ aina aŋuna ke ekiro ke Ekapolon Yesu.”

1 Ŋikor. 15:23

Nai iteyarunio ŋinituŋanan ikona: eteyarun mono Kristo; ekaku iteyarunio ŋikanupak a Kristo apaki ŋina eboŋunio iŋes.

Ŋipil. 1:20

eitanit ayoŋ nooi ka egeno atemar nyekerumete jik ayoŋ ŋileec, nai ayakaunor atitinyu ŋina itemokino, anapakio a daadaŋ, nooi tokona, ikwapei sek itopolooritere Kristo aŋuna kaŋ, eriŋa ayari kori katwana.

Ŋipil. 2:17

Nai tari erae kainak akiyar kaŋ ikwa amuronot, kiyatakinae namuronot kus, ŋina erae anupit kus; alakari ayoŋ ka ikimori alelyan kus.

Ŋipil. 2:30

anerae adikino iŋes ejali akiyar keŋ aŋuna ke etic a Kristo aŋuna ka akiŋarakin ayoŋ alopite a ŋolo pa ipedoritotor iyes ŋilopeyek akiŋarakinia ayoŋ alotic a ŋol.

1 Ŋites. 5:10

Abu iŋes totwan aŋuna yok, ikotere nai kikiyari kori kikitwakit apaki ŋina eboŋunio iŋes, eboiyoto ka iŋes.

Akis. 14:13

Abu eira etoil anakuj ebala, “Kigir nu: erereŋ ŋituŋa ŋulu etwakete anakijaanakin Ekapolon ameun tokona!” Toboŋok Etau tema, “Ee, kire jik! Ieŋunete ikes alocan kec, anerae erukorete ikes ka ŋiticisyo kec.”