Ŋirom. 14:3 - Ebaibul

³ Nyitemokino ituŋanan ŋini enyami ibore daadaŋ isoloe ŋini nyenyami daadaŋ; aso ŋini eŋerit akinyam akiriŋ, nyitemokino etubokini ŋini enyami ibore daadaŋ, anerae acamu Akuj iŋes.

Ŋirom. 14:3 Iomraidhean Croise

Sakar 4:10

Nyelakara ikes tokona, anerae edit ibore ŋini etiyakin. Nai iŋolikinete ikes Serubabel erubakinit eduki Akai ka Akuj, ido elakarosi ikes.” Abu emalaika tema neni kaŋ, “Erae ŋitaae ŋulukanikaarei ŋul ŋakonyen ŋakanikaarei ŋuna ke Ekapolon ŋuna iteete akwap daadaŋ.”

Mat. 18:10

“Tocoito ijamuwarete tari ipei a ŋulu cicik a lu, anerae akalimokini ayoŋ iyes atemar, erukito ŋimalaikan kec jwi jwi ka Papa kaŋ ŋolo eyai nakuj. [

Mat. 9:14

Potu ŋikasyomak a Yoana ke Ekebatisan neni a Yesu, kiŋita iŋes temasi, “Kaanukiro ikikanyanakinia isua ka Ŋiparisayon, nai nyikanyeneneete ŋikonikasyomak?”

Luk. 18:9

Tolimu Yesu akitadapet naga ikotere ŋituŋa ŋulu abasi ikirae ŋulu iyookino ka tojamuwarito daŋ ŋuluce.

Ŋitic. 10:34

Togeu Petero erwor tema, “Tokona ayenu ayoŋ kire atemar nyetyakatyakat Akuj ŋituŋa;

Ŋitic. 10:44

Ani eriŋa Petero irworo ŋakiro ŋun, min Etau ŋolo Asegan lotuŋa daadaŋ ŋulu apupete ŋakiro ŋun.

Ŋitic. 28:2

Akoneoko nooi ŋituŋa ŋulu a nen. Ikijaut ikes isua, kinokakis akim, anerae atepit akiru, tolilim akwap.

Ŋirom. 11:15

Anerae ŋina aŋerere ikes, aponi kituruworoe akwap ekone ŋolo ka Akuj. Ikokini nai ai apaki ŋina ecamunia Akuj Ŋiyudayan? Eyarunete ŋikatwak!

Ŋirom. 14:1

Tocamutu ekile ŋolo epalag ananupit eyakaun neni kus, nai nyipeganakinosi ka iŋes anakiro a ŋuna erae ŋatameta keŋ a elope.

Ŋirom. 14:10

Kaanukiro nai etubonokiniata ŋice kus ŋuluce? Ka kaanukiro isolooto ŋice kus ŋuluce? Ikilosi iwon daadaŋ akiwo alokiŋaren Akuj, ikitubok iŋes iwon.

Ŋirom. 14:13

Aŋun nai, ojoŋoto atubonokin make. Nai ŋuna itemokino iwon otyakutu akitiya nu: nyitemokino akitiya idiobore ŋini isigukini lokaato yok ananupit keŋ kori ŋini itolomari iŋes nasecit.

Ŋirom. 14:15

Ani kitakadak iyoŋ lokaato kon aŋuna a ibore a ŋini inyami iyoŋ, ido nyenyami iŋes, iŋes atemar nyeriŋa nai iyoŋ itiyae ŋuna ka amina. Nyimyek akimuj ŋina imuji iyoŋ emunaiyari ituŋanan ŋini abunio Kristo totwania!

Ŋirom. 14:21

Ŋuna itemokino akitiya ikes ŋuna ka akimyekin akinyam akiriŋ kori akimat ŋagwe kori akitiya ŋinibore daadaŋ ŋini isigukini lokaato kon ananupit keŋ.

Ŋirom. 15:7

Tocamuna nai make, aŋuna ka akitopoloor Akuj, ikwapei adaunia Kristo acamun iyes.