Ŋirom. 14:2 - Ebaibul

² Ecamakini anupit a ituŋanan a ice ilope akinyam ibore daadaŋ, nai ituŋanan ŋini epalag ananupit, eŋeri iŋes akinyam akiriŋ.

Ŋirom. 14:2 Iomraidhean Croise

Akisy. 1:29

Tema Akuj, “Kiŋolikisi, akainak ayoŋ iyes ŋikito daadaŋ ka ŋinya daadaŋ ŋulu erayete ŋicok anakwap, ŋolokitoe eraii daadaŋ, eruwor ŋaraito keŋ akimuj kus.

Akisy. 9:3

Akainak ayoŋ iyes ibore daadaŋ, ŋini eyari tolosi, toruwor akimuj kus, lopite ŋolopei abunio okoinak iyes ŋikito ka ŋinya, akainak tokona ayoŋ iyes ibore daadaŋ.

Ŋakit. 15:17

Ejok akinyam ŋidyas tolakara, akilo akinyam ŋimoŋin ŋulu atumak ŋulu ikimanere.

Dan. 1:12

“Ekelipit ayoŋ iyoŋ atemar kikatak ŋiketiyak kon alotooma ŋirwa ŋitomon, kimyek ikiinakin isua edia bon kimujae ka ŋakipi tomatae,

Dan. 1:16

Aŋun, abu ekeyokon ata Daniel tojoŋo ainanakin ikes akimuj ŋina a erwosit ka epiini ŋolo a erwosit, ido abu inanak ikes edia.

Ŋirom. 14:1

Tocamutu ekile ŋolo epalag ananupit eyakaun neni kus, nai nyipeganakinosi ka iŋes anakiro a ŋuna erae ŋatameta keŋ a elope.

Ŋirom. 14:14

Ayeni ka eketoodikinit ayoŋ Ekapolon Yesu atemar emam ibore ŋini nyeseg alotooma keŋ bon, nai ani kenup ituŋanan atemar nyeseg icebore, eruwor nai ibore ŋin ŋini nyeseg aneni keŋ.

Ŋirom. 14:20

Nyinyasut aŋuna ka akimuj ŋuna adau Akuj akitiya. Epedoryo ŋamuja daadaŋ akimuj, nai erono akimuj ibore ŋini itolomari ituŋanan ŋinice nasecit.

Ŋirom. 15:1

Itemokino iwon ŋulu ikigogoŋ ananupit eŋaranakinete ŋulu epalag, egaŋakisi ikes anatyokisyo kec. Nyitemokino iwon ikitiyae ŋuna ikitalakarete iwon make.

1 Ŋikor. 10:25

Ikicamakinitae iyes akinyam akiriŋ ŋina egyelanaryo alomaket. Nyejoikina akiŋita, ikotere nyepodosi ŋatameta kus.

1 Ŋikor. 8:9

Nai tocoito nyeruwor alacakina kus ŋina nyamet ŋamuja, ŋina iteseci ŋulu epalag ayenut kec anakiro a ŋun.

1 Ŋikor. 9:22

Aneni a ŋulu epalag ananupit, apalag ikwa ikes, ikotere onyaraunia ŋulu palag daŋ neni a Kristo. Aruwor ayoŋ ŋinibore daadaŋ alotuŋa a daadaŋ, ikotere oiunia ŋice a epite a daadaŋ a ŋolo apedorya.

Ŋigal. 2:12

Ani eriŋa ŋikilyok ŋice ŋulu kiyakiyarit Yakobo nyedolo Antiokio, kimujete sek Petero ka ŋituŋa ŋulu pa arae Ŋiyudayan. Nai ani edolete ŋikilyok ŋul nen, totyakari Petero nyecamu akimuj ka ŋituŋa ŋulu pa arae Ŋiyudayan, anerae akuryanit iŋes aŋuna a ŋituŋa a ŋulu acamito ŋikanupak ŋulu nyerae Ŋiyudayan kileŋerae.

1 Tim. 4:4

Ejok ibore daadaŋ ŋini abu Akuj tosub, emam ibore ŋini itemokino toŋeroe, erae kijaunitae ka alakara aneni ka Akuj;

Tito 1:15

Esegak ŋiboro daadaŋ aneni a ŋituŋa a ŋulu esegak ikes ŋilopeyek, nai emam ŋiboro esegak aneni a ŋituŋa a ŋulu nyenupito, anerae erae ŋatameta ka ŋitai kec esiilyaka.

Ŋibur. 13:9

Nyicamakis ŋakitatameta ŋuna alalak ŋuna egelegelya ikibatarete iyes ananupit a ŋina a kire. Ejok iyes iryamunete alotai kus agogoŋu alotooma ajokis ŋina ka Akuj, meere alotooma akiwuapit ŋitalyo ŋulu a ŋamuja; nyiŋarakina ŋitalyo ŋul ŋituŋa ŋulu iwuapito ikes.

Ŋibur. 9:10

anerae etapito ikes ŋitalyo ŋulu italeunitere akuwan bon ikwa ŋamuja ka ibore ŋini emasyo ta ŋace ŋuna alalak ŋuna emookere ŋitalyo. Nai edaunosi ŋun apaki ŋina isyakinia Akuj akituruwor ŋinibore ŋini ekitetyana.