Ŋirom. 14:19 - Ebaibul

¹⁹ Aŋun nai, itemokino iwon jwi jwi ekatakisi akitiya ŋuna eyaunete ekisil ka ŋuna ikiŋarakinete akitogogoŋo make.

Ŋirom. 14:19 Iomraidhean Croise

Ŋikiru. 133:1

Ejok nooi ka ikinirari ekiboiye a ŋituŋa a ŋulu ka Akuj anakimorikina.

Ŋikiru. 34:14

itemokino iŋes toesik akitiya ŋuna aronok, ido kitiya ŋuna ajokak; itemokino iŋes kiwar ekisil a etau keŋ a daadaŋ.

Mat. 5:9

Erereŋ ŋulu esisilak; enyarao ikes ŋidwe ka Akuj.

Mar. 9:50

“Ejok acumbi, nai ani kepyaniar, ikokinio nabo itasasamunio ai? Aŋun, toyakatar acumbi tooma kus ka kiboiyete daadaŋ imaasi.”

Ŋirom. 12:18

Kitiyata alowae kus ŋuna ipedorete, ikotere iboiyete ka ŋituŋa daadaŋ isilito.

Ŋirom. 15:2

Akilo, itemokino ŋinituŋanan aneni yok kitiya neni ke ekanupan ibore ŋini ajokan ŋini italakari iŋes, ikotere kitogogoŋ iŋes ananupit.

1 Ŋikor. 10:23

Ebookoi ebe, “Ikicamakinitae iwon akitiya ŋinibore daadaŋ”. Nai nyejokak ŋiboro daadaŋ, kire, “Ikicamakinitae iwon akitiya ŋinibore daadaŋ.” Nai nyikitogogoŋete ŋiboro daadaŋ.

1 Ŋikor. 10:33

Kiboiyoto lopite ŋolopei eboiyo ayoŋ; ekatakinit ayoŋ akitalakar ŋituŋa daadaŋ alopitesyo a daadaŋ, nyatami ŋuna kaŋ bon, nai atami aŋuna a ŋituŋa a daadaŋ, ikotere toiunos ikes daadaŋ.

1 Ŋikor. 14:26

Ŋikaitotoi kaŋ, apolou a ŋakiro a ŋuna erworo ayoŋ iŋes na: ani iryamiryamete akilip, epedori ipeituŋanan alimun eete, kitatam ice ŋakiro ŋuna ka Akuj, ice toyakar akitoodikinet aneni ka Akuj, ice toyakar akirot a ŋaŋajepa a ŋuna egelaaka, ka ice daŋ kisileereu ŋuna irworoe a ŋaŋajepa a ŋuna egelaaka. Nai itemokino ŋinibore torae ŋini itogogoŋi ŋikanupak.

1 Ŋikor. 14:3

Nai ituŋanan ŋini edwari, irworo lotuŋa aŋuna ka akitogogoŋ, akisimukekin ka akimaima ikes.

1 Ŋikor. 14:4

Ituŋanan ŋini irworo ŋaŋajepa ŋuna egelaaka itogogoŋo iŋes bon, nai ituŋanan ŋini edwari, itogogoŋi iŋes atukot a Ŋikristo.

1 Ŋikor. 14:5

Acamit ayoŋ iyes daadaŋ kirworo ŋaŋajepa ŋuna egelaaka, nai nooi todwarete. Anerae epol ŋini edwari akilo ŋini irworo ŋaŋajepa ŋuna egelaaka--mati eyai ŋini isileereuni ŋuna irworo iŋes, ikotere kitogogoŋio atukot a Ŋikristo daadaŋ.

1 Ŋikor. 7:15

Nai ani kecamit ŋini nyerae Ekristoit atyakar aneni ke Ekristoit, kimyekisi totyakar. Anakiro a ŋuna ikote ŋun, nyereikinitae ŋini erae Ekristoit, kerae ekile kori aberu. Anerae adau Akuj anyarare iyes akiboi alotooma ekisil.

1 Ŋikor. 8:1

Egiri tokona ŋuna ikamunito ŋuna ipotu iyes kigira aŋuna a ŋamuja a ŋuna einanakinio erae amuronot nakujo ŋace. Iyookino kire atemar, “Ikiyakar iwon daadaŋ ayenut.” Isiturokini ayenut ituŋanan, nai amina iŋes itogogoŋi ituŋanan.

2 Ŋikor. 12:19

Acepaki itamete iyes atemar kori iwaritae isua jik aryamun epite ŋolo eiunore isua alokiŋaren kus. Mam! Ikirworo isua alopite a ŋolo ikicamakinitor isua Kristo kirworoe alokiŋaren Akuj; ŋikaitotoi kaŋ, ibore daadaŋ ŋini ikitiyae isua, ikitiyae akiŋarakinia iyes.

2 Ŋikor. 13:11

Ŋuna isidiyete ŋikaitotoi, ikianyun! Kitogogoŋo ŋitai kus. Kitatamas make; tocamununos make; kiboiyoto a ekisil. Toyai neni kus Akuj ŋina ka amina ka ekisil.

Ŋiep. 4:12

Abu iŋes kitiya ŋun aŋuna ka akitemonokin ŋituŋa ŋulu ka Akuj daadaŋ aŋuna ke etic a ŋolo a Ŋikristo, ikotere itopolooto atukot a Ŋikristo, ŋina erae akuwan a Kristo

Ŋiep. 4:29

Nyirworosi ŋakiro ŋuna awanak, nai kirworos ŋuna eŋarakinak, ŋuna epedorete akiŋarakin ŋituŋa alotooma ŋuna iitanito ikes, ikotere yaut ŋarereŋisyo lotuŋa ŋulu ikipupete iyes.

1 Tim. 1:4

Tolimok ikes tojoŋoto akitumoro aloemuto a ŋul ka anakimar ŋirorwa ŋulu alalak ŋulu atapapaa--ŋulu iatakinete ŋakiŋiseta ka ŋipegeta akilo akiyokit etic ŋolo ka Akuj ananupit.

2 Tim. 2:22

Toŋer ekibure ŋolo itemi ŋisorok akisec, toŋirik ka agogoŋu aruwor ŋolo iyookino, ŋolo inupit, ŋolo imina ka ŋolo isilito kaapei ka ŋulu ilipete neni ke Ekapolon a ŋitai a ŋulu asegak.

Ŋibur. 12:14

Toŋirikisi akisil ka ŋinituŋanan daadaŋ ka toŋirikisi akiboi anakiyar a ŋina Asegan, anerae emam ituŋanan eanyuwari Ekapolon emam ŋun.

1 Pet. 3:11

Itemokino iŋes toesik akitiya ŋuna aronok, ido kitiya ŋuna ajokak; itemokino iŋes kiwar ekisil a etau keŋ a daadaŋ.