Ŋirom. 14:18 - Ebaibul

¹⁸ Ituŋanan daadaŋ ŋini itiyanakini Kristo alopite a ŋol, elakar Akuj aŋuna keŋ ka itojokete ŋituŋa etic keŋ.

Ŋirom. 14:18 Iomraidhean Croise

Akisy. 4:7

Ani mono kitiya iyoŋ ejok, nyikicamunio mono iyoŋ a? Nai ani pa kitiya iyoŋ ejok, erubakini asecit ikidapit iyoŋ a lopuke, ikiitanit iyoŋ; nai itemokino iyoŋ kilou asecit.”

Ekal. 9:7

Torubakisi imujete akimuj kus analakara ka imasete ŋimaten kus analelyanu a ŋitai kus; anerae edaunit sek Akuj akitemokin ŋuna emaikina iyes kitiyata.

Mar. 13:34

Ikoni apaki ŋin ituŋanan ŋini anyouni alore keŋ, tolot iwace, kimyek ekeere, inak ŋiketiyak keŋ apedor, ŋoloketiyan ekeetic. Kicikak eketen ekidor akikieny apaki daadaŋ.

Yoa. 12:26

Ŋini itiyae etic kaŋ, itemokino ekewuapak ayoŋ; neni ayai ayoŋ, itemokino toyai iŋes daŋ; ŋini eruwor eketiyan kaŋ, ebuni Papa akitopoloor iŋes.

Ŋitic. 10:35

nai ecamuna aneni keŋ ituŋanan ŋini ekerit iŋes alobukui a daadaŋ, kitiyae ŋakiro ŋuna iyookino.

Ŋirom. 12:11

Kitiyata ka agogoŋu ka nyikalanyaka. Kitiyata etic ke Ekapolon a ŋitai a ŋulu einakina kire.

Ŋirom. 14:4

Ŋae iyoŋ itubokini eketiyan a ituŋanan a ice? Erae ekapolon keŋ etyakuni erae kibusokina iŋes kori kilounit; elosi iŋes akiloun, anerae Ekapolon iŋes epedori akisiloun iŋes.

Ŋirom. 16:18

Anerae nyerae Kristo itiyanakinete ŋituŋa ŋulu ikote ŋul, nai itiyanakinete etic ŋolo ka akiwarit akimuj. Irworosi ikes ŋakiro ŋuna abobok, kirapirapete ŋituŋa alorwor kec ecamito amodikin ŋituŋa ŋulu epalag!

Ŋirom. 6:22

Nai tokona aŋuna ikilacakinere iyes anasecit ka iruworotor ŋipi ŋulu itiyaete aŋuna ka Akuj, iryamunete tokona iyes akiyar ŋina italakarit Akuj ka iryamunete moi akiyar ŋina nyedaun.

1 Ŋikor. 7:22

Anerae, epito ŋolo adau Ekapolon anyarare, aruwor ŋolo elacakina, ŋolo ke Ekapolon; ikwaŋinapei, ŋini elacakina, ŋini adau Kristo anyarare, aruwor epito a Kristo.

2 Ŋikor. 4:2

Aŋeri isua ŋiticisyo ŋulu ka amodiyo ŋulu iwuaitae; aŋeri isua amodiyanut ka akibatanar ŋakiro ŋuna ka Akuj. Nai ikiserae isua ŋuna a kire emam akuryanu, ikotere oryamuniata akikinyoma alotuŋa a daadaŋ alokiŋaren Akuj.

2 Ŋikor. 5:11

Ikiyeni isua ibore ŋini erae akerit Ekapolon, aŋun nai ikikatakinit isua akitacamun ŋuluce. Ikiyeni Akuj isua nooi ka egeno ayoŋ atemar ikiyenete iyes daŋ ayoŋ alotai kus.

2 Ŋikor. 5:9

Aŋun, tari erae kikiya isua lokuwane lo, kori kikiruk ka iŋes anakuj, ŋuna ikilosikinit isua erae akitalakar iŋes.

2 Ŋikor. 6:4

Akilo, aloticisyo a daadaŋ a ŋulu ikitiyae isua, ikitoodiunit isua atemar ikirae ŋiketiyak ŋulu ka Akuj, aŋuna ikidaŋidaŋia ka atitinyu: alotooma ŋican, ŋatyokisyo ka ŋiburasinei.

2 Ŋikor. 8:21

Ikilosikinit isua akitiya ŋuna iyookino, meere alokiŋaren Ekapolon bon, nai alokiŋaren ŋituŋa daŋ.

Ŋipil. 4:18

Adau ayoŋ aryamun ainakinet kaŋ, itemokino ka elal daŋ nooi! Ayakar tokona ayoŋ ibore ŋini eitanit daadaŋ, ikwapei ayaunia Epapurodito ŋainakineta ŋuna ipotu iyes kiyakuut. Erae ikes amuronot ŋina akukunyon, ŋina ecamuna ka ŋina italakarit Akuj.

Ŋipil. 4:8

Aŋetakini ŋikaitotoi kaŋ, totamete ŋakiro nu ŋuna ejokak ŋuna emaikina yaut ekipuri: ŋakiro ŋuna erae kire ŋuna ekerer, ŋuna iyookino, ŋuna emam aronis, ŋuna ka amina ka ŋuna itojokitae.

Ŋikol. 3:24

anerae iyenete iyes atemar Ekapolon iŋes ikiinakini iyes eropit ŋolo iŋadakinit iŋes aŋuna a ŋituŋa keŋ. Kristo iŋes erae Ekapolon ŋolo a kire, ŋolo ijaanakinete iyes.

1 Tim. 2:3

Erae ŋun ŋuna ajokak ka italakarito Akuj Akaiunan yok,

1 Tim. 5:4

Nai ani keyakar apuserut ŋidwe kori ŋitatae, itemokino mono ŋidwe toyenut akitiya ŋiticisyo kec ŋulu ke edin alokalya kec a ŋilopeyek, ido alopite a lo, etacakinete ikes ŋikauruunak kec, atapapaa kec ka atatata kec, anerae ŋun ikes italakarito Akuj.

1 Pet. 2:12

Itemokino ŋipitesyo kus toruworos ŋulu ajokak alotuŋa a ŋulu nyenupito Akuj; apaki ŋina ikisitakiniata ikes iyes ebasi ŋikasecak, eyenunete ikes ŋiticisyo kus ŋulu ajokak, ido kipuro Akuj Akoloŋit ŋina ka abunore keŋ.

1 Pet. 2:20

Anerae anikipuro itamete iyes iryamunete, erae kikibuŋae iyes isecito? Nai kititinyikis iyes ŋican apaki ŋina itiyaata ŋuna iyookino, ikiterereŋi iyes Akuj a ŋun.

1 Pet. 2:5

Kimyekisi Akuj ikidukyo iyes ikwa ŋamoru ŋuna eyarete Akai keŋ ŋina ke etau, neni itiyaata iyes iraakasi ŋisacaradotin keŋ, ŋulu iinanakinete ŋamuronisya ŋuna eyaunit Etau, ŋuna ecamit Akuj alotooma Yesu Kristo.

1 Pet. 3:16

nai kitiyata ŋun ka apatanu ka akerit. Tocayete ŋatameta kus, ikotere ani ikiyanyo kisirumae ŋileec ŋituŋa ŋulu irworosi ŋakiro ŋuna aronok aŋuna a ŋipitesyo kus a ŋulu ajokak, ikwapei ŋikewuapak ŋulu a Kristo.