Ŋirom. 14:17 - Ebaibul

¹⁷ Anerae meere Apukan ka Akuj ŋina ca imujere ka emasere, nai erae ŋina ka akiyookino ka ŋina ke ekisil ta ŋina ka alelyan a ŋina ikiinakinit Etau ŋolo Asegan.

Ŋirom. 14:17 Iomraidhean Croise

Isa. 32:17

Elomuni ekisil anakiyookino ka elomuni akiyapara ka akikinyoma ŋina a ŋikaru ka ŋikaru anakiyookino.

Isa. 45:24

Etemarete ŋituŋa aŋuna kaŋ ebe, “Neni ke Ekapolon bon eya akiyookino ka agogoŋu. Ŋituŋa daadaŋ ŋulu apotu toŋero Ekapolon, epote neni keŋ, ido isurumyo ŋileec.

Isa. 55:12

“Ilosete iyes alo Babilon ilakara ka ikitenaryo nakwap kus a ekisil; eokinete ŋimoru ka ŋikamukumukui alokiŋaren kus ka eramakinete ŋikito ŋulu a ŋimanikorin ŋakan kec.

Isa. 61:3

ainakin neni a ŋulu iyaloloŋete alo Sion ebokot ŋolo ka alelyanu akilo akipurupura ekuron, akimyet ŋina ka alakara akilo akigworo, ainakin ikes ŋilowi ŋulu ipurore Akuj akilo ŋitai ŋulu iyalaara. Enyarao ikes ŋikuyono ŋulu ka akiyookino, ŋidupakina ŋulu a Ekapolon aŋuna ka akitoodiun apolou a Ekapolon.

Dan. 2:44

Alorwa a ŋirwosi a ŋul, iwuakini Akuj ŋina anakuj apukan ŋina nyepedoryo alemar, kori nyeinakinio apukan ŋin neni a ŋituŋa a ŋice. Emunyari apukan ŋin ŋapukasinei ŋunace daadaŋ kitasalu, ido erubakini iŋes ŋikaru ka ŋikaru.

Dan. 9:24

“Erae ŋisabito ŋulutomonikanikaarei apaki ŋina etubunit Akuj akitiyakinia nu aŋuna a ŋituŋa kon ka aŋuna ke etaun a ŋolo asegan: Akitojoŋore ŋituŋa abilibil ŋikisila, akitojoŋore ŋituŋa asecenen, amookuun ŋituŋa anaronisya kec, ayaun lotuŋa akiyookino ŋinaruba ka akisiyookin akisileerekinet ka ŋakiro a ŋikadwarak ta akitaleun akibois ŋina asegan nooi.

Mat. 3:2

ebala, “Kibelekinos anasecisya kus, anerae aapuu Apukan ŋina anakuj!”

Mat. 6:33

Nai kiwara mono Apukan ŋina anakuj ka akiyookino ŋina ka Akuj, toruworos nai ŋiboro ŋul daadaŋ ŋulu kus.

Luk. 14:15

Ani iirari ipei a ŋulu emujete ka Yesu ŋakiro ŋun, tolimok iŋes Yesu tema, “Erereŋ nooi ŋulu iboikinosi kimuja a Napukan ka Akuj!”

Yoa. 16:33

Akalimok ayoŋ iyes ŋun, ikotere toryamut iyes ekisil alotooma kaŋ. Ikiteryamuni akwap iyes ŋican, nai toena ŋitai! Elou ayoŋ akwap.”

Yoa. 3:3

Toboŋok Yesu iŋes tema, “Akalimokini ayoŋ iyoŋ kire atemar, emam ituŋanan epedori akiŋolikin Apukan ka Akuj, mati kidoun iŋes nabo.”

Yoa. 3:5

Toboŋok Yesu iŋes tema, “Akalimokini ayoŋ iyoŋ kire atemar, ani pa kidoun ituŋanan a ŋakipi ka Etau ŋolo ka Akuj, nyelomari iŋes jik Napukan ka Akuj.

Ŋitic. 13:52

Nai tari kikote nen daŋ, apotu ŋikasyomak ŋulu edoŋete Antiokio tolelyana, kilelebun Etau ŋolo Asegan neni kec.

Ŋitic. 9:31

Arae epite ŋol abunio akinapakin lokanupak ŋulu alo Yudeya, Galileya ka Samaria. Abu Etau ŋolo Asegan kitogogoŋ ka kisimukek ŋikanupak, kiyatakin ekimar kec, kiboiyoto ekerito Ekapolon.

Ŋirom. 15:13

Elipi ayoŋ Akuj, ŋina erae alope akigeno; kilelebik neni kus alelyanu ka ekisil alotooma anupit kus; ikotere torubak akigeno kus iyata anapedor a ŋina ke Etau a ŋolo Asegan.

Ŋirom. 8:6

Ani kikipukato iwon ŋipitesyo ŋulu ka aseconu, ikitwaki, nai kikipukat Etau ŋolo ka Akuj iwon, ikiinakini Akuj iwon akiyar ka ekisil.

1 Ŋikor. 1:30

Erae aŋuna keŋ iŋes iyakatar iyes nakimorikina ka Yesu Kristo ŋolo abu Akuj kituruwo aosou yok, akiyookino yok ka ikiruwor iwon ŋulu ikityakunitae aŋuna ka Akuj ka ŋulu ikilakuna.

1 Ŋikor. 4:20

Anerae nyerae Apukan ka Akuj erworikituk, nai erae ŋina eyai apedor.

1 Ŋikor. 6:9

Iyenete iyes kire atemar nyeruwor Apukan ka Akuj ŋina a ŋulu itiyaete aronis. Nyikimodikin! Ŋituŋa ŋulu itiyaete amalao kori ŋulu ilipete neni a ŋakujo a ŋace kori ŋikalomak kori ŋikilyok ŋulu iteperete ŋikilyok ŋuluce

1 Ŋikor. 8:8

Nyepedori akimuj akitojok epite ŋolo iboiyere iwon ka Akuj: emam ibore ikibuci iwon erae pa kikinyam ŋamuja ŋun, nabo emam ibore ikiryamuni iwon erae kikinyam.

2 Ŋikor. 5:21

Amam asecit aneni a Kristo, nai abu Akuj kituruwo iŋes asecit aŋuna yok, ikotere nai iwon alotooma keŋ oruworos ŋulu ikiyookino aneni ka Akuj.

Ŋigal. 5:22

Nai eyauni Etau ŋolo ka Akuj na erae arait alotooma ituŋanan: amina, alelyan, ekisil, akidaŋidaŋ, arimao, ajokis, akikinyoma,

Ŋipil. 2:1

Ani erae kire kiryamunito iyes akisimukekino make anakimorikina ka Kristo, akitalakanar aŋuna ka amina a ŋina ebunit aneni keŋ, akimorikina aŋuna ke Etau a ŋolo ka Akuj, arimao ka akisyonenen;

Ŋipil. 3:3

Iwon ikiryamu akileŋeryo ŋina a kire, anerae ilipyo iwon neni ka Akuj alotooma Etau keŋ ka ikituro anakimorikina ka Yesu Kristo. Nyikinyomitae iwon ŋitalyo ŋulu itiyanakinio kiŋa akuwan,

Ŋipil. 3:9

ka emorikinos jik ka iŋes. Nyeryamuna ayoŋ akiyookino alokiŋaren Akuj aŋuna kaŋ ke elope, kori aŋuna ka akiwuapit Ŋikisila. Nai aryamu tokona ayoŋ akiyookino ŋin aŋuna ka anupit Kristo--akiyookino ŋina ebunit aneni ka Akuj, ŋina itorunit nanupit.

Ŋipil. 4:4

Tolelyanete jwi jwi anakimorikina kus ka Ekapolon. Alimuni ayoŋ nabo atemar: tolelyanete!

Ŋipil. 4:7

Epedori ekisil ŋolo ka Akuj ŋolo iloit ayenut ŋina a ituŋanan akiyok ŋitai ka ŋatameta kus anakimorikina ka Yesu Kristo.

Ŋikol. 1:11

Agasi ayoŋ atemar ikitogogoŋ iyes apedor ŋina ka Akuj ŋina epol nooi, ikotere topedosi akidaŋidaŋ ŋiboro daadaŋ alotooma atitinyu ka alelyan.

1 Ŋites. 1:6

Ipotu iyes ikituputo isua ka Ekapolon, anerae ipotu kijaut ŋakiro ŋuna ka Akuj ka alakara a ŋina ebunit aneni ke Etau a ŋolo Asegan, tari ŋina daŋ iponiata iyes toryamuniata ŋican ŋulu alalak.

1 Ŋites. 2:12

Aponi isua ikisimukekin iyes, ikimaimae ka aponi torubakinae ikitumunikinitoe iyes akiboi anakiyar a ŋina itopoloorit Akuj, ŋina ikinyarit iyes Napukan ka napolou keŋ.

Ŋibur. 13:9

Nyicamakis ŋakitatameta ŋuna alalak ŋuna egelegelya ikibatarete iyes ananupit a ŋina a kire. Ejok iyes iryamunete alotai kus agogoŋu alotooma ajokis ŋina ka Akuj, meere alotooma akiwuapit ŋitalyo ŋulu a ŋamuja; nyiŋarakina ŋitalyo ŋul ŋituŋa ŋulu iwuapito ikes.

1 Pet. 1:8

Iminasi iyes iŋes tari pa kianyunito; inupito iyes iŋes tari pa kiteete iŋes. Ilelyanete iyes ka alelyan a ŋina apolon nooi a ŋina nyepedoryo alimun;

2 Pet. 1:1

Ayoŋ, Simoni Petero ŋolo arae eketiyan ka ekiyakia a Yesu Kristo, egirit abaruwa na. Egirakinit neni a ŋulu itopoloorito anupit ŋinapei ikoni ŋina ikiyakar isua alotooma akiyookino ŋina ka Akuj yok ka Ekaiunan Yesu Kristo.