Ŋirom. 12:16 - Ebaibul

¹⁶ Kiboiyoto ka ŋituŋa daadaŋ irae ŋipei. Nyiturosi, nai tocamutu ŋiticisyo ŋulu ka akitiditeuna. Nyitamete atemar kori iosok iyes.

Ŋirom. 12:16 Iomraidhean Croise

2 Ŋakiro a ŋirwa 30:12

Alo Yudaya daŋ, abu Akuj inak ŋituŋa acamun ke epeitau anakimorikina akitiya ŋuna alimunito erwosit ka ŋikapolok anakirot a ŋina ke Ekapolon.

Yob 36:5

“Kire jik, erae Akuj ŋina etiron ka nyejamuwarit ituŋanan idio; erae agogoŋu keŋ ŋina ka ayenut ŋina etiron.

Ŋakit. 17:5

Ituŋanan ŋini ejamuwarit ŋikulyak, iyanyi Akuj ŋina asubuni ŋikulyak, ituŋanan ŋini elakara eryamunete ŋituŋa ŋican, emaikina kisicanae.

Ŋakit. 19:17

Ituŋanan ŋini erimaana aneni a ŋikulyak, einanakini ŋiboro keŋ neni a Ekapolon tari kerae ŋikulyak ijanarete, ido einakinio nabo ituŋanan ŋin eropit ŋolo alalan.

Ŋakit. 19:22

Ibore ŋini iitana aneni a ituŋanan iŋes amina, ido ejok araakau ikulyakit akilo araakau ikalyokonon.

Ŋakit. 19:7

Ani kimanito tari ŋiyeneta a ŋikulyak ŋikulyak, etya nai ai epite ŋolo eŋeritotor tari ŋikonei kec ikes!

Ŋakit. 26:12

Iŋolikinit mono iyoŋ ituŋanan ŋini itooso anakonyen a? Ejok ibaŋaanot nooi akilo ituŋanan ŋin.

Ŋakit. 26:5

Toboŋok ŋibaŋaanotin ŋakiro alopite a ŋolo ka abaŋao kec, ikotere nai ikes eyenunete atemar nyeosok ikes lopite ŋolo etamiata ikes.

Ŋakit. 3:7

Nyitusubana anakonyen kon ŋini ios; kitopoloorite Ekapolon ka toesik aronis.

Isa. 5:21

Ekaŋ, iyes ŋulu itamete atemar iosok ka ŋulu itamete atemar epiiryaka ŋakonyen!

Yer. 32:39

Ainakini ayoŋ ikes etau epei ka epite epei, ikotere eketopoloorito ikes ayoŋ ŋapakio daadaŋ aŋuna ka ajokis kec ka ajokis a ŋidwe kec ekaku kec.

Yer. 45:5

Ani bo iyoŋ, iitanit iyoŋ ŋakiro ŋuna apolok aŋuna kon a elope a? Nyiitan ŋun, anerae alosi ayoŋ ayaun akisicanet neni a ŋituŋa a daadaŋ, nai iuni iyoŋ akiyar kon aneni daadaŋ ilosi iyoŋ.”

Mat. 11:5

Ekyenyununuyete ŋimudukanotin, erotonokinete ŋikaŋwalak, esegununuyete ŋulu irumit atapon, iiranarete ŋikiŋimanotin, eyarununuyete ŋikatwak, nabo elimonokinio Ŋakiro ŋuna Ajokak neni a ŋikulyak.

Mat. 26:11

Anerae irukito iyes ka ŋikulyak jwi jwi, nai nyikiruki iyes ka ayoŋ jwi jwi.

Luk. 14:13

Nai ani itemokini iyoŋ akimuj, tonyarau ŋikulyak, ŋikecodok, ŋikaŋwalak ka ŋimudukanotin.

Luk. 6:20

Kiŋolik Yesu ŋikeekasyomak tema, “Irereŋ iyes ŋulu ikulyakaka; Apukan ka Akuj erae ŋina kus!

Ŋitic. 4:32

Arae atukot ŋina a ŋikanupak ŋina atami ka anupit ŋakiro ŋapei. Amam tari idio ŋini abala arae ŋiboro keŋ ŋulu keŋ ke elope, nai amorete ikes ŋiboro daadaŋ ŋulu ayakatar.

Ŋirom. 11:20

Erae ŋun kire! Aponi tobilanarae ikes, anerae pa anupito, tosodi ikilunyokin iyes nen, anerae inupito. Nai nyiturokinosi a ŋun; akilo, itemokino toyakatar akerit.

Ŋirom. 11:25

Ŋikaitotoi kaŋ, eya ŋakiro ŋuna a kire ŋuna ka akimunono ŋuna acamit ayoŋ iyes toyenut. Ikitojoŋoe nen iyes akitam atemar kori iosok iyes. Ikote ŋakiro ne: nyerae akisyaanua Ŋisirael a ŋice ŋinaruba, nai edaun anapaki a ŋina ecamuniata daadaŋ ŋulu eseunitae aneni a ŋulu nyerae Ŋiyudayan ŋakiro ka Akuj.

Ŋirom. 12:3

Aŋuna ka ajokis a ŋina abu Akuj okoinak ayoŋ, akalimokini ayoŋ iyes daadaŋ atemar, nyitamete atemar kori ipolok iyes nooi, torae bo nyipolok. Nai torae ŋulu iyakatar ŋatameta ŋuna ecayete ka itemokino ŋinituŋanan aneni kus toyenu epite ŋolo eyakar iŋes alotyae a ŋolo ka anupit a ŋina einakinitae iŋes.

Ŋirom. 15:5

Elipi ayoŋ Akuj, ŋina erae alope atitinyu ka akimukekinit toyakaunotor alokidiŋ kus akimorikina ŋina ajokan anakiwuapit akitoodikinet ŋina a Kristo.

Ŋirom. 6:2

Mam jik! Nyepedori asecit akitap iwon, anerae ikipotu iwon otwaka alokiŋaren asecit, ikikokini nai iwon ikirubakini ikisecenene ai?

1 Ŋikor. 1:10

Ŋikaitotoi kaŋ! Ekemaimai ayoŋ iyes alokiro a Ekapolon yok Yesu Kristo, atemar tocamunos make alorwor kus tomam atyakatyaka alokidiŋ kus, nai toraakas ŋulu imorikina anatameta ka ananupit kus.

1 Ŋikor. 3:18

Nyitemokino idiotuŋanan emodikin bon. Ani ketami idiotuŋanan alokidiŋ kus atemar aos iŋes alopitesyo a ŋulu ka akwap a na, itemokino iŋes tobaŋaan, ikotere nai eruwor ŋini aoson kire.

1 Ŋikor. 4:10

Aŋuna a Kristo, ikirae isua ŋibaŋaanotin, nai iosok iyes anakimorikina ka Kristo! Ikipalag isua, nai igogoŋ iyes. Ikijamuwaritae isua, nai ikitopolooritae iyes!

1 Ŋikor. 6:5

Erworo ayoŋ ŋun akisurumya iyes ŋileec! Iŋes mono atemar emam alokidiŋ kus ituŋanan ŋini aoson, ŋini epedori akitub ŋakiro ŋuna iburaata Ŋikristo make a?

1 Ŋikor. 8:2

Ŋini etami atemar ayeni idiobore, eriŋa nyeyenuna lopite ŋolo itemokino toyenunia.

2 Ŋikor. 13:11

Ŋuna isidiyete ŋikaitotoi, ikianyun! Kitogogoŋo ŋitai kus. Kitatamas make; tocamununos make; kiboiyoto a ekisil. Toyai neni kus Akuj ŋina ka amina ka ekisil.

Ŋipil. 1:27

Tokona ibore ŋini epol iŋes en: itemokino akiyar kus torae ŋina itopoloorit Ŋakiro ŋuna Ajokak ŋuna a Kristo, ikotere ani kabu kori pa kabu ayoŋ aanyun iyes, eira atemar icasito iyes jik alotooma etau epei ka iyakatar akiitanit apei ŋapakio daadaŋ ŋuna imunikinitotor iyes aŋuna ka anupit Ŋakiro ŋuna Ajokak.

Ŋipil. 3:16

Tari kikote neni daŋ, oloto lopite ŋolo pei sek itiyaere iwon.

Ŋipil. 4:2

Okoe emaimai ayoŋ ŋaberu nu, Oiyodiya ka Sintike toyakaunotor ŋatameta ŋuna imorikina alotooma Ekapolon.

Ŋibur. 13:5

Nyiraakasi ŋulu iminasi ŋisiliŋa, kimwonikina a ŋiboro a ŋulu iyakatar iyes. Anerae alimu Akuj atemar, “Nyakaesikini ayoŋ iyoŋ jik, nyakacakari ayoŋ iyoŋ jik.”

1 Pet. 3:8

Aŋetakini, itemokino iyes daadaŋ iraakasi ŋipei alotai kus; toyakatar akisyoniyenen, tominanaros make ikwa ŋikaitotoi, torimaaka ka toruworos ŋulu itiditeuna aneni a ŋuluce.

1 Pet. 5:3

Nyipukato ka agogoŋu ŋituŋa ŋulu ikiinakinitae iyes, nai toruworos akitaanyikinet neni a ŋamesekin a daadaŋ.

3 Yoa. 1:9

Adau ayoŋ akigir ŋakiro ŋadi neni a Ŋikristo; nai Doterepes ŋolo ebobokinit akiŋarenikinit ikes, nyecamuni ŋakiro kaŋ.