Ŋirom. 12:12 - Ebaibul

¹² Kimyekisi akigeno kus ikiturubak iyes ilelyanete, kidaŋidaŋete alocan kus ka kilipete jwi jwi.

Ŋirom. 12:12 Iomraidhean Croise

Ŋikiru. 109:4

Tari ketiyae ayoŋ neni kec ŋuna ka amina, ekesitanakinete ikes ayoŋ tari kelipi ayoŋ aŋuna kec.

Ŋikiru. 37:7

Nyiŋayaŋayata anakikinyomit Ekapolon, kidara iŋes alotooma atitinyikinit ikiŋarak iyes; tocoito nyenepu ekibure aneni kus, iŋolikinete ŋituŋa ebarete anakitiya ŋuna aronok; nyenepu ekibure aneni kus iŋolikinete ŋituŋa itiyaete ŋuna aronok ŋuna eyeto ikes akitiya.

Ŋikiru. 40:1

Abu ayoŋ edar Ekapolon, atitinyikinit; abu iŋes okopupok ayoŋ, ido kiira akigworo kaŋ.

Ŋikiru. 62:8

Okoe ŋituŋa kikinyoma Akuj; anerae Akuj iŋes erae akaiunan yok.

Ŋakit. 10:28

Eai akigeno ituŋanan ŋini ajokan nalelyanu, nai eruwor akiitanit a ituŋanan a ŋini aronon akoŋinait.

Ŋakit. 14:32

Elemari ŋulu aronok aronis ŋina itiyaete ikes, nai eryamunito ŋulu iyookino aiuno aŋuna ka akiyookino kec.

Mat. 5:12

Tolakara ka tolelyana, anerae epol nooi eropit kus anakuj; ŋikadwarak daŋ ŋulu koloŋ, esicanitae ikwaŋinapei.

Luk. 10:20

Nai nyilakarosi aŋuna ireuniata iyes ŋipyan, nai itemokino iyes tolakara aŋuna igiritere ŋikusirorwa nakuj.”

Luk. 21:19

Ani kidaŋidaŋakis iyes ŋun, iunete akusikiyar.

Luk. 8:15

Ŋikinyom ŋulu adoete nalup ŋuna ajokak erae ŋituŋa ŋulu iirarete akirot, kiricakis, tonupa a ŋitai a ŋulu ajokak ka totitinyikis akitodol ŋina erayata.

Ŋitic. 1:14

Acunakina ikes daadaŋ kilipeneneete kaapei ka ŋaberu ka Maria daŋ toto a Yesu ta ŋikaitotoi a Yesu.

Ŋitic. 12:5

Aŋun, aponi togoloe Petero alomabus, nai elipete Ŋikristo nooi Akuj aŋuna keŋ.

Ŋitic. 2:42

Torubakis ikes daadaŋ epupete ŋakiro ŋuna etatamete Ŋikiyakia, togeut ikes alosenen natukot ŋina a ŋikanupak akimuj kaapei ka akinumunum Akimuj ŋina ke Ekapolon ta akilipenen.

Ŋitic. 6:4

Nai ericakisi isua akilip ka etic ŋolo ka akitatam ŋakiro ŋuna ka Akuj.”

Ŋirom. 15:13

Elipi ayoŋ Akuj, ŋina erae alope akigeno; kilelebik neni kus alelyanu ka ekisil alotooma anupit kus; ikotere torubak akigeno kus iyata anapedor a ŋina ke Etau a ŋolo Asegan.

Ŋirom. 15:4

Ŋakiro daadaŋ ŋuna igiritae Nakigireta, aponi kigirae aŋuna ka akitatamya iwon, ikotere ikiryamuni akigeno anatitinyu ka anakimukekin ŋuna ikiinakinete Ŋakigireta iwon.

Ŋirom. 2:7

Einakini Akuj akiyar ŋina nyedaun neni a ŋulu erubakinete itiyaete ŋuna ajokak, kiwarito akitopolooro ka akitojokyo aneni ka Akuj ka kiwarito akiyar ŋina nyedaun.

Ŋirom. 8:25

Nai ani kikigeno iwon ibore ŋini nyikite, ikidaruni iwon ibore ŋin ikititinyikinit.

1 Ŋikor. 13:13

Eriŋa nai nu ŋunauni eroparito: anupit, akigeno ka amina, nai ŋina iloit ŋun daadaŋ iŋes amina.

2 Ŋikor. 12:8

Ŋarwa ŋauni, abu ayoŋ elip neni ke Ekapolon aŋuna a ibore a ŋin ka eŋitak iŋes alemar ibore ŋin.

Ŋipil. 3:1

Aŋetakini, ŋikaitotoi kaŋ, tolelyana anakimorikina kus ka Ekapolon. Nyakaupi ayoŋ akigir ŋuna aris ayoŋ kekegirak iyes, anerae ikiŋarakinete iyes ŋun.

Ŋipil. 4:4

Tolelyanete jwi jwi anakimorikina kus ka Ekapolon. Alimuni ayoŋ nabo atemar: tolelyanete!

Ŋikol. 1:11

Agasi ayoŋ atemar ikitogogoŋ iyes apedor ŋina ka Akuj ŋina epol nooi, ikotere topedosi akidaŋidaŋ ŋiboro daadaŋ alotooma atitinyu ka alelyan.

Ŋikol. 1:27

Abu Akuj tocamu akisileerekin ikes alalau ka apolou ŋina a ŋakiro a ŋuna imunono a ŋun, ŋuna erae aŋuna a ŋituŋa a daadaŋ. Ŋakiro ŋuna imunono ikes Kristo alotooma kus, ŋolo erae akigeno ŋina ikiponia iwon akimor apolou ŋina ka Akuj.

Ŋikol. 4:12

Ikimalae iyes Epapuras, ŋolo erae ekaatukot kus, eketiyan ŋolo a Yesu Kristo. Ikitamunit iŋes iyes nooi jwi jwi anakilip keŋ, ilipenene iŋes atemar ikisicat Akuj iyes ikwapei ŋulu iyenete ŋakiro ŋuna ka Akuj nooi ka ŋulu itiyaete anacamit keŋ.

Ŋikol. 4:2

Torubakisi jik ilipete ka totenito anakilip, tolakara neni ka Akuj.

1 Ŋites. 1:3

Anerae apaki daadaŋ ŋina ilipere isua Akuj Papa, ikitamunit epite ŋolo itiyaata iyes aŋuna ka anupit kus ka epite ŋolo imunikinitotor aŋuna ka amina kus, ta epite ŋolo ititinyikinitotor aŋuna ka akigeno kus neni ke Ekapolon yok Yesu Kristo.

1 Ŋites. 5:8

Nai ikirae iwon ŋulu ka apaaran, ido itemokino iwon ikikwaan ka ŋituŋa ŋulu nyemerasi, ŋulu eyenete ŋuna itiyaete. Onapa anupit ka amina ikwa arapet ka akigeno ŋina ka aiuno yok ikwa akopiya ŋina iuryarit akou nyewana.

2 Ŋites. 1:4

Ŋakiro ŋun ikes ikiturore isua iyes anatukon a Ŋikristo aŋuna ka Akuj. Ikituro isua aŋuna kus, anerae irubakinito iyes iŋirikinito ka inupito tari anapakio a daadaŋ a ŋuna ka akisicanio ka alocan a ŋulu iryamunito iyes.

2 Ŋites. 3:5

Ikilipi isua neni ke Ekapolon kibelek ŋitai kus namina ŋina ka Akuj ka natitinyikinit ŋina a Kristo.

1 Tim. 6:11

Nai iyoŋ ŋolo ka Akuj, toŋer ŋakiro ŋun daadaŋ. Toŋirik ka agogoŋu akiyookino, akiyar ŋina ecamit Akuj, anupit, amina, atitinyikinit ka akiyapara.

2 Tim. 3:10

Nai ŋuna ikikamunito iyoŋ, idau akiwuap akitatam kaŋ, ŋipitesyo kaŋ ka ŋuna alosikinit ayoŋ anakiyar; idau iyoŋ akiwuap anupit kaŋ, atitinyikinit kaŋ, amina kaŋ, akidaŋidaŋ kaŋ,

Tito 2:13

eriŋa ikidarit arereŋu ŋina ikigeno iwon, iŋes atemar itatakanunio apolou ŋina ka Akuj yok a ŋina etiron ka ŋina ke Ekaiunan yok Yesu Kristo.

Tito 3:7

ikotere nai aŋuna ka ajokis keŋ ikituruworyo iwon ŋulu ikiyookino alokiŋaren Akuj ka oryamutu akiyar ŋina nyedaun, ŋina ikigeno iwon.

Ŋibur. 10:32

Totamutu ŋuna koloŋ apotu kitiyakin neni kus. Alorwa a ŋul, kidaut iyes ayenun ŋakiro ŋuna ka Akuj ipotu iyes toryamut ŋican ŋulu alalak, nai tari kikote nen, ipotu nyijamakis.

Ŋibur. 10:36

Itemokino totitinyikis, ikotere itiyaete ŋuna ecamit Akuj, ido tocamut ŋuna ikiikinit iŋes.

Ŋibur. 12:1

Ikwaŋina nai ikiyakar iwon daŋ ŋisuudae ŋulu alalak, itemokino iwon ojala ibore daadaŋ ŋini ikitukuruworit iwon ka ojala asecit daadaŋ ŋina imiidikina neni yok, oema tokona ikiŋirikinit akerit ŋina eyai kiŋaren yok.

Ŋibur. 3:6

Nai ekinyomit Akuj Yesu ikwapei Lokoku keŋ apolokin ekal keŋ. Ikirae iwon ekal ŋolo ka Akuj, erae kikirubak ikititinyikinit ka ikituro aŋuna a ŋakiro a ŋuna ikigeno iwon.

Ŋibur. 5:7

Ani eriŋa Yesu eyari anakwap, elipenene, todyekitoi a etoil a ŋolo apolon, kigwori daŋ neni ka Akuj a ŋina eyakar apedor aiun iŋes anatwanare. Ikwapei araakar iŋes ŋolo ainakina neni ka Akuj, abu Akuj kiira ŋakiro keŋ.

Ŋibur. 6:12

Nyikicamit isua iyes tokalanyakiata, nai ikicamit iyes kituputo ŋulu aryamut ŋuna adau Akuj akiikin aŋuna ka anupit ka atitinyikinit.

Ŋibur. 6:15

Abu Aburaam totitinyik, kidaŋidaŋ, ido abu toryamu ŋuna eikinit Akuj.

Yak. 5:7

Ŋikaitotoi, totitinyikisi akitodol ŋina ebunio Ekapolon. Kiŋolikisi epite ŋolo etitinyikinitor eketan idarit emanikor keŋ tora ejok. Idarit iŋes akiru ŋina ka akicereet ka ŋina ka akiporo anatitinyikinit.

1 Pet. 4:13

Nai itemokino iyes tolakara aŋuna imoryata ŋican ŋulu a Kristo, ikotere nai iruworosi ŋulu ileleba alelyan apaki ŋina isileereunere apolou keŋ.

1 Pet. 4:7

Aapuu asalunet ŋina a ŋiboro a daadaŋ. Aŋun, itemokino iyes iyokiuno make ka itenito, topedorito akilip.

2 Pet. 1:6

nayenut kus kiyatakisi atikit etau, natikit etau kiyatakisi atitinyikinit; natitinyikinit kus kiyatakisi eyare ŋolo ecamit Akuj;

Akis. 13:10

Ituŋanan ŋini itemokino kikamarae, itemokino kire kikamarae; ituŋanan ŋini itemokino toarae ka atum, itemokino kire toarae ka atum. Aŋun, itemokino ŋituŋa ŋulu ka Akuj totitinyikis ananupit kec.”