Ŋirom. 12:10 - Ebaibul

¹⁰ Tominin make ejok ikwaŋina iraakatar ŋikaitotoi alotooma Kristo ka tolelakinito akitoodiunit akitopoloorit ŋuluce.

Ŋirom. 12:10 Iomraidhean Croise

Akisy. 13:9

Iite bo iyoŋ akwap na daadaŋ! Ekelipit ayoŋ iyoŋ otyakas ka ayoŋ. Ani kiseu iyoŋ akiwuot lowae ŋolo alo kedyeny, awuosi ayoŋ lowae ŋolo alo teten; kori ani kiseu iyoŋ akiwuot lowae ŋolo alo teten, awuosi ayoŋ lowae ŋolo alo kedyeny.”

Yob 1:4

Etiyaeneneete ŋidwe a Yob ŋulusapa ŋasuban anakais kec, acunanarosi ikes kai a ipei eboonokin, ido anyaraeneneete ikes ŋakaitotoi kec ŋunauni akimuj ka akimat kaapei ka ikes.

Ŋikiru. 133:1

Ejok nooi ka ikinirari ekiboiye a ŋituŋa a ŋulu ka Akuj anakimorikina.

Yer. 38:12

Tolimok nai Ebed-Melek Esiopiait Yeremia tema, “Kiwuak ŋaraco ka ŋilowi nakirididia kon ta ŋaunoi.” Kitiya Yeremia ikwaŋinapei.

Mat. 20:26

Nai nyitemokino ŋun totakanut aneni kus; ani ŋini ecamit apolou alokidiŋ kus, itemokino toruwor eketiyan kus.

Luk. 14:10

Nai ani ikinyarao iyoŋ, tolot kiboikin kaku, tosodi ani ebuni ŋolo ikinyarit iyoŋ tema, ‘Bua ekaakone, kiboikin neni ajokan nege.’ Ikikerete iyoŋ ŋipeyok ŋuluce daadaŋ ikiŋolikinete ibuni kiŋaren.

Yoa. 15:17

Ekecikakini ayoŋ iyes nu: tominin make.

Yoa. 17:21

Elipit ayoŋ atemar toruworos ikes daadaŋ ŋipei. “Papa! [Ikwaŋinapei iyakar iyoŋ tooma kaŋ, ka ayoŋ daŋ tooma kon,] pena ikes tooma yok, ikotere enupi akwap atemar, ikiyakuunit iyoŋ ayoŋ.

Ŋitic. 4:32

Arae atukot ŋina a ŋikanupak ŋina atami ka anupit ŋakiro ŋapei. Amam tari idio ŋini abala arae ŋiboro keŋ ŋulu keŋ ke elope, nai amorete ikes ŋiboro daadaŋ ŋulu ayakatar.

Ŋirom. 13:7

Inakisi ŋituŋa daadaŋ ŋiboro ŋulu ebeiyarito neni kec: ocur neni a ŋulu ebeiyarit ocur, akerit neni a ŋulu ebeiyarit akerit ka akitopoloorit neni a ŋulu ebeiyarit apolou.

Ŋigal. 5:13

Nai iyes ŋikaitotoi kaŋ, aponi iyes ikinyarae aruwor ŋulu ilacakina. Nyicamakis nai alacakina ŋin eruwor ŋina kimyekinet ekibure ŋolo a ŋawat kus ikipukae iyes. Akilo, kimyekisi amina ikiinak iyes akijaanakin make.

Ŋigal. 5:22

Nai eyauni Etau ŋolo ka Akuj na erae arait alotooma ituŋanan: amina, alelyan, ekisil, akidaŋidaŋ, arimao, ajokis, akikinyoma,

Ŋigal. 5:6

Anerae ani ikimorikina iwon ka Yesu Kristo, emam ajokis ikiryamuni iwon anakileŋeryo kori anamamukau akileŋeryo, mati ananupit bon a ŋina itoodiuna alotooma amina.

Ŋipil. 2:3

Nyitiyata idiobore anakiloiloa kori anakisupa, nai anakitiditeuna; yaito ŋuluce erae ŋulu ejokak akilo iyes.

Ŋikol. 1:4

Anerae ikiira isua ŋuna ka anupit kus neni a Yesu Kristo ka ŋuna ka amina a ŋina iyakatar iyes aŋuna a ŋituŋa a ŋulu ka Akuj a daadaŋ.

1 Ŋites. 4:9

Nyitemokino ayoŋ ekegirak iyes ŋakiro ŋuna ikamunito amina alokidiŋ kus ŋikanupak, anerae adau Akuj akitatam iyes ŋilopeyek epite ŋolo ipedoryata aminanar make.

2 Ŋites. 1:3

Ŋikaitotoi, itemokino isua olakaros neni ka Akuj ŋapakio daadaŋ aŋuna kus. Iyookino ŋun, anerae iyata anupit kus nooi ka daŋ epoloe amina ŋina iyakatar iyes alokidiŋ kus make.

Ŋibur. 13:1

Torubakisi iminin make ikwapei ŋikaitotoi alotooma Kristo.

1 Pet. 1:22

Anerae iwuapito tokona iyes ŋakiro ŋuna a kire, itesegunosi iyes make, ido iminakis iyes kire ŋikanupak ŋuluce; ikwaŋinapei, tominanaros make nooi.

1 Pet. 2:17

Tokerito ŋituŋa daadaŋ, tominas ŋikaitotoi ŋuluce, kitopoloosi Akuj ka tokerito ekepukan ŋolo epolokinit ŋuluce daadaŋ.

1 Pet. 5:5

Ikwaŋinapei ikoŋin, iyes daŋ ŋisorok, tokerito ŋikasikou. Itemokino iyes daadaŋ itiditeuna aneni a ŋuluce, ikotere kiŋaranakinos make, anerae igiritae Nakigireta ebe, “Itepegi Akuj ŋulu iturosi, nai erimaana aneni a ŋulu itiditeuna.”

2 Pet. 1:7

loyare ŋolo ecamit Akuj, kiyatakisi amina ŋina ke ekaitotoonu ka namina kus ŋina ke ekaitotoonu, kiyatakisi amina.

1 Yoa. 4:11

Ŋikaakonei ŋuluminan, ikwaŋina abunio Akuj ikiminakinia iwon ikoŋina, itemokino iwon daŋ ominin make.

1 Yoa. 4:20

Kelimu ituŋanan atemar, “Amina ayoŋ Akuj,” ido toremokino lokaato keŋ, erae iŋes emodiyanot; anerae iŋes ŋini nyemina lokaato keŋ ŋolo etakani, nyepedori aminakin Akuj ŋina nyetakani.