Ŋirom. 11:4 - Ebaibul

⁴ Aniboŋokinet abu Akuj tolimok Eliya? Abu toboŋok tema, “Adau ayoŋ akisidoŋ ŋikilyok ŋalipyo ŋakanikaarei aŋuna kaŋ ŋulu nyeryediko kilipa neni ka akuj a ŋina koŋinait, a ŋina enyaritae Baal.”

Ŋirom. 11:4 Iomraidhean Croise

1 Ŋirw. 16:31

Ikwapei atakania aneni ka Aab esibit edit ŋina abunio iŋes kiwuapya ŋuna etiyat Yeroboam alokoku a Nebat, abu Aab kiit Yesebel nakoku a Esibaal a erwosit a ŋolo a Sidon, ido kisyak akitiyanakin Baal ka akilip neni a Baal.

1 Ŋirw. 19:10

Toboŋok iŋes tema, “Alelakinit ayoŋ nooi Ekapolon Akuj ŋina etiron; anerae emyekis Ŋisirael ŋuna apotu tocamut, abwaŋabwaŋaasi Ŋamuroeta kon, ido adaut akiar ŋikadwarak kon ke ekileŋ. Ayoŋ bon edoŋ ka iwarito ikes akiar ayoŋ.”

1 Ŋirw. 19:18

Nai emyekini ayoŋ alo Isirael ŋikilyok ŋalipyo ŋakanikaarei ŋul daadaŋ ŋulu nyeryediko kilipa neni a Baal, ŋulu nyenua Baal a ŋakituki kec.”

Isa. 4:3

Ituŋanan daadaŋ ŋini eesikinio alo Sion, ido torubak iboi alo Yerusalem daadaŋ ŋulu igiritae aneni a ŋulu iboiyete alo Yerusalem enyarao iŋes ŋini asegan,

Yer. 19:5

arubakis daŋ edukete ŋakiboisyo ŋuna aoyak aŋuna a Baal, apeyo anakim ŋidwe kec ikwapei ŋainakineta ŋuna epeyo aŋuna a Baal, ŋakiro ŋuna nyicika, kori nyetubuno ayoŋ atemar kitiyae ka nyetamuna ayoŋ ŋakiro kaŋ tari ŋina erae atamun.

Osea 13:1

Ani paaran sek irworikinete ŋituŋa a Epuraim, abulenene Ŋisirael ŋuluce ka etopoloorito Ŋisirael daadaŋ ikes, nai apotu ŋituŋa a Epuraim toseca aŋuna elipyata neni a Baal, aŋun, etwakete ikes.

Osea 2:8

Abu aberu ŋin nyeyenu atemar ayoŋ abu oinak iŋes ŋikinyom, epiini ka akimyet ka arae ayoŋ abu etepetu esilipa ka egolid ŋolo ayaanarete ikes neni a Baal.

Sepan. 1:4

Esicani ayoŋ ka akan kaŋ ŋituŋa ŋulu a Yudaya ka daadaŋ ŋulu iboiyete alo Yerusalem: Amunyari ayoŋ anakiboisyo a ŋun ŋituŋa daadaŋ ŋulu idoŋito ŋulu ilipete neni a Baal ka ibore daadaŋ ŋini idoŋit neni ilipere neni a Baal, ekisari ayoŋ ŋisacaradotin ŋulu ilipete ŋakujo ŋace ka kitiyanakinete ŋakujo ŋun.

Ekim. 25:3

Aŋun, apotu kisyakis akilip neni a Baal alo Peor. Apotu ŋakiro ŋun kitoŋoa Ekapolon, toŋoik Ŋisirael.

Ŋikis. 4:3

Ipotu iyes ŋikulepek kiŋolikis ŋuna abu Ekapolon kitiya alo Baal-Peor, epite ŋolo abunio Ekapolon tomunyarya alotuŋa kus ŋulu daadaŋ ewuapito ŋakiro a Baal a ŋina alo Peor,

Ŋikat. 2:13

Apotu ikes kimyekis Ekapolon, inanakis ŋamuronisya neni a Baal ka neni ka Asitores.