Ŋirom. 11:33 - Ebaibul

³³ Okoe, kelalaar nooi ebari ŋolo ka Akuj, epol nooi aosou ka ayenut keŋ! Ŋae epedori akitacaun ŋuna etubununui iŋes? Ŋae epedori ayenun ŋakiro ŋuna itiyae iŋes.

Ŋirom. 11:33 Iomraidhean Croise

Esta 2:22

Nai kebu Moridekai toyenu atuko ŋin, tosodi tolimok arwosit Esta, ido abu Esta alokiro a Moridekai, tolimok erwosit Ausero ŋakiro ŋun.

Yob 10:13

Kikote neni daŋ, ayeni ayoŋ atemar iwuait iyoŋ ŋakiro ŋun alotau kon; ayeni ayoŋ atemar arae ŋun icamit iyoŋ akitiyakin.

Yob 15:8

Eya mono ŋakiro ipupok iyoŋ anatukot a ŋina eyea Akuj ŋakiro a? Neni kon mono bon irirakinit iyoŋ aosou a?

Yob 23:14

Isiyookini iŋes ŋuna adau ayeun aŋuna kaŋ, eyakar iŋes ŋayeununiyeta ŋuna alalak ŋuna ikote ŋun.

Yob 26:14

Erae ŋun ŋakitoodikineta ŋadi ŋuna a ŋakiro a ŋuna etiya Akuj, ekudyoko ŋakiro ŋuna ajipar iwon ŋuna irworo Akuj. Ŋae epedori kire ayenun agiro ŋina ka apedor ka Akuj?”

Yob 33:13

Kaanukiro itepegia iyoŋ Akuj? Irworo iyoŋ ebe, ‘Emam ŋakiro daŋ eboŋokini Akuj.’

Yob 37:19

Kitatamae isua ŋakiro ŋuna elimokinio Akuj, nyikipedori isua atubun ŋuna elimunio, anerae emam ŋuna eyenio isua.

Yob 37:23

Erae Akuj ŋina etiron, nyepedoryo iwon aapikin iŋes, epol apedor keŋ ka akiyookino keŋ, ido anakiyookino a ituŋanan a ŋina apolon, nyisicani Akuj iŋes.

Yob 5:9

Itiyae Akuj ŋakiro ŋuna ka aumokin ŋuna nyepedoryo iwon ayenun, itiyae iŋes ŋuna ka aumokin ŋuna nyimarunun.

Yob 9:10

Akuj itiyae ŋiticisyo ŋulu apolok nooi ŋulu emam ituŋanan epedori ayenun, Akuj itiyae ŋiboro ŋulu ajokak nooi ŋulu emam ituŋanan epedori akimarun.

Ŋikiru. 139:6

Aosou ŋina ikoni ŋin, erae ŋina ka aumokin aneni kaŋ; epol nooi, nyapedori ayoŋ aryamun.

Ŋikiru. 145:3

Epol nooi Ekapolon, emaikina kipuroe iŋes itopolooritae nooi; emam ituŋanan epedori akisalun ayenun apolou keŋ.

Ŋikiru. 36:6

Ikwaan akiyookino kon itiirae ka ŋimoru ŋulu itiiraete, ikwaan akiyookino kon ŋina itubio iyoŋ ŋakiro epol ka alalau a ŋakipi aloburi a ŋolo ka anam. Okoe Ekapolon iununui iyoŋ ŋituŋa ka ŋityaŋ pa ityakatyakat.

Ŋikiru. 40:5

Elalak nooi, okoe Ekapolon Akuj kaŋ, ŋaumonokineta ŋuna idau iyoŋ akitiya aŋuna kosi. Emam ituŋanan epedori alimunun ŋuna idau iyoŋ ayere aŋuna kosi; kerae opedori ayoŋ alimunun ikes kelalak nooi, pa kepedor akimarun.

Ŋikiru. 77:19

Abu erot kon kitor kidiŋ anam, abu erot kon kitor kidiŋ ŋakipi ŋuna alalak nooi; ido mam ituŋanan abu kiŋolik ŋikukus kon.

Ŋikiru. 92:5

Okoe Ekapolon, erae ŋiticisyo kon ŋulu ka aumokin! Eumokina nooi epite ŋolo itamya iyoŋ!

Ŋikiru. 97:2

Eyakasi nawaetin keŋ ŋidouwon ka akiryonut ŋina iryono cuc ipukat iŋes alotooma akiyookino ka ŋuna a kire.

Ŋakit. 25:2

Erae akililiŋiyanar ŋakiro akitopoloorit Akuj, nai erae akirworo a ŋirwosi ŋakiro ŋina itopolooritere ikes.

Ŋakit. 25:3

Nyepedori ituŋanan ayenun ŋuna etami erwosit, etami iŋes akilo ŋituŋa ŋuluce, elwaka ŋatameta keŋ ikoni neni elwania kidiama, elwaka ŋatameta keŋ ikoni neni elwania kwap ŋakipi ŋuna ka anam.

Ekal. 3:11

Eturuwo Akuj ibore daadaŋ ŋini ejok apaki ŋina eyakar ibore ŋin; adau daŋ Akuj akiwuakin lotai a ŋituŋa ayenut ŋuna alunyar ka ayenun ŋuna eponito alokiŋaren, kerae tomam ayenut ŋin aneni a ituŋanan, pa kepedorit ituŋanan ayenun etic ŋolo itiyae Akuj ŋinapei anakisyakinet tari momit nasalunet.

Ekal. 7:24

Alipite epedorya ituŋanan ayenun ibore ŋini erae akiyar. Erae akiyar ibore ŋini iduloro ŋini nyepatana aŋuna yok, erae ibore ŋini egogoŋ nooi ŋini nyepatana iwon ayenun.

Ekal. 8:17

abu ayoŋ a ŋinapaki oyenu atemar Akuj iŋes adau atubun atemar nyemaikina ŋituŋa toyenut ŋuna itiyasi anakwap a na. Tari daŋ kikatakis ŋituŋa akitiya ka agogoŋu ayenun ŋuna itiyasi, nyepedorete ayenun. Tari daŋ kebasi ŋikaosok ikiyeni ŋuna itiyasi, nyepedorito ayenun.

Isa. 28:29

Eponito nu daŋ aneni a Ekapolon a ŋolo a ŋajoresyo, itatami iŋes ŋakiro ŋuna ajokak ka eyakar iŋes aosou ŋina iloit.

Isa. 40:28

Nyeyenuna iyes a? Nyiirara iyes a? Erae Ekapolon Akuj ŋina a ŋikaru ka ŋikaru, ekasuban akwap ka ŋinibore eyai nakwap. Nyilelenyenene iŋes, kori nyeupenene; mam ituŋanan epedori ayenun ŋuna eyeni iŋes.

Dan. 4:35

Erae ŋituŋa daadaŋ ŋulu ka akwap ŋicaryo, itiyae iŋes ŋuna ecamit neni a ŋisubuna a ŋulu eya kidiama ka neni a ŋulu iboiyete anakwap. Mam ituŋanan epedori akiretakin ŋuna ecamit iŋes akitiya, kori epedori akiŋit ebe, “Nyo itiyae iyoŋ?”

Ŋirom. 2:4

Kori imenit iyoŋ Akuj aŋuna epoloo nooi arimao ka akidaŋidaŋ ta atitinyikinit keŋ? Nyiyeni iyoŋ atemar erae narimao keŋ ikirikorya iyoŋ Akuj nakiki ŋasecisya a?

Ŋirom. 9:23

Acamit daŋ Akuj akitoodikin apolou keŋ ŋina epol nooi neni a ŋulu esyon iŋes ka neni a ŋulu adau koloŋ iŋes akitemokin aryamun apolou keŋ.

1 Ŋikor. 2:10

Nai adau Akuj akitoodikin isua ŋun alotooma Etau keŋ. Eripiripi Etau ŋakiro daadaŋ, tari ŋuna iwuaitae ŋuna ka Akuj.

Ŋiep. 1:7

Anerae ikituruwor iwon ŋulu ikilakuna a ŋuna a ŋaokot a Kristo, a ŋuna aponi tobukoroe alomusalaba; iŋes nai atemar esyoni ŋasecisya yok. Alopite a ŋol, ikitoodik Akuj iwon epite ŋolo epoloo nooi ajokis keŋ.

Ŋiep. 2:7

Abu Akuj kitiya ŋun akitoodiunia anapakio a daadaŋ a ŋuna eponito, ajokis keŋ ŋina apolon nooi ŋina iloit daadaŋ, ŋina ileere anamina a ŋina abu iŋes kitoodiu neni yok aneni a Yesu Kristo.

Ŋiep. 3:10

ikotere nai alotooma Ŋikristo toyenut ŋikepukak ka ŋapedorosyo ŋuna anakuj aosou ŋina ka Akuj alotooma ŋiboro daadaŋ.

Ŋiep. 3:16

Elipenene ayoŋ neni ka Akuj ikiinak iyes anabaru a ŋina a ŋarereŋisyo keŋ apedor ŋina kicaset alotai kus alotooma Etau keŋ

Ŋiep. 3:18

ikotere nai iyes kaapei ka ŋituŋa ŋulu ka Akuj daadaŋ iyakaunotor apedor ŋinayenunet epite ŋolo epoloo nooi amina ŋina a Kristo ŋina nyipimun.

Ŋiep. 3:8

Arae neni kaŋ a ŋolo arae ecaryoit alotuŋa a daadaŋ a ŋulu ka Akuj aponi okoinakin ajokis ŋina limonokinet Ŋakiro ŋuna Ajokak neni a ŋulu nyerae Ŋiyudayan--ŋakiro ŋuna ka ajakaanut a Kristo a ŋina nyeŋicun etyae keŋ.

Ŋikol. 1:27

Abu Akuj tocamu akisileerekin ikes alalau ka apolou ŋina a ŋakiro a ŋuna imunono a ŋun, ŋuna erae aŋuna a ŋituŋa a daadaŋ. Ŋakiro ŋuna imunono ikes Kristo alotooma kus, ŋolo erae akigeno ŋina ikiponia iwon akimor apolou ŋina ka Akuj.