Ŋirom. 11:26 - Ebaibul

²⁶ Erae epite ŋol iŋes eiunotor Ŋisirael daadaŋ, ikwaŋina igiritere Nakigireta ebe, “Ebuni Ekaiunan alo Sion, tolema aronis daadaŋ aneni a ŋiletok a Yakobo.”

Ŋirom. 11:26 Iomraidhean Croise

Ŋikiru. 106:47

Toiunae isua, okoe Ekapolon Akuj kosi, tocununae isua anakwapin, ikotere isua ikilakar aŋuna ke ekiro kon a ŋolo asegan, kitopolooroe akipuro iyoŋ.

Ŋikiru. 14:7

Okoe, elipi ayoŋ atemar bu aiuno neni a Ŋisirael alo Sion! Apaki ŋina inyakakinia Ekapolon ŋituŋa keŋ ebari, elelyanete ŋituŋa a Yakob; elakarosi Ŋisirael.

Isa. 45:17

Nai eiuni Ekapolon Ŋisirael alotooma aiuno ŋina a ŋikaru ka ŋikaru; nyikisurumyo iyes ŋileec, kori nyikisiguryakinio iyes ŋikaru ka ŋikaru.”

Isa. 59:20

Ebuni iŋes Sion ikwapei Ekalakunan, ebuni iŋes neni a ŋiletok a Yakob a ŋulu imyekinete abilibil ŋikisila.

Yer. 31:1

Alimu Ekapolon ebe, “Apaki ŋin aruwor ayoŋ Akuj a ŋikalya a daadaŋ a ŋulu a ŋituŋa a Isirael, ido eruworosi ikes ŋituŋa kaŋ.

Esek. 39:25

“Aŋun, alimu Ekapolon Akuj atemar, enyakuni tokona ayoŋ ŋapiya a Yakob anakwapin a ŋuna aponi torikoroe, esyoni ayoŋ Ŋisirael daadaŋ ka euryari ayoŋ ekiro kaŋ ŋolo asegan nyituruwor ekoŋinait.

Osea 3:5

Ekaku, eboŋunete Ŋisirael, kiwara Ekapolon Akuj kec ka Daudi erwosit kec; epote ikes anakuryanu neni ke Ekapolon ka epote ikes najokis keŋ ŋirwa ŋulu esidyok.

Yoel 2:32

Nai ituŋanan daadaŋ ŋini enyarit ekiro ŋolo ke Ekapolon, eiunio; anerae eyakaun lomukura Sion ka Yerusalem ŋulu esiyete anakiro a ŋun, ikwapei alimunio Ekapolon, ido ŋice alokidiŋ ŋulu ideun, eruworosi ŋulu erae Ekapolon enyarae.”

Mat. 1:21

idouni iŋes ikoku ŋini sapat, ilimokini iyoŋ ekeekiro Yesu, anerae eiuni iŋes ŋikeetuŋa anasecisya kec.”

Ŋitic. 3:26

Aŋun, abu Akuj toseu eketiyan keŋ, kiyaku mono neni kus akiterereŋ iyes; kibelekinos iyes daadaŋ alopitesyo kus a ŋulu aronok.”

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.