Ŋirom. 11:22 - Ebaibul

²² Anakiro a ŋun ikiyenuni epite ŋolo erimaania Akuj ka epite ŋolo ededeŋia. Ededeŋ iŋes aneni a ŋulu adaut atwakiar, nai erimaana aneni kus--erae kirubakis iyes iyakasi narimaanut keŋ. Nai ani pa kirubakis, ikibilaryo iyes daŋ.

Ŋirom. 11:22 Iomraidhean Croise

Ŋikiru. 31:19

Epol nooi ajokis aŋiboro a ŋulu ajokak, Ŋina idaritor iyoŋ ŋulu ikitopoloorito iyoŋ, eyenete ŋituŋa daadaŋ ajokis kon ka idau iyoŋ akitoodikin neni a ŋulu ikikinyomito iyoŋ.

Isa. 66:14

“Iŋolikinete iyes ka elelyanete ŋitai kus, etumete ŋawat kus totulejejeta ikwa ŋinya, ido eyenunio atemar eyai apedor a Ekapolon neni a ŋiketiyak keŋ ka eŋoikinit iŋes ŋimoe keŋ.”

Esek. 18:24

Nai ani kimyek ŋini iyookino akitiya ŋuna ka akiyookino, kitiya aronis ka asiilyo ŋinapei itiyaete ŋulu aronok, epedori nai kire iŋes akiyar a? Mam apei daŋ alotooma ŋakiro ŋuna ka akiyookino ŋuna etiyat iŋes ŋuna iteyarere iŋes. Eruwor ituŋanan ŋin ŋini iilit aŋuna adaunor anupit aneni keŋ, ido aŋuna ka asecit aŋina etiya iŋes, emaikina iŋes totwan.

Esek. 3:20

Ŋace nu, ani keesikis ŋituŋa ŋulu iyookino akiyookino kec, ido kitiyata ŋuna aronok, ido ewuak ayoŋ ibore ŋini itukuruwori ikes akitiya ŋuna aronok, etwakete ŋituŋa ŋul, anerae nyelimokina iyoŋ ikes aesikin akitiya ŋuna aronok, etwakete ikes aŋuna ka asecit kec, nyetamunio nabo jik ŋuna ka akiyookino a ŋina sek etiyato ikes, nai emarakini ayoŋ atwanare kec nakou kon.

Luk. 8:15

Ŋikinyom ŋulu adoete nalup ŋuna ajokak erae ŋituŋa ŋulu iirarete akirot, kiricakis, tonupa a ŋitai a ŋulu ajokak ka totitinyikis akitodol ŋina erayata.

Yoa. 15:2

Ani ŋinateni kaŋ nyeraii, etubori iŋes ka ani ŋina eraii, eipanari iŋes, ikotere tosegyar, tora ŋaraito ŋuna alalak.

Yoa. 8:31

Tolimok Yesu Ŋiyudayan ŋulu anupito iŋes tema, “Ani kiricakis iyes ŋakiro kaŋ, iraakasi kire iyes ŋikasyomak kaŋ.

Ŋitic. 11:23

Ani edoluni iŋes ka iŋolikini epite ŋolo kebunio Akuj kiterereŋio ikes, tolakar iŋes. Kicikak ikes arubakin anupit Ekapolon a ŋitai kec a daadaŋ.

Ŋitic. 14:22

Kitogogoŋo ikes ŋikanupak, kisimukekis arubakin ananupit. Kitatama ikes ŋikanupak ebe, “Itemokino iwon etoro locan ŋulu alalak, eriŋa nyelomara Napukan ka Akuj.”

Ŋirom. 11:21

Abu Akuj nyerimak Ŋiyudayan, ŋulu isikwaanitae ka ŋaten ŋuna lopeyek; itamete iyes atemar ikirimakini iŋes iyes a?

Ŋirom. 2:7

Einakini Akuj akiyar ŋina nyedaun neni a ŋulu erubakinete itiyaete ŋuna ajokak, kiwarito akitopolooro ka akitojokyo aneni ka Akuj ka kiwarito akiyar ŋina nyedaun.

1 Ŋikor. 15:2

Ikiunete iyes Ŋakiro ŋuna Ajokak ŋun, erae kicata iyes aneni kec lopite ŋolo akalimokinitor ayoŋ iyes--ŋaye kerae anupit kus akoŋinait!

Ŋigal. 6:9

Nyitemokino iwon ikiup akitiya ŋuna ajokak, anerae ani pa kikiesik iwon akitiya ŋuna ajokak, edoluni apaki ŋina ikiryamunia iwon akilem ŋina ajokan.

1 Ŋites. 3:5

Aŋakiro a ŋun, pa apedorit ayoŋ akidaŋidaŋakin jik; ido abu eyaku Timoteo, ikotere oyenunia epite ŋolo eyakar anupit kus, anerae akuryanit ayoŋ atemar acepaki kedau Satan eketemon akitem iyes ka aruwor etic kosi ekoŋinait!

1 Ŋites. 3:8

Ikiyari kire tokona isua, anerae igogoŋ iyes anakimorikina kus ke Ekapolon.

Ŋibur. 10:23

Orubakisi ikiya nakigeno ŋina ikilimorit iwon, tomam aŋayaŋayat, anerae Akuj ŋina adau akiikin iwon, erae ŋina ikinyoma.

Ŋibur. 3:14

Anerae ikirae iwon daadaŋ ŋipei alotooma Kristo, erae kikirubak ikititinyikinit ananupit lopite ŋolo ikisyakinia.

Ŋibur. 3:6

Nai ekinyomit Akuj Yesu ikwapei Lokoku keŋ apolokin ekal keŋ. Ikirae iwon ekal ŋolo ka Akuj, erae kikirubak ikititinyikinit ka ikituro aŋuna a ŋakiro a ŋuna ikigeno iwon.

1 Yoa. 2:19

Apotu ikes totyakaros aneni yok, nai pa arae ikes ŋirukitos yok. Kerae torubakinito ikirukit ka iwon, kikirukit ka iwon; nai abu atyakar kec kisileereu atemar pa arae ikes ŋirukitos yok.

Akis. 2:5

Totamatama neni etya aronis ŋina ka akibusokin kon! Toki, kisyak akitiya ŋiticisyo ŋulu sek itiyae iyoŋ ekiŋaren. Ani pa kikii iyoŋ, abuni ayoŋ neni kon alemar awuoet kon ŋina ke etaa aneni sek eyai.