Ŋirom. 11:20 - Ebaibul

²⁰ Erae ŋun kire! Aponi tobilanarae ikes, anerae pa anupito, tosodi ikilunyokin iyes nen, anerae inupito. Nai nyiturokinosi a ŋun; akilo, itemokino toyakatar akerit.

Ŋirom. 11:20 Iomraidhean Croise

2 Ŋakiro a ŋirwa 20:20

Tonyout ŋituŋa a Yudaya ka ŋituŋa a Yerusalem taparacu sek, toloto naloŋisat ŋina a Tekoa, ani erotokinete ikes, towo Yeosapat tema, “Kiirasi ŋakiro kaŋ, iyes ŋituŋa a Yudaya ka ŋituŋa a Yerusalem. Tonupa neni ke Ekapolon Akuj kus, ikotere torubakis ititiny; tonupa ŋakiro ŋuna irworosi ŋikadwarak keŋ, ikotere ilounete ŋimoe kus.”

Ŋikiru. 138:6

Tari daŋ keyai Ekapolon kidiama, iŋarakinit iŋes ŋulu epapanunito, nai ite iŋes aneni alwanan nooi ŋiketurok itiyaete ŋuna aronok.

Ŋakit. 28:14

Elakara a ŋinapaki ituŋanan ŋini itopoloorit Ekapolon, nai ituŋanan ŋini itogogoŋit akou keŋ, elomari locan.

Ŋakit. 28:26

Ituŋanan ŋini ikinyomit apiiryanut a ŋatameta keŋ, erae ibaŋaanot; nai iŋes ŋini iwuapit ŋuna ka aosou keŋ, eruwor ŋini eiuna bon.

Isa. 2:11

Itiditeunio ŋulu itopolooro ka ejamuwaryo ŋulu iturosi. Tosodi, Ekapolon bon itopolooryo akoloŋit ŋin.

Isa. 2:17

Itiditeunio apolou a ŋituŋa a daadaŋ a ŋulu itopolooro ka ejamuwaryo akituro a ŋulu iturosi. Tosodi Ekapolon bon itopolooryo akoloŋit ŋin.

Isa. 66:2

Ŋakan kaŋ etiyaunete ŋiboro lu daadaŋ, ido erae ŋiboro lu daadaŋ ŋulu kaŋ. Nai ituŋanan ŋini ikoni ne iŋes alakaror ayoŋ: Ituŋanan ŋini itiditeuna bon ŋini ekiit alotau keŋ, ŋini itopoloorit akirot kaŋ.

Isa. 7:9

Etaun a Epuraim ŋolo apolon iŋes Samaria ka ekapolon ŋolo a Samaria iŋes lokoku a Remalia. Ani pa kigogoŋior iyoŋ ananupit, nyirubakini idaŋidaŋi jik.”

Abak. 2:4

Ŋakiro ŋun ikes nu, ‘Nyeyarete ŋulu itiyaete aronis, nai eyarete ŋulu iyookino, anerae ikinyomito Akuj.’ ”

Sepan. 3:11

“Akoloŋit ŋin, nyikisurumyo iyes ŋileec aŋuna a ŋipegeta a ŋulu iponiata iyes ikiŋierioto ayoŋ; anerae alemari ayoŋ aneni kus ŋituŋa ŋulu elelyanete aŋuna ka akituro kec. Nyiboŋokinete nabo iyes akiŋer ayoŋ alomukura kaŋ a ŋolo asegan.

Luk. 18:14

Akalimokini ayoŋ iyes atemar, abu ekeriran ocur tolot lore keŋ iyookino alokiŋaren Akuj, akilo Eparisayot; anerae ŋinituŋanan itopolooryo bon, itiditeunio; nai ŋini itiditeuna bon, itopolooryo.”

Ŋitic. 18:6

Nai ani itepegete ikes iŋes ka kirworotor iŋes neni aronon, kilakilakaa iŋes ŋilowi keŋ tema, “Ani tokona kikitubok Akuj iyes, erae ŋun ŋuna kus! Emam ŋuna akatapito ayoŋ. Ameun tokona alosi ayoŋ lotuŋa ŋulu nyerae Ŋiyudayan.”

Ŋirom. 11:18

Aŋun nai, nyitemokino iyes isoloete Ŋiyudayan ŋulu abilanaritae ikwa ŋaten. Inisasi iyes aŋuna ainyo? Iraakasi iyes ŋaten ca; meere iyes igaŋito ŋataagor--ŋataagor ikigaŋito iyes.

Ŋirom. 11:21

Abu Akuj nyerimak Ŋiyudayan, ŋulu isikwaanitae ka ŋaten ŋuna lopeyek; itamete iyes atemar ikirimakini iŋes iyes a?

Ŋirom. 12:16

Kiboiyoto ka ŋituŋa daadaŋ irae ŋipei. Nyiturosi, nai tocamutu ŋiticisyo ŋulu ka akitiditeuna. Nyitamete atemar kori iosok iyes.

Ŋirom. 12:3

Aŋuna ka ajokis a ŋina abu Akuj okoinak ayoŋ, akalimokini ayoŋ iyes daadaŋ atemar, nyitamete atemar kori ipolok iyes nooi, torae bo nyipolok. Nai torae ŋulu iyakatar ŋatameta ŋuna ecayete ka itemokino ŋinituŋanan aneni kus toyenu epite ŋolo eyakar iŋes alotyae a ŋolo ka anupit a ŋina einakinitae iŋes.

Ŋirom. 3:3

Nai nyiwuapa ŋituŋa ŋice ŋakiro ŋuna ka Akuj. Iŋes mono atemar nyerubakini Akuj daŋ iricit ŋakiikineta keŋ a?

1 Ŋikor. 10:12

Aŋun, itemokino ituŋanan ŋini etami atemar eboi ecasit, tocoite nyibusokin.

1 Ŋikor. 15:1

Ŋikaitotoi kaŋ, acamit ayoŋ akitatamun iyes Ŋakiro ŋuna Ajokak ŋuna abu ayoŋ okolimok iyes, ŋuna ipotu iyes tocamut, ŋuna tokona icasitor anupit kus.

1 Ŋikor. 16:13

Totenito, kicata ananupit, totitiny ka togogoŋ!

2 Ŋikor. 1:24

Nyikicamit isua akitiŋakin iyes ŋuna itemokino tonupa; ikiyeni isua atemar icasito iyes ananupit kus. Akilo ŋun, ikitiyae isua kaapei ka iyes aŋuna ka alakara kus.

2 Ŋikor. 10:5

Inyasunio isua ŋipegeta ŋulu nyiyookino ka ŋinibore eturon daadaŋ ŋini epedori akiretakin ayenut Akuj; ikikatakinit isua akikamun ŋatameta daadaŋ etacamutu akipup Kristo.

Ŋipil. 2:12

Aŋun, ŋikaitotoi kaŋ ŋuluminan, ikwapei jwi jwi iwuapitotor iyes ŋakiro kaŋ paaran apaki ŋina ikirukitor iwon, ejok nabo nooi iyes akiwuap ŋakiro kaŋ tari apaki ŋina alwania ayoŋ aneni kus. Torubakisi itiyaete alokabule ka anakerit Akuj aŋuna ka aiuno kus,

Ŋikol. 2:7

Torubakisi icasito aneni keŋ ikwa isicasitotor ŋataagor ekitoe alokwap, ido toduko akusikiyar neni keŋ; kicasito ananupit kus, ikwapei ikitatamitere iyes. Torubakisi ilakanarosi neni ka Akuj!

2 Ŋites. 2:4

Itepegi iŋes ibore daadaŋ ŋini enyaritae akuj kori ibore daadaŋ ŋini isitiyaete ŋituŋa akitopoloonorya ŋakujo ka itopoloori iŋes bon akilo ŋakujo daadaŋ. Iboikin tari Kai ka Akuj, ido kitusubun bon Akuj.

1 Tim. 6:17

Tolimok ŋituŋa ŋulu ebarito a ŋiboro a ŋulu ka akiyar a na nyiturokinosi, nyiwuakis akigeno kec lobari ŋolo nyeropari, nai kigenos neni ka Akuj, a ŋina ikiinanakini iwon ibore daadaŋ anarimao, ikotere ikilakara iwon.

Ŋibur. 3:12

Ŋikaitotoi, tocoito nyeyakar idio alokidiŋ kus etau ŋolo aronon ŋolo nyenupit ŋakiro ka Akuj, ido tooliyo aneni ka Akuj a ŋina eyari.

Ŋibur. 3:19

Ikianyu tokona iwon atemar apotu ikes nyelomasi nakwap ŋin, anerae pa anupito ŋakiro ka Akuj.

Ŋibur. 4:11

Ekatakisi nai tokona iwon nooi anacamit alomar nakieŋun ŋin, ikotere nyekuruwo idiotuŋanan alomar nakieŋun ŋin ikwa abunio tokuruworya ŋituŋa ŋulu koloŋ, aŋuna pa anupitotor ŋakiro ka Akuj.

Ŋibur. 4:6

Pa apotu ŋulu ageunete akiirar Ŋakiro ŋuna Ajokak toryamut akieŋun ŋin, anerae pa anupito. Nai eyakasi nabo ŋice ŋulu ecamakinitae tolomasi nakieŋun ŋin.

Yak. 2:19

Inupit iyoŋ atemar erae Akuj apei bon a? Ejok! Enupito tari atasatan daŋ--nabo emaranete tobulite.

Yak. 4:6

Nai einanakini iŋes ajokis ŋina alalan; aŋun, elimunit Akigiret ebe, “Itepegi Akuj ŋiketurok, nai einanakini ajokis neni a ŋulu itiditeuna.”

1 Pet. 1:17

Inyarito iyes iŋes Papa, apaki ŋina ilipyata iyes neni ka Akuj, a ŋina etubonokini ŋituŋa daadaŋ emam atyakatyak, alopite a ŋolo itiyator ŋinituŋanan. Aŋun, kiboiyoto anakiyar kus a daadaŋ alokwap a ne ikerito iŋes.

1 Pet. 5:12

Silipano iŋes ekeŋarak ayoŋ akigir abaruwa ŋinauriyen na neni kus, ayeni ayoŋ atemar erae iŋes lokaato ŋolo ikinyoma. Acamit ayoŋ akisimukekin iyes ka akiteyenikin atemar erae ŋakiro ŋun ŋuna a kire ŋuna ka ajokis ka Akuj. Torubakisi jik anakirot a na!

1 Pet. 5:9

Kitepega iŋes; togogoŋ ananupit kus, anerae iyenete iyes atemar, eryamunito ŋikaitotoi kus alotooma Kristo anakwapin a daadaŋ ŋican ŋulu ikwaan ka ŋulu kus.

Akis. 18:7

Inakisi iŋes ŋican ka akiyaloloŋ iriyan ka akituro ta eleilei ŋolo ayakar iŋes. Anerae erubakinit iŋes ebala, ‘Eboi ayoŋ a ne, arae arwosit! Meere ayoŋ apuserut, nyikiryamakin jik ayoŋ ka akiyaloloŋ!’

Akis. 3:17

Anerae ibala iyoŋ, ‘Abarit, ayakar ibore daadaŋ ka emam ibore eitanit.’ Nai nyiyeni iyoŋ atemar icana, irae ekaŋipapan, ekulyakit, emudukanot ka ileri.