Ŋirom. 11:2 - Ebaibul

² Nyeŋero Akuj ŋituŋa keŋ, ŋulu abu iŋes toseu anakisyakinet. Iyenete iyes ŋuna igiritae Nakigireta ŋuna edyekitor Eliya Akuj aŋuna keŋ itoroniyarit ŋituŋa a Isirael ebala,

Ŋirom. 11:2 Iomraidhean Croise

Akisy. 44:15

Kiŋit Yosepu ikes tema, “Anukiro nu ŋuna itiyata iyes? Nyiyenete mono iyes atemar epedori ituŋanan ŋini ikoni ayoŋ akidwar ŋakiro a?”

Neem. 9:30

Alotooma ŋikaru ŋulu alalak, ibu iyoŋ kidaŋidaŋ ŋakiro kec. Alotooma etau kon, ibu iyoŋ tolimonok ikes aneni a ŋikadwarak akimyekin akitiya ŋuna aronok, nai apotu nyecamut akiirar ŋakiro kon. Aŋun, ibu iyoŋ kipotok ikes napedor a ŋituŋa a ŋakwapin.

Ŋikiru. 94:14

anerae nyeŋeri Ekapolon ŋituŋa keŋ; nyimyekini iŋes jik ŋituŋa ŋulu erae ŋulu keŋ.

Awos. 32:1

Ani eyenunete ŋituŋa atemar adidi Moses aboŋun alokidiama emoru, apotu tocunakinos kirimokis Aron kidiŋ temasi neni keŋ, “Bua, kitiyakinae isua ŋakujo ŋuna ikirikete isua, anerae nyikiyeni isua ŋakiro ŋuna kitiyakin neni a Moses a ŋolo abu ikitipeunio isua anakwap a Ijipit.”

Yer. 31:37

“Ani kepedoryo akipim kidiama neni etya ka ayenun ŋakisyakineta ŋuna ka akwap alotooma, iŋes nai apedorya ayoŋ akiŋer ŋiletok a Isirael aŋuna a ŋiticisyo a daadaŋ a ŋulu apotu ikes kitiyata.”

Ekim. 16:15

Abu nai Moses toŋo nooi, ido tema neni ke Ekapolon, “Nyicamu ŋainakineta kec. Mam nyeyaa ayoŋ aneni kec tari ŋolo arae esigirya epei daŋ ka nyewana ayoŋ idio alokidiŋ kec.”

Mar. 12:26

Nai nyesyoma iyes alokitaabo a Moses ŋuna a ŋikatwak a ŋulu eyarunete, ikwapei kirworor Akuj neni keŋ anamoni ebala, ‘Arae ayoŋ Akuj ŋina ka Aburaam ka Isaka ta ŋina a Yakobo’ a?

Luk. 4:1

Toboŋu Yesu alo Yorodan ileleba Etau ŋolo Asegan ŋolo abu toriko iŋes naloŋisat,

Yoa. 4:11

Tolimok aberu iŋes tema, “Ekapolon, imamukar iyoŋ ibore ŋini okunet ŋakipi, nabo daŋ eoya akare. Ai nai ilemunia iyoŋ ŋakipi ŋuna eteyarak ŋun?

Ŋitic. 13:48

Ani iirarete ŋulu pa arae Ŋiyudayan alokidiŋ kec ŋakiro ŋun, tolakaros, kipuro Akuj aŋuna ka Akirot keŋ. Tonupa daadaŋ ŋulu aseunitae aryamun akiyar ŋina nyedaun.

Ŋitic. 15:18

Ayoŋ Ekapolon, ŋolo aberakin koloŋ sek akiteyenun ŋakiro nu ŋuna etiyakini.’

Ŋitic. 3:17

“Ŋikaitotoi kaŋ, ayeni ayoŋ tokona atemar pa iyenete iyes ka ŋikepukak kus ŋuna ipotu iyes kitiyata.

Ŋitic. 7:40

Tolimokis ikes Aron temasi, ‘Kitiyakinae isua ŋakujo ŋuna ikirikete isua. Nyikiyeni isua ŋakiro ŋuna kitiyakin neni a Moses a ŋolo ikirikuni isua alo Ijipit.’

Ŋirom. 6:16

Iyenete iyes kire atemar, ŋina ijalatar iyes tocamut aruwor ŋipi ŋulu a ituŋanan a ice, iruworosi ŋipi ŋulu a ituŋanan a ŋini iwuapito iyes--kerae ŋipi ŋulu ka asecit a ŋina ikirikori natwanare kori ŋipi ŋulu ka akiwuapit ŋakiro ŋuna ka Akuj, ŋuna eyaunete akiyookino alokiŋaren Akuj.

Ŋirom. 9:23

Acamit daŋ Akuj akitoodikin apolou keŋ ŋina epol nooi neni a ŋulu esyon iŋes ka neni a ŋulu adau koloŋ iŋes akitemokin aryamun apolou keŋ.

Ŋirom. 9:6

Nyabala ayoŋ epiyo Akuj akisiyookin akiikinet keŋ; anerae meere ŋituŋa a Isirael daadaŋ erae ŋiseuna ŋulu ka Akuj.

1 Ŋikor. 6:2

Nyiyenete iyes atemar etubokinete ŋituŋa ŋulu ka Akuj akwap a? Aŋun, ani kerae iyes itubokinete akwap nyipedorito nai iyes akitub ŋakiro tari ŋuna edisyak a?

1 Ŋikor. 8:3

Nai ituŋanan ŋini emina Akuj, eyeni Akuj iŋes.

Ŋipil. 1:22

Nai ani karubak ayari, iŋes atemar apedori akitiya etic ŋolo ajokan; aŋun, nyayeni ayoŋ ibore ŋini aseuni, akiyar kori atwanare!

Ŋibur. 1:1

Koloŋ sek, abu Akuj kirwor neni atapapaa yok alotooma ŋikadwarak ŋarwa ŋakalalak, alopitesyo a ŋulu agelegelya;

1 Pet. 1:2

Ikiseu iyes Akuj Papa anayenut keŋ a daadaŋ ka ikituruwo ŋituŋa ŋulu ikiteseg Etau keŋ, akiwuap Yesu Kristo ka ikitesegun a ŋaokot keŋ. Tolalaar aneni kus ajokis ka ekisil!