Ŋirom. 11:16 - Ebaibul

¹⁶ Ani keinakin Akuj anyilet ŋina ke ekiŋaren anamugati, erae nai amugati daadaŋ ŋina keŋ ka ani keinakin Akuj ŋataagor ŋuna ke ekitoe, erae ŋaten daŋ ŋuna keŋ.

Ŋirom. 11:16 Iomraidhean Croise

Akisy. 17:7

Ewuakini ayoŋ acamunet kaŋ ka iyoŋ ka ŋiletok kon ŋulu a ŋanyameta a daadaŋ, eruwor acamunet ŋin ŋina a ŋikaru ka ŋikaru. Arubakini ayoŋ arae Akuj kon ka ŋina a ŋiletok kon.

Awos. 22:29

“Nyiŋero ainakin Akuj ŋainakineta ŋuna a ŋikinyom kus, kori ŋamyeta ŋuna icuyete iyes. Emaikina iyes ikiinakis ayoŋ ŋidwe kus ŋulusapa ŋulu kiyae.

Awos. 23:16

“Totamunito akitiya ŋasuban ŋuna ka akilem ŋikinyom ŋulu ipotu iyes kitata ekiŋaren lomanikorin kus. Totamunito akitiya aŋolokaru ŋasuban ŋuna idauniata iyes acunun ŋikinyom ŋulu itato lomanikorin kus.

Awos. 23:19

“Toseutu ŋaraito alokinyom kus a ŋulu ke ekiŋaren ŋuna ajokak, ido yaut Kai a Ekapolon Akuj kus. “Nyidorokis ikale ŋinimeot a ŋakile a toto keŋ.”

Ŋakit. 3:9

Kitopoloorite Ekapolon anainanakin iŋes ibore idio alobari kon, inanakini Ekapolon ŋaraito a ŋikinyom kon a daadaŋ.

Yer. 2:21

Torae bo abu ayoŋ okodupak iyes esibit epiini ŋolo ajokan nooi, ŋolo elemunitae anateni a ŋina ajokan nooi. Anukiro bo imunaarotor iyes, ikwaanikinotor ka ekitoe a epiini ŋolo ka ariet?

Esek. 44:30

Ŋaraito daadaŋ ŋuna ajokak ŋuna esyaunak ka ŋainakineta daadaŋ ŋuna a ŋolokabila eyaunete Ŋisirael, eruwor ŋuna a ŋisacaradotin. Emaikina daŋ iyes inakis ŋisacaradotin ŋamugati kus ŋuna isyaunete akokore ipoo, ikotere torubak arereŋu eyai lokalya kus.

Ŋilep. 23:10

“Tolimok Ŋisirael ebe, ‘Ani ilomarete iyes nakwap ŋina alosi ayoŋ ainakin iyes, ido tolema ŋikinyom ŋulu itaete iyes, emaikina iyes yaut neni ke esacaradoti ŋaraito ŋuna ilemunete iyes a nen ekiŋaren.

Ŋirom. 11:17

Adaun abilanar ŋaten ŋace ŋuna ke ekitoe a ŋolo ka akimyet a ŋolo edupitae ka adaun akiderakin neni keŋ ateni ŋina ke ekitoe a ŋolo ka ariet, a ŋolopei erae ŋolo ka akimyet. Ikote iyes ŋulu nyiraakasi Ŋiyudayan ateni ŋina ke ekitoe a ŋolo ka ariet ka imorete tokona agogoŋu ka akiyar ŋina ileleba ŋina ke ekitoe a ŋolo edupitae, ŋolo erae Ŋiyudayan.

Ŋirom. 8:23

Nai meere ŋisubuna bon irurumaete anaryeba; iwon daŋ ŋulu ikiyakar Etau ŋolo ka Akuj ikwapei ainakinet ka Akuj ŋina ke ekiŋaren, ikirurumae anaryeba alotooma yok, anapaki a na a ŋina ikidaritor Akuj ikituruwo iwon ŋidwe keŋ, tolacak ŋawat yok anatwanare.

1 Ŋikor. 7:14

Anerae ecamunit Akuj iŋes aŋuna ka akimorikina ka aberu keŋ. Aberu ŋina nyerae Akristoit daŋ ecamunit Akuj aŋuna ka akimorikina ka ekile ŋolo Kristoit. Kerae nyikote nen, kikote ŋidwe kec ŋulu a ŋituŋa a ŋulu nyenupito Akuj; nai ecamunit Akuj ikes.

Ŋikis. 18:4

Eryamunete ŋisacaradotin aneni a ŋituŋa ŋikinyom ŋulu eŋarenok, epiini ŋolo a ekiŋaren, akimyet ŋina a ekiŋaren ka ŋajul a ŋamesekin ŋuna etubunio ekiŋaren. Emaikina ŋituŋa inakis ikes ŋiboro ŋul;

Ŋikis. 26:10

Aŋun, tokona, okoe Ekapolon ayau ayoŋ ŋaraito ŋuna esyaunak ŋuna a akwap ŋina ikiinak iyoŋ ayoŋ.” Iwuakinete nai iyes ŋainakineta kus kiŋaren Ekapolon Akuj kus, ido kijuuroto kipuro Ekapolon Akuj kus.

Yak. 1:18

Aŋuna ka acamit keŋ, abu ikiinak iwon akiyar alotooma akirot keŋ ŋina a kire, ikotere nai ikiruwor iwon ŋulu eŋarenok alosubuna keŋ a daadaŋ.

Akis. 14:4

Erae ikes ŋikilyok ŋulu nyiryamakina ka ŋaberu, anerae etaleoro ikes. Iwuapito ikes Imesek neni elosi daadaŋ. Aponi toiunae ikes alokidiŋ ŋituŋa ŋuluce ka erae ikes ainakinet ŋina ke ekiŋaren ŋina ainakinio neni ka Akuj ka neni a Imesek.