Ŋirom. 11:11 - Ebaibul

¹¹ Eŋita nai ayoŋ atemar apaki ŋina aoliyoritotor Ŋiyudayan, apotu mono ikes torubakis eoliyorito jik a? Mam jik! Nai aŋuna asecitotor ikes, abu aiuno neni a ŋituŋa a ŋulu nyerae Ŋiyudayan, ikotere erakaakiata Ŋiyudayan aŋuna kec.

Ŋirom. 11:11 Iomraidhean Croise

Esek. 18:23

Alimu Ekapolon Akuj ŋakiro nu atemar, alakara mono ayoŋ aŋuna ka atwanare a ituŋanan a ŋini itiyae aronis a? Mam, emaikina ayoŋ eŋolik iŋes ekii asecit keŋ, toyar.

Esek. 18:32

Nyalakara ayoŋ aŋuna ka atwanare a ituŋanan a idio. Tokiwa ikotere toyara.”

Esek. 33:11

Tolimok Ŋisirael atemar, ebala Ekapolon Akuj ebe, Ikwapei ayarya ayoŋ, nyalakara ayoŋ etwani ituŋanan toriŋa eyai naronis, nai emaikina ŋini eyai naronis toŋer akiwuapit ŋuna aronok, ido toyar. Toŋero, toŋero akiwuapit ŋuna aronok! Okoe Ŋisirael, kaanukiro icamitotor iyes atwakare?

Luk. 20:16

Ŋina ebunio iŋes eari ŋiketiyak ŋulu ke emanikor, tosodi inak emanikor loketiyak ŋice.” Ani iirarete ŋituŋa ŋakiro ŋun temasi, “Nyikiryama ca ka ŋun!”

Ŋitic. 13:42

Ani erotokinete Paulo ka Baranaba alosinagoga, kiŋitakis ŋituŋa ikes alimokin ikes nabo ŋakiro ŋun akoloŋit ŋina a Sabato ŋina atupasi ka ŋin.

Ŋitic. 18:6

Nai ani itepegete ikes iŋes ka kirworotor iŋes neni aronon, kilakilakaa iŋes ŋilowi keŋ tema, “Ani tokona kikitubok Akuj iyes, erae ŋun ŋuna kus! Emam ŋuna akatapito ayoŋ. Ameun tokona alosi ayoŋ lotuŋa ŋulu nyerae Ŋiyudayan.”

Ŋirom. 10:19

Eŋita nabo ayoŋ nu: pa ayenete Ŋisirael apolou a ŋakiro a ŋun a? Arae Moses elope abu kisyau aboŋokin ebe: “Ebala Akuj, eketuruwori ayoŋ iyes ŋituŋa ŋulu iyakatar arakao neni a ŋulu emamukatar ebuku. Eketuruwori ayoŋ iyes ŋituŋa ŋulu iŋoikinito ebuku ŋolo ebaŋaaka ŋituŋa keŋ.”

Ŋirom. 11:1

Eŋita nai ayoŋ atemar, abu Akuj toŋer ŋikeetuŋa a? Mam jik! Arae ayoŋ elope Esiraelit, lopapait ka Aburaam ka arae ŋolo anateker a Benjamin.

Ŋirom. 11:12

Abu asecit ŋina a Ŋiyudayan yau ŋarereŋisyo ŋuna alalak nakwap ka abu atwaniyar kec aiuno yau ŋarereŋisyo ŋuna alalak lotuŋa ŋulu nyerae Ŋiyudayan. Etyaunete nai ŋarereŋisyo ai ŋina imarakinere Ŋiyudayan daadaŋ etya neni etya aruwor ŋikanupak a Kristo!

Ŋirom. 11:14

Acepaki apedori ainakin arakao lotuŋa kaŋ, Ŋiyudayan, ikotere aŋuna kaŋ toiunia Akuj ikes ŋice.

Ŋirom. 11:31

Ikwaŋinapei, eŋerito tokona Ŋiyudayan Akuj; nai aŋuna ka akisyon a ŋina iryamut iyes, eryamunete ikes daŋ akisyon ŋina ka Akuj.