Ŋirom. 10:9 - Ebaibul

⁹ Ani kilimu ka akituk kon atemar, “Erae Yesu Ekapolon” ka tonup alotau kon atemar abu Akuj kiteyaru iŋes alokatwak, iiun iyoŋ.

Ŋirom. 10:9 Iomraidhean Croise

Luk. 12:8

“Akalimokini ayoŋ iyes atemar, ŋinituŋanan akalimori ayoŋ alokiŋaren ŋituŋa, elimori Lokoku a Ituŋanan daŋ iŋes alokiŋaren ŋimalaikan ŋulu ka Akuj.

Yoa. 9:22

Alimunete ŋikauruunak keŋ ŋun aŋuna akeritotor ŋikarikok a Ŋiyudayan; anerae atukito sek Ŋiyudayan atemar, ŋini enupi ebe Yesu iŋes erae Kristo, ikisaryo alosinagoga.

Ŋitic. 16:31

Temasi ikes, “Tonup Ekapolon Yesu, ido toiun kaapei ka ekonikal.”

Ŋitic. 2:24

Nai abu Akuj kiteyaru iŋes alokatwak; tolacu iŋes anapipilu a ŋina ka atwanare, anerae pa apedori atwanare akien iŋes.

Ŋitic. 2:32

Eteyaru Akuj Yesu ŋolopei ŋol alokatwak ka ikirae isua daadaŋ ŋisuudae ŋulu a ŋakiro a ŋun.

Ŋitic. 8:36

Ani elosete ikes alorot, todolo neni ayakasi ŋakipi, ido tolimok ekapolon ŋol Pilipo tema, “Kiŋolik, ŋakipi nu! Nyo ekeretakini ayoŋ akibatisao?” [

Ŋirom. 10:10

Anerae ikinupit iwon alotai yok, ido ikituruwor ŋulu ikiyookino alokiŋaren Akuj; ikilimu iwon a ŋakitukwa yok, ido ikiun.

Ŋirom. 14:11

Anerae ebasi Ŋakigireta ebe, “Ebala Ekapolon, ikwaŋina eraakar kire atemar ayari ayoŋ, ikoni nenipei atemar eryediki ŋinituŋanan alokiŋaren kaŋ, ka elimori ŋinituŋanan atemar ayoŋ arae Akuj.”

Ŋirom. 14:9

Anerae abu Kristo totwan ka toyaru aŋuna ka aruwor Ekapolon a ŋulu eyarete ka ŋulu atwak.

Ŋirom. 4:24

Egiritae aŋuna yok daŋ a ŋulu elosi Akuj acamun erae ŋulu iyookino, iwon ŋulu ikinupit Akuj ŋina eteyaruni Yesu Ekapolon yok alokatwak.

Ŋirom. 8:34

Ŋae nai etubokini ikes? Emam ipei daŋ, anerae Yesu Kristo abu totwan, nabo akilo aponi kiteyarunae alokatwak, ido iboi alowae a ŋolo aloteten a ŋolo ka Akuj. Iŋes edyekit aŋuna yok Akuj.

1 Ŋikor. 12:3

Aŋun, acamit ayoŋ iyes toyenut atemar emam ituŋanan ŋini irworo a Etau a ŋolo ka Akuj epedori alimun ebe, “Itemokino kicenoi Yesu!” Nabo, emam ituŋanan epedori alimun ebe, “Erae Yesu Ekapolon”, mati erae Etau ŋolo Asegan erikit iŋes.

Ŋipil. 2:11

ka itemokino daadaŋ tocamut alimor atemar erae Yesu Kristo Ekapolon. Alopite a lo itopolooryo Akuj Papa.

1 Pet. 1:21

Alotooma keŋ, inupito iyes Akuj, ŋina eteyaruni iŋes alokatwak, ido inak iŋes apolou; ikotere nai eyakaun anupit ka akigeno kus neni ka Akuj.

1 Yoa. 4:15

Ŋini elimori atemar erae Yesu Lokoku ka Akuj, iboi Akuj alotooma keŋ ka iboi iŋes alotooma Akuj.

2 Yoa. 1:7

Anerae aloto nakwapin ŋikalyokonok ŋulu alalak, ŋulu eŋerito atemar abu Yesu Kristo bu erae ituŋanan. Ituŋanan ŋini ikoni ŋin, erae ekalyokonon ka erae emoit ŋolo a Kristo.