Ŋirom. 10:6 - Ebaibul

⁶ Nai ŋuna ikamunito akiyookino alokiŋaren Akuj anakiwuapit anupit, igiritae Nakigireta ebe, “Nyitema alotau kon, ŋae elosi kidiama nakuj?” (iŋes atemar aŋuna ka ayaun Kristo kwap.)

Ŋirom. 10:6 Iomraidhean Croise

Ŋakit. 30:4

Ŋae mono alosit kidiama nakuj, ido toboŋu? Ŋae mono eriraunit ekuwuam tobun anakan? Ŋae mono aokunit ŋakipi a elou keŋ? Ŋae iwuakinit ŋakisaleta ŋuna ka akwap? Ŋae ekiro keŋ? Ŋae ekiro alokoku keŋ? Tolimokinae ayoŋ erae kiyenete!

Yoa. 6:33

Anerae akimuj ŋina ka Akuj iŋes ŋina ebunit anakuj ainakin akwap akiyar.”

Yoa. 6:38

anerae nyabunit ayoŋ anakuj akitiya acamit kaŋ, nai akitiya acamit a ŋolo ekeyakuunit ayoŋ.

Yoa. 6:58

Erae ŋin akimuj ŋina ebunit anakuj; nyikoni iŋes akimuj ŋina apotu atapapaa kus kimuja, nai apotu totwaka ekaku. Kire, ŋini imuji akimuj ŋin, eyari jik.”

Ŋirom. 3:22

Akiyookino na, ŋina ka Akuj, ebunit alotooma anupit Yesu Kristo, neni a daadaŋ a ŋulu enupito. Emam atyeketait,

Ŋirom. 3:25

Abu Akuj kipoto Yesu Kristo, ikotere akeetwanare eruwor ŋina isyoniyere ŋasecisya a ŋituŋa a ŋulu enupete iŋes. Abu Akuj kitiya ŋun, ikotere kitoodiunia atemar iyookino iŋes alope. Koloŋ sek abu Akuj totitinyik ka nyemitak ŋasecisya a ŋituŋa.

Ŋirom. 4:13

Abu Akuj kiik Aburaam ka ŋiletok keŋ atemar eruwor akwap ŋina kec; pa etiyae Akuj ŋun aŋuna ewuapitor Aburaam Ŋikisila, nai aŋuna acamunere iŋes erae ŋolo iyookino ananupit keŋ.

Ŋipil. 3:9

ka emorikinos jik ka iŋes. Nyeryamuna ayoŋ akiyookino alokiŋaren Akuj aŋuna kaŋ ke elope, kori aŋuna ka akiwuapit Ŋikisila. Nai aryamu tokona ayoŋ akiyookino ŋin aŋuna ka anupit Kristo--akiyookino ŋina ebunit aneni ka Akuj, ŋina itorunit nanupit.

Ŋibur. 1:3

Inwakunit iŋes akica ŋina ka apolou a ŋina ka Akuj, nabo ikwaan iŋes per ka Akuj alope. Isicasit iŋes akwap ka agogoŋu a ŋina ka akirot keŋ. Ani kedau aryamikin ŋituŋa akisyonio ŋina a ŋasecisya kec, abu kiboikin nakuj lowae ŋolo aloteten Akuj.

Ŋibur. 11:7

Anupit iŋes eirarya Noa ŋakiro ŋuna ecikya Akuj iŋes aŋuna a ŋakiro a ŋuna eriŋa nyetakanuna. Abu iŋes kiira ŋakiro ŋuna ka Akuj, toduk ataker ŋina abunio iŋes ka ekeekal toiunotor. Aŋakiro a ŋun, aponi totubokinae akwap daadaŋ, nai abu Noa toryamu aneni ka Akuj akiyookino, anerae anupit iŋes.