Ŋirom. 10:3 - Ebaibul

³ Nyeyenete ikes epite ŋolo ituruwonorya Akuj ŋituŋa ŋulu iyookino alokiŋaren keŋ ka ekatakis ikes akisyakin erot kec a ŋilopeyek; aŋun, apotu ikes nyecamut erot ŋolo ka Akuj ŋolo ituruwori ŋituŋa ŋulu iyookino alokiŋaren keŋ.

Ŋirom. 10:3 Iomraidhean Croise

Neem. 9:33

Iyookino iyoŋ anakiro a daadaŋ a ŋuna apotu neni kosi, anerae itiya iyoŋ ikinyoma, nai etiyae isua erono,

Yob 33:27

eikini ituŋanan ŋin iŋes alokiŋaren ŋituŋa ebe, ‘Abu ayoŋ osec ka oŋer akitiya ŋuna iyookino, nai nyisicana Akuj ayoŋ aŋuna abu ayoŋ etiya.

Ŋikiru. 71:19

Okoe Akuj, edolit akiyookino kon kidiama nooi, itiya iyoŋ ŋiboro ŋulu apolok nooi. okoe Akuj, ŋae ikwaanatar iyoŋ?

Isa. 51:1

Iyes ŋulu iwarito akiyookino, topupokinae ayoŋ, iyes ŋulu iwarito Ekapolon, topupokinae ayoŋ. Totamutu ataaba ŋina ikityakunere iyes; totamutu neni ibesere ŋamoru neni ikibetunere iyes.

Isa. 51:6

Kireosi kidiama, toripiyasi kwap ŋalup; anerae eŋopiyarete ŋisubuna ŋulu alokidiama lopite ŋolo eŋopiyarya apuru, enyamun akwap lopite ŋolo enyamunor elou ka etwakete ŋulu iboiyete anakwap lopite ŋolo etwakyata ŋikamicirwa. Nai erubakini aiuno ŋina ebunit aneni kaŋ ŋikaru ka ŋikaru ka nyedaun alakuno ŋina ebunit aneni kaŋ jik.

Isa. 51:8

anerae irikari ekurut ikes lopite ŋolo irikarya abebe elou, irikari ekurut ikes lopite ŋolo irikarya ŋajul a amesek; nai erubakini alakuno ŋina ebunit aneni kaŋ ŋikaru ka ŋikaru ka eropari aiuno ŋina ebunit aneni kaŋ ananyameta a daadaŋ.

Isa. 56:1

Alimu Ekapolon ŋakiro nu, “Torubakisi irae ŋulu iyookino ka kitiyaete ŋuna iyookino, anerae aapuu ayoŋ aiun iyes, ido itoodiunio alotooma apaki ŋina eapi ŋuna ka alakun ayoŋ iyes.

Isa. 57:12

Esileereuni ayoŋ akiyookino kus ka ŋiticisyo kus, ido emam ajokis iryamunete iyes anakiro a ŋun.

Isa. 64:6

Ikikwaanikin tokona isua ka ituŋanan ŋini nyeseg, ekwaanikin ŋiticisyo kosi ŋulu iyookino daadaŋ ka elou ŋolo eoŋoryana. Ikiiniya isua ikwa ŋakwii, ikiwokosi isua ŋasecisya kosi ikwa ekuwuam iwokori ibore.

Aum. 3:22

Nyedaun amina ke Ekapolon ŋina nyiryaŋiryaŋa, nyedaun akisyon keŋ;

Dan. 9:24

“Erae ŋisabito ŋulutomonikanikaarei apaki ŋina etubunit Akuj akitiyakinia nu aŋuna a ŋituŋa kon ka aŋuna ke etaun a ŋolo asegan: Akitojoŋore ŋituŋa abilibil ŋikisila, akitojoŋore ŋituŋa asecenen, amookuun ŋituŋa anaronisya kec, ayaun lotuŋa akiyookino ŋinaruba ka akisiyookin akisileerekinet ka ŋakiro a ŋikadwarak ta akitaleun akibois ŋina asegan nooi.

Ŋilep. 26:41

ido abu ayoŋ daŋ oŋer ikes eela nakwapin a ŋimoe kec; ani nai kitiditeuna ikes tokona alotai kec; kekiito ŋasecisya kec,

Luk. 10:29

Nai ikwapei acamitor iŋes akitojoka, abu iŋes kiŋit Yesu tema, “Ŋae erae ekaakidunyet?”

Luk. 16:15

Tolimok nai Yesu ikes tema, “Iraakasi iyes ŋituŋa ŋulu itojokasi anakonyen a ŋituŋa, nai eyeni Akuj ŋuna alotai kus. Anerae ibore ŋini itopoloorito ŋituŋa, erae asiilyo aneni ka Akuj.

Ŋirom. 1:17

Anerae isileereunito Ŋakiro ŋuna Ajokak epite ŋolo ituruworya Akuj ŋituŋa ŋulu iyookino alokiŋaren keŋ: erae alotooma anupit, ameun anakisyakinet tari nasalunet, ikwapei igiritere atemar, “Iŋes ŋini iyookino a ŋuna enupitor neni ka Akuj, eyari.”

Ŋirom. 10:2

Apedori ayoŋ aruwor esuuda kec atemar erae ikes ŋulu elelakinito anupit Akuj. Nai ibatara alelakinit kec.

Ŋirom. 10:20

Nyekuryana Isaya elimunit atemar, “Apotu ŋulu pa ekewarito ayoŋ okoryamut, abu ayoŋ otakanu neni a ŋulu pa ekeŋitasi ayoŋ.”

Ŋirom. 11:7

Aŋakiro a ŋun, meere Ŋisirael daadaŋ apotu toryamut ibore ŋini ewarito, nai ŋidikudyo bon ŋulu abu Akuj toseu apotu toryamut; apotu ŋuluce kitogogoŋo ŋakyes towuout akiirar ŋakiro ŋuna ka Akuj.

Ŋirom. 3:22

Akiyookino na, ŋina ka Akuj, ebunit alotooma anupit Yesu Kristo, neni a daadaŋ a ŋulu enupito. Emam atyeketait,

Ŋirom. 3:26

Nai tokona, emitakinit Akuj ŋasecisya a ŋituŋa. Alopite a lo, itoodiunit iŋes atemar iyookino iŋes alope, nabo elimori Akuj atemar iyookino ŋituŋa daadaŋ alokiŋaren keŋ ŋulu enupito Yesu.

Ŋirom. 5:19

Anerae ikwaŋina aponere kituruworere ŋituŋa ŋulu alalak ŋikasecak aŋuna aŋeryo ipeituŋanan akiwuap ŋakiro ŋuna ka Akuj, ikwaŋinapei, ituruworyo ŋikalalak ŋulu iyookino alokiŋaren Akuj, aŋuna ewuapya ipeituŋanan ŋakiro ŋuna ka Akuj.

2 Ŋikor. 5:21

Amam asecit aneni a Kristo, nai abu Akuj kituruwo iŋes asecit aŋuna yok, ikotere nai iwon alotooma keŋ oruworos ŋulu ikiyookino aneni ka Akuj.

Ŋikis. 6:25

Ani kiwuapi isua ŋakiciketa daadaŋ alokiŋaren Ekapolon Akuj kosi, lopite ŋolo ikicikia iŋes isua akitiya, ikiruwor isua ŋulu ikiyookino anakiro ikitiyae.”

Ŋipil. 3:9

ka emorikinos jik ka iŋes. Nyeryamuna ayoŋ akiyookino alokiŋaren Akuj aŋuna kaŋ ke elope, kori aŋuna ka akiwuapit Ŋikisila. Nai aryamu tokona ayoŋ akiyookino ŋin aŋuna ka anupit Kristo--akiyookino ŋina ebunit aneni ka Akuj, ŋina itorunit nanupit.

2 Pet. 1:1

Ayoŋ, Simoni Petero ŋolo arae eketiyan ka ekiyakia a Yesu Kristo, egirit abaruwa na. Egirakinit neni a ŋulu itopoloorito anupit ŋinapei ikoni ŋina ikiyakar isua alotooma akiyookino ŋina ka Akuj yok ka Ekaiunan Yesu Kristo.