Ŋirom. 10:2 - Ebaibul

² Apedori ayoŋ aruwor esuuda kec atemar erae ikes ŋulu elelakinito anupit Akuj. Nai ibatara alelakinit kec.

Ŋirom. 10:2 Iomraidhean Croise

2 Ŋirw. 10:16

Tema iŋes, “Bua orukosi eketoodik alelakinit kaŋ Ekapolon.” Aŋun, apotu ikes todoka agaari toloto.

Ŋikiru. 14:4

Emam mono ŋakiro eyenete ŋituŋa daadaŋ ŋulu itiyaete aronis, ŋulu erikasi ŋituŋa kaŋ lopite ŋolo irikaryata ŋamugati, ido nyemisito akilip neni a Ekapolon a?

Ŋakit. 19:2

Nyejok akiitanit ibore tomam bo aosou iyakar, ituŋanan ŋini iburiburi akitiya ŋinibore, eryamuni ŋican.

Isa. 27:1

Akoloŋit ŋin isitiyae Ekapolon ananyunyura ekileŋ keŋ ŋolo apolon ka ŋolo agogoŋon akisicania etyaŋ ŋolo enyaritae Lepiasan, emun ŋolo ekeri edokinit, Lepiasan emun ŋolo ilugulugo, ido eari Ekapolon etyaŋ ŋolo adedeŋan ŋolo iboi ananam.

Yoa. 16:2

Ikiritarete ikes iyes alosinagogae; kire ebuni apaki ŋina ikiaryata ŋituŋa iyes ebasi kori ikitiyae ŋuna ecamit Akuj.

Ŋitic. 21:20

Ani kiirasi ikes erwor a Paulo, kipuro ikes Akuj. Temasi nai ikes daadaŋ neni a Paulo, “Lokaato, kiŋolik iyoŋ epite ŋolo alo Yerusalem a ne: eyakasi Ŋiyudayan ŋulu edolito ŋalipyo, ŋulu aruworosi ŋikanupak a Yesu. Tari kikote neni, iricakinito ikes daadaŋ Ŋikisila a Moses.

Ŋitic. 21:28

Tocelut ikes temasi, “Ŋituŋa a Isirael, kiŋarakinae! Elo ekile ŋolo irimit akwap daadaŋ akitatam ŋituŋa daadaŋ akitoroniyar ŋituŋa a Isirael, Ŋikisila a Moses ka Akai ka Akuj na. Nabo tokona ayau iŋes tari ŋituŋa ŋulu nyerae Ŋiyudayan tooma Akai ka Akuj, ido etooŋoryan ne, neni imyekinitae aŋuna ka Akuj!”

Ŋitic. 22:22

Topupokis ŋituŋa Paulo tari neni alimunio nu; togeut nai acela nooi temasi, “Tolemasi iŋes! Toara iŋes! Nyitemokino iŋes toyar!”

Ŋitic. 22:3

“Arae ayoŋ Eyudayat ŋolo ekedounitoe alo Taso anakwap a ŋina a Cilicia, nai eketopolounitoe a ne alo Yerusalem, arae ekasyoman ŋolo a Gamaliel. Abu iŋes eketatam ayoŋ ejok epite ŋolo itemokino ewuapitor Ŋikisila ŋulu atapapaa yok ka abu ayoŋ olelaki Akuj nooi ikwapei tokona ilelakinitotor iyes daadaŋ a ne.

Ŋirom. 10:1

Ŋikaitotoi kaŋ! Agasi ayoŋ alotau kaŋ a daadaŋ atemar toiun ŋituŋa kaŋ! Elipit ayoŋ Akuj aŋuna kec!

Ŋirom. 10:3

Nyeyenete ikes epite ŋolo ituruwonorya Akuj ŋituŋa ŋulu iyookino alokiŋaren keŋ ka ekatakis ikes akisyakin erot kec a ŋilopeyek; aŋun, apotu ikes nyecamut erot ŋolo ka Akuj ŋolo ituruwori ŋituŋa ŋulu iyookino alokiŋaren keŋ.

2 Ŋikor. 4:4

Adau ekepukan ŋolo ka akwap a na akitumudukan ŋatameta a ŋulu nyenupito, ikotere nyiŋolikiniata akica ŋina a Ŋakiro a ŋuna Ajokak, ŋuna ka apolou a Kristo, a ŋolo ikwaan ka Akuj per.

2 Ŋikor. 4:6

Arae Akuj abu tema, “Tocau akica anakiryonut”, Akuj ŋinapei ŋin etacau akica keŋ alotai yok, ainakinia iwon akica ŋina ka ayenut ka apolou ŋina ka Akuj ŋina etacaun aloreet a Kristo.

2 Ŋikor. 8:3

Akalimokini ayoŋ iyes kire atemar apotu ikes inanakis alotyae a ŋolo apedoritotor ikes ka kitedepakis daŋ etyae ŋolo apedoritotor ikes ainanakinia. Anacamit kec a ŋilopeyek, apotu ikes ikidyeka ka ikimaimaa isua ainakin ikes daŋ arereŋu ŋina ruworet ŋipei ka ŋulu iŋarakinete ŋituŋa ŋulu ka Akuj alo Yudaya.

Ŋigal. 1:14

Eloit paaran ayoŋ Ŋiyudayan ŋulu alalak ŋulu arae ŋikesa kaŋ alotooma akitiya ŋuna ke edin a Ŋiyudayan, ka ewuapit ayoŋ ka alelakinit ŋitalyo ŋulu atapapaa kosi.

Ŋigal. 4:15

Ilakara iyes apaki ŋin nooi! Nyo bo tokona atakanu? Alimuni ayoŋ kire atemar kerae topedorito, kigorunito iyes tari ŋakonyen kus a ŋilopeyek apaki ŋin, ikiinakis ayoŋ.

Ŋipil. 1:9

Elipi ayoŋ Akuj kiturubak amina kus iyata jik, kaapei ka ayenut ka aosou ŋina ipedoryata atyakatyak ŋuna ajokak ka ŋuna aronok, ido

Ŋipil. 3:6

ka ayai ayoŋ ekibure ŋolo ka akisican ŋikanupak a Kristo. Alotooma ŋuna ikamunito akiyookino anakiwuapit Ŋikisila a Ŋiyudayan, amam ayoŋ asecit.

Ŋikol. 4:13

Apedorit ayoŋ elope alimokin iyes epite ŋolo abunio iŋes kitiyaa ka agogoŋu aŋuna kus ka aŋuna a ŋituŋa a ŋulu eyakasi Laodikeya ka Ierapolis.