Ŋirom. 10:18 - Ebaibul

¹⁸ Nai eŋita ayoŋ nu: erae mono kire atemar nyiirara ikes ŋakiro a? Kire apotu ikes kiirasi--ikwapei ebaakatar Ŋakigireta ebe, “Apotu ŋakiro ŋuna erworosi ŋikiyakia kielakin akwap daadaŋ; apotu ŋakiro kec tonaŋa nakisaleta ŋuna ka akwap.”

Ŋirom. 10:18 Iomraidhean Croise

1 Ŋirw. 18:10

Ikwaŋinapei eyarya Ekapolon Akuj kon, mam akwap, kori apukan ŋina nyiyakiyara Ekapolon kaŋ ituŋanan, ido akiwarun iyoŋ. Ani ketemasi ŋituŋa ka akwap ka adio, kori apukan ka adio ebe, ‘Emam iŋes a ne,’ etemari ŋini ikiwuarit iyoŋ lotuŋa ŋulu ka akwap a ŋin, kori ŋulu a apukan a ŋin kikoŋo ebe, ‘Nyiŋolikina isua iŋes.’

Ŋikiru. 19:4

Nai ielakina ŋuna isileereunito ikes akwap daadaŋ, edolito ŋakiro kec nakisaleta ŋuna ka akwap. Adau Akuj akiwuakin neni iboiyo akoloŋ alokidiama.

Ŋikiru. 22:27

Etamunete ŋituŋa daadaŋ Ekapolon toboŋut neni keŋ; eryedikete alokiŋaren Ekapolon, ŋituŋa a ŋikabilae a daadaŋ;

Ŋikiru. 98:3

Abu Akuj nyilocok akiikinet keŋ neni a Ŋisirael, alotooma amina keŋ ŋina nyiryaŋiryaŋa ka akikinyoma keŋ. Aanyuwasi ŋituŋa daadaŋ anakwapin akiloun ŋina ka Akuj yok.

Isa. 24:16

Epupyo ŋieosyo ŋulu ipurere Ekapolon anakisaleta a akwap, ŋieosyo ŋulu ipurore Ekapolon ŋolo iyookino. Nai abala ayoŋ, eridak ayoŋ, eridak ayoŋ. Okoe erae nu ŋuna kaŋ! Anerae itiyaete ŋulu nyikinyomitae pa ikinyoma anamamukau akikinyoma, ikiluwonokinete.

Isa. 49:6

ebe, “Epataka mono ŋakiro ŋuna iraakar iyoŋ eketiyan kaŋ a? anerae ilosi iyoŋ akinyakun ŋikabilae a Yakob neni kaŋ ka ayaun neni kaŋ Ŋisirael ŋulu erae ŋipiya; eketuruwori ayoŋ iyoŋ akica ŋina a ŋulu nyerae Ŋiyudayan, ikotere itodoli iyoŋ aiuno ŋina ebunit aneni kaŋ nakisaleta a akwap.”

Isa. 52:10

Etoodik Ekapolon apedor keŋ, neni a ŋituŋa a ŋakwapin a daadaŋ; iŋolikinete ŋituŋa a ŋakwapin a daadaŋ aiuno ŋina ka Akuj yok.

Yer. 16:19

Okoe Ekapolon, agogoŋu kaŋ ka aduketait kaŋ ŋina ajio alotooma, neni aŋopya ayoŋ akoloŋit ŋina a ŋican. Epote neni kon ŋituŋa a ŋakwapin anakisaleta a akwap. Elimunete ebe, “Mam ibore aryamut atapapaa kosi, nai amodiyo bon, aryamut ikes ŋiboro ŋulucaryo ŋulu emam akiŋarakinet iryamunia.

Mat. 24:14

Itatamio Ŋakiro ŋuna Ajokak ŋuna ka Apukan ka Akuj nakwapin daadaŋ, toyenut ŋituŋa daadaŋ, ani irikakin todolu asalunet.

Mat. 26:13

Akalimokini ayoŋ iyes kire atemar, neni daadaŋ anakwap itatamere Ŋakiro ŋuna Ajokak nu, elimoryo tari ŋuna etiya aberu na, aŋuna ka atamunitor iŋes.”

Mat. 28:19

Aŋun, toloto kituruwosi ŋituŋa a ŋakwapin a daadaŋ ŋikasyomak kaŋ, kibatisata ikes alokiro a Papa ka a ŋolo a Lokoku ka a ŋolo ke Etau a ŋolo Asegan.

Mat. 4:8

Ya nabo Satan Yesu lomoru ŋoloti aoyan, kitoodik iŋes ŋibukui daadaŋ ŋulu ka akwap ka ekecebari daadaŋ,

Mar. 16:15

Tolimok Yesu ikes tema, “Apesi nakwapin daadaŋ, kitatama ŋituŋa daadaŋ Ŋakiro ŋuna Ajokak ŋuna ka Akuj.

Mar. 16:20

Toloto ŋikasyomak alimonokin Ŋakiro ŋuna Ajokak lobukui daadaŋ, kitiyata ikes ka Ekapolon kaapei, kitoodiun daŋ akitatam kec erae ŋina iyookino aŋuna a ŋakujuwuanisya a ŋuna etiyaete ikes.]

Ŋitic. 1:8

Nai iryamunete iyes apedor apaki ŋina ebunio Etau ŋolo Asegan neni kus; iruworosi iyes ŋisuudae kaŋ alo Yerusalem, alo Yudaya daadaŋ ka Samaria tari neni isalya akwap.”

Ŋitic. 26:20

Nai abu esileereu nu, neni a ŋituŋa a daadaŋ akisyakin mono alo Damasko, tosodi nai alo Yerusalem ka akwap daadaŋ ŋina a Yudeya tari lobukui ŋulu nyerae Ŋiyudayan. Abu olimonok atemar itemokino ikes tokiwa ŋakecesecisya kibelekinos neni ka Akuj, kitiyata ŋuna itoodiunete atemar kekiwa ikes.

Ŋitic. 28:23

Aŋun, totubut ikes akoloŋit ŋina iryamunotor ka Paulo. Akoloŋit ŋin, potu ikes elalak neni eboiyo Paulo. Ŋinapei taparacu akitodol eboŋ, kiteyenik ka kisileerek daŋ iŋes ikes ŋakiro ŋuna ka Apukan ka Akuj. Alorwor keŋ ŋakiro ŋuna a Ŋikisila a Moses ka ŋakigireta ŋuna a ŋikadwarak, abu kikatak akitacamun ikes ŋakiro ŋuna a Yesu.

Ŋirom. 1:8

Ŋuna iŋarenete, alakara ayoŋ neni ka Akuj kaŋ alotooma Yesu Kristo, aŋuna kus a daadaŋ, anerae irworosi ŋituŋa a ŋakwapin a daadaŋ ŋuna ka anupit kus.

Ŋirom. 15:19

alotooma ŋakitoodikineta ka ŋakujuwuanisya ŋuna apolok ka anapedor a ŋina ke Etau a ŋolo Asegan. Aŋun, abu ayoŋ erim nooi, ameun alo Yerusalem tari neni enyaritae Illirikom ka adau a nen akiserakin Ŋakiro ŋuna Ajokak ŋuna a Kristo.

Ŋikol. 1:23

Itemokino nai iyes torubakis icasito ananupit kus, nyiryaŋiryaŋanakin anakigeno a ŋina a Ŋakiro a ŋuna Ajokak a ŋuna ipotu iyes kiirasi, ŋuna adaun alimonokin lotuŋa daadaŋ anakwapin--ŋakiro ŋun araakar ayoŋ Paulo ekalimonokinan.

Ŋikol. 1:6

Erubakinito Ŋakiro ŋuna Ajokak erayete ka epoloete ka ealakin nakwapin daadaŋ, lopite ŋolo etiyakinotor neni kus ameun akoloŋit ŋina iiraryata iyes ekiŋaren ŋuna ka ajokis a ŋina ka Akuj ka ipotu iyes toanyut epite ŋolo eyakatar ikes kire.

1 Ŋites. 1:8

Anerae meere bon ŋakiro ŋuna ke Ekapolon ŋuna alimonokin iyes eelakin Makedonia ka Akaia, nai tari anupit kus Ekapolon, eelakin akwap daadaŋ. Aŋun, emam ŋace ŋuna itemokino isua olimutu.