Ŋirom. 10:16 - Ebaibul

¹⁶ Nai meere daadaŋ acamut Ŋakiro ŋuna Ajokak. Aŋun, abala ekadwaran Isaya ebe, “Ekapolon, ŋae enupi ŋakiro kosi?”

Ŋirom. 10:16 Iomraidhean Croise

Isa. 50:10

Ŋae alokidiŋ kus itopoloorit Ekapolon ka ŋini iwuapit ŋakiro a eketiyan keŋ? Ŋae elosi anakiryonut ka ŋini emamukar akica? Emaikina ŋin kikinyom ekiro ŋolo a Ekapolon ka toyarikinite neni ka Akuj keŋ?

Isa. 53:1

Ŋae anup ŋakiro ŋuna aponi isua kiirarae? Neni a ŋae aponi kitoodikinae apedor a Ekapolon?

Mat. 13:14

Eyookinosi aneni kec ŋuna adwarit Isaya ebala, ‘Iirarete kire, nai ŋyeyenunete. Iŋolikinete kire, nai nyianyuwarete.

Yoa. 10:26

Nai nyinupito iyes, anerae meere iyes ŋamesekin kaŋ.

Ŋitic. 28:24

Tocamut ŋice ŋakiro ŋuna erworo iŋes, towout ŋice akinup.

Ŋirom. 1:5

Akainaki Akuj ayoŋ arereŋu aneni a Yesu Kristo; arereŋu ŋina ruworet ekiyakia, ikotere etunupya ka esiwuapya ŋituŋa a ŋakwapin a daadaŋ ŋakiro keŋ, ido kitopolooroe ekiro a Kristo.

Ŋirom. 11:17

Adaun abilanar ŋaten ŋace ŋuna ke ekitoe a ŋolo ka akimyet a ŋolo edupitae ka adaun akiderakin neni keŋ ateni ŋina ke ekitoe a ŋolo ka ariet, a ŋolopei erae ŋolo ka akimyet. Ikote iyes ŋulu nyiraakasi Ŋiyudayan ateni ŋina ke ekitoe a ŋolo ka ariet ka imorete tokona agogoŋu ka akiyar ŋina ileleba ŋina ke ekitoe a ŋolo edupitae, ŋolo erae Ŋiyudayan.

Ŋirom. 16:26

Nai tokona esileereun ŋakiro ŋun a Nakigireta a ŋikadwarak ka eteyenikin lotuŋa a ŋibukui a daadaŋ lopite ŋolo icikakinitor Akuj ŋina nyesaluni; ikotere tonupa ka kiwuapa daadaŋ ŋakiro ŋuna ka Akuj.

Ŋirom. 2:8

Nai ebuni anyunyura ka aŋoit ŋina ka Akuj neni a ŋulu iwarito ŋuna kec a ŋilopeyek make, toŋerito daŋ ŋuna iyookino, ido kiwuapito ŋuna aronok.

Ŋirom. 3:3

Nai nyiwuapa ŋituŋa ŋice ŋakiro ŋuna ka Akuj. Iŋes mono atemar nyerubakini Akuj daŋ iricit ŋakiikineta keŋ a?

Ŋirom. 6:17

Nai olakaros neni ka Akuj! Anerae apaki ace, ipotu iyes toruworos ŋipi ŋulu ka asecit; nai ekaku ipotu kiwuapa a ŋitai kus a daadaŋ ŋuna a kire, ŋuna eya nakitatam ŋina ipotu iyes toryamut.

Ŋigal. 3:1

Iyes Ŋigalatiyae, ŋibaŋaanotin! Ŋae ikirogat iyes? Arae kiŋaren kus a ŋilopeyek aponere kisileereunere ŋakiro ŋuna ka atwanare a Yesu Kristo alomusalaba!

Ŋigal. 5:7

Ilosete paaran iyes ananupit kus ejok! Ŋae ikiretak iyes anakiwuapit ŋakiro ŋuna a kire?

2 Ŋites. 1:8

Ebuni iŋes anasarae a ŋina ka akim akisican ŋituŋa ŋulu eŋerito Akuj ka ŋulu eŋerito Ŋakiro ŋuna Ajokak ŋuna ke Ekapolon yok Yesu.

Ŋibur. 11:8

Anupit iŋes ewuapakinia Aburaam ŋakiro ŋuna ka Akuj apaki ŋina anyaraa Akuj iŋes alosit nakwap ŋina eikinit Akuj ainakin iŋes. Toesik iŋes akwap keŋ, pa eyeni neni alosi.

Ŋibur. 4:2

Anerae ikiira ŋakiro ŋuna ajokak ŋuna ka akieŋun a ŋin lopite ŋolo eiraryata atapapaa yok analoŋisat. Nai ŋina eiraryata ikes ŋakiro ŋun, emam ibore ŋini ajokan ŋini apotu ikes toryamut, anerae apotu towout akinup ŋakiro ŋun.

Ŋibur. 5:9

Ani kituruwor iŋes ŋolo iyookino kire, abu toruwor ŋolo eyauni aiuno ŋina nyedaun neni a ŋulu daadaŋ ekerito iŋes;

1 Pet. 1:22

Anerae iwuapito tokona iyes ŋakiro ŋuna a kire, itesegunosi iyes make, ido iminakis iyes kire ŋikanupak ŋuluce; ikwaŋinapei, tominanaros make nooi.

1 Pet. 2:8

ka daŋ “Amoru ŋin iŋes eguwanakini ŋituŋa, ataaba ŋina ibusonokini ikes.” Abu kiguki ikes, anerae awounete akinup akirot ŋina ka Akuj; arae ŋun ŋuna acamit Akuj kitiyakin neni kec.

1 Pet. 3:1

Ikwaŋinapei, iyes daŋ ŋaberu, itemokino topupete ŋikilyok kus, ikotere ani keyai ŋolo nyenupit ŋakiro ŋuna ka Akuj, kitunupa ŋipitesyo kus, tari pa kilimut iyes akirot apei daŋ,