Ŋirom. 10:14 - Ebaibul

¹⁴ Nai ikokinete ikes ilipete neni keŋ ai, erae keriŋa nyenupa? Ikokinete ikes enupete ai, erae keriŋa nyiirara ŋakiro ŋuna ka Akuj? Nabo ikokinete ikes iirarete ai, erae pa kiserae ŋakiro ŋuna ka Akuj?

Ŋirom. 10:14 Iomraidhean Croise

Yona 1:16

Kitopoloosi ŋikilyok ŋul Ekapolon akilo, inakis iŋes amuronot, ido kikoŋo daŋ neni keŋ.

Yona 1:5

Tobul ŋikametok ameeli, kiworou ŋolokile neni ka akuj keŋ. Kimasasi ikes ŋiboro anameeli nanam ikotere towowoku ameeli. Nai keberakin sek Yona alomar neni esibit akai anameeli neni ajotoo iŋes nooi.

Mat. 20:7

Toboŋokis ikes iŋes temasi, ‘Emam ro ituŋanan ikinyaraiya isua lotic.’ Tolimok iŋes ikes tema, ‘Toloto iyes daŋ etic lomanikor kaŋ ŋolo ke epiini.’

Yoa. 20:31

Nai igiritae nu, ikotere tonupyata iyes atemar erae Yesu iŋes erae Kristo, Lokoku ka Akuj, ka alotooma anupit kus iŋes, toryamut akiyar alokiro keŋ.

Yoa. 9:36

Toboŋok iŋes tema, “Ekapolon, ŋae mono iŋes, ikotere onup iŋes?”

Ŋitic. 19:2

kiŋit ikes tema, “Ipotu iyes toryamut Etau ŋolo Asegan apaki ŋina inupyata iyes a?” Toboŋokis ikes temasi, “Nyiirara isua tari atemar eyai icebore ŋini enyaritae Etau ŋolo Asegan.”

Ŋitic. 8:31

Toboŋok iŋes tema, “Ekokini ayoŋ ayenuni ai, erae pa kakalimoki ayoŋ ituŋanan idio?” Tonyaraiya nai iŋes Pilipo adokar nagaari, kiboikin ka iŋes.

Ŋirom. 1:5

Akainaki Akuj ayoŋ arereŋu aneni a Yesu Kristo; arereŋu ŋina ruworet ekiyakia, ikotere etunupya ka esiwuapya ŋituŋa a ŋakwapin a daadaŋ ŋakiro keŋ, ido kitopolooroe ekiro a Kristo.

Ŋiep. 2:17

Abu nai Kristo bu alimonokin ŋakiro ŋuna ke ekisil neni a ŋituŋa a daadaŋ--neni kus a ŋulu nyirae Ŋiyudayan, a ŋulu sek ilwaka nooi aneni ka Akuj ka neni a Ŋiyudayan a ŋulu sek aapiyete aneni ka Akuj.

Ŋiep. 4:21

Ipotu iyes kire kiirasi ŋakiro keŋ ikwapei ŋikewuapak keŋ, aponi ikitatami iyes ŋakiro ŋuna a kire ŋuna ka akimorikina ka Yesu.

Ŋikis. 30:13

Nyeyakasi tari lowae ye anam, ido itemasi iyes, ‘Ŋae elosi lowae ye anam aŋuna kosi ikiiun isua ŋakiciketa ŋun ikotere isua eirasi, ido ericakisi ikes?’

2 Tim. 4:17

Nai abu Ekapolon okowoik ayoŋ, okoinak agogoŋu, ido abu opedo alimonokin Ŋakiro ŋuna Ajokak daadaŋ, ikotere ŋituŋa daadaŋ ŋulu nyerae Ŋiyudayan iirarete ka aponi okoiun anatubokino atwanare.

Tito 1:3

ka anapaki a ŋina eyookino, abu kisileereu akiikinet ŋin anakirot keŋ. Abu Akuj, ŋina erae Akaiunan yok, ekecikak ayoŋ alimonokin ŋakiro ŋun neni a daadaŋ.

Ŋibur. 11:6

Emam ituŋanan italakari Akuj mati eyakar anupit; anerae ŋini ebuni neni ka Akuj, itemokino tonupite atemar eyai Akuj, nabo einanakini Akuj eropit neni a ŋulu enupito iŋes.

Yak. 5:15

Akilip ŋin ŋina ka anupit, itaŋaleuni ituŋanan ŋini edyak; itojokuni Ekapolon iŋes ka isyoniyo ŋasecisya ŋuna itiyat iŋes.