Ŋirom. 10:1 - Ebaibul

¹ Ŋikaitotoi kaŋ! Agasi ayoŋ alotau kaŋ a daadaŋ atemar toiun ŋituŋa kaŋ! Elipit ayoŋ Akuj aŋuna kec!

Ŋirom. 10:1 Iomraidhean Croise

Awos. 32:10

Kimyekinae ayoŋ, ikotere etonomo ka omunya ikes a aŋoit a ŋina eyai lotau kaŋ. Nai eketuruwori ayoŋ iyoŋ ka ŋiletok kon ŋituŋa ŋulu alalak nooi.”

Awos. 32:13

Totamu ŋituŋa kon ke elope lu: Aburaam, Isaka ka Isirael, ŋulu arae ŋiketiyak kon. Totamu ŋuna ibu iyoŋ elope kikoŋ neni kec ibala, ‘Etipituni ayoŋ ŋiletok kus tolalata ikwa ŋikacer ŋulu alokidiama, ido ainakini ayoŋ ŋiletok kus akwap na daadaŋ ŋina adau ayoŋ akiikin iyes; eruwor ŋina kec ŋikaru ka ŋikaru.’ ”

Yer. 17:16

Nai nyimyekina ayoŋ araakau ekeyokon alotic kon, kori nyiitana ayoŋ aneni kon ainakin ayoŋ apaki ŋina ka akisicanio. Iyeni iyoŋ ŋakiro ŋuna abu ayoŋ olimu, eleereete ŋakiro kaŋ alokiŋaren kon.

Yer. 18:20

Erae mono aronis eropit a ajokis a? Nai acamunosi ikes akikamun ayoŋ. Totamunite epite ŋolo awuar ayoŋ alokiŋaren kon, akirwor ŋuna ajokak aŋuna kec, ikotere iyoŋ ijoŋoe anyunyurikina ikes.

Luk. 13:34

“Okoe ŋituŋa a Yerusalem ŋulu iarete ŋikadwarak, nabo tocaka a ŋamoru ŋulu iyakuunitae neni kus! Ŋarwa ŋayai acamitor ayoŋ acunakin ŋidwe kon, ikwaŋina ecunia akokoroit ŋimiyoi nabebenuk keŋ, nai nyikicamakis iyes ayoŋ.

Yoa. 5:34

Nyeitanit ayoŋ ŋisuudae alotuŋa, nai alimunit ayoŋ ŋun, ikotere iiunotor iyes.

Ŋirom. 10:2

Apedori ayoŋ aruwor esuuda kec atemar erae ikes ŋulu elelakinito anupit Akuj. Nai ibatara alelakinit kec.

Ŋirom. 9:33

Amoru ŋin iŋes ŋina irworo Akuj alotooma Ŋakigireta ebe, “Kiŋolikisi, ewuakini ayoŋ neni a Sion amoru ŋina iguwanakini ŋituŋa, ataaba ŋina ibusonokini ikes. Nai ituŋanan ŋini enupi neni ka Akuj, nyirumete ŋileec jik.”

1 Sam. 12:23

Ani eruwor ayoŋ, nyikiryama ca ka akisec neni ke Ekapolon anajoŋore akilip aŋuna kus, ido eketatami ayoŋ iyes ŋipitesyo ŋulu ejokak ka ŋulu iyookino.

1 Sam. 15:11

“Akakadakis ayoŋ ŋakiro ŋuna abunio eturuworya Saul erwosit, anerae akaŋer iŋes ayoŋ ka nyiwuapa iŋes ŋuna ecikit ayoŋ iŋes.” Toŋo Samuel nooi, kigwor neni ke Ekapolon akuwar kia.

1 Sam. 15:35

Ameun akoloŋit ŋin, nyiŋolikina nabo Samuel Saul, mati akoloŋit ŋina atwania Samuel, nai abu Samuel kigwor aŋuna a Saul. Abu Ekapolon toanyu atemar arae adyakaret keŋ akituruwor Saul erwosit a Isirael.