Ŋirom. 1:30 - Ebaibul

³⁰ Itoroniarito ŋuluce alorworisya kec make, eŋerito Akuj, itoŋoyeneneete ŋuluce, isupaka, ituroko, etamete ŋarwa ŋuna alalak akitiya aronis, nyekerito ikes ŋikecekauruunak.

Ŋirom. 1:30 Iomraidhean Croise

1 Ŋirw. 20:11

Toboŋok erwosit a Isirael iŋes tema, “Tolimokisi iŋes ebe, ‘Emaikina ituŋanan kiturokin kedau akibwaŋ ŋimoe.’ ”

2 Ŋakiro a ŋirwa 19:2

abu eketeyenikinan ŋolo anyaritae Yeu lokoku ka Anani tolot akisiryam iŋes, kiŋit Yeu erwosit tema, “Emaikina mono iyoŋ kiŋarak ŋulu aronok ka toriwo ka ŋulu nyecamito Ekapolon a? Aŋuna itiyaa iyoŋ ŋakiro ŋun, eyakaun neni kon anyunyura ŋina ke Ekapolon.

2 Ŋakiro a ŋirwa 25:19

Itami iyoŋ alotau kon ebe, ‘Kiŋolikinae ayoŋ, adau ayoŋ akiloun ŋituŋa a Edom,’ ido iturokin. Kiboikin lore kon! Kaanukiro iwaritor iyoŋ egurigur ŋolo ikicakari iyoŋ kaapei ka ŋituŋa kon alo Yudaya?”

Ŋikiru. 10:3

anerae iturosi ŋulu aronok aŋuna a ŋakiro a ŋuna iitanito ŋitai kec, ilamasi ŋirorokanotin ka ejamuwarito Ekapolon.

Ŋikiru. 106:39

Aŋun, apotu ikes toruworos ŋulu emam ajokis alotooma ŋuna etiyaete, apotu ikes toŋero Akuj aloticisyo kec kilipa neni a ŋakujo.

Ŋikiru. 49:6

ŋulu ikinyomito ebari kec, ido kituros aŋuna ka alalau ke ebari kec?

Ŋikiru. 5:5

Nyepedorete ŋiketurok akiwo alokiŋaren kon; iremokino iyoŋ daadaŋ ŋulu itiyaete aronis.

Ŋikiru. 52:1

Kaanukiro ituror iyoŋ aŋuna ka aronis, iyoŋ ekile lo ŋolo igogoŋ akilo? Erae Akuj ŋina esyonion ŋikaru ka ŋikaru.

Ŋikiru. 81:15

Eryamunio atemar erae ŋulu eremokino Ekapolon ŋikalyokonok, erubakini akisicanio kec ŋikaru ka ŋikaru.

Ŋikiru. 94:4

Irworosi ikes ŋakiro ŋuna ka akituro; iturosi ŋulu itiyaete aronis daadaŋ.

Ŋikiru. 97:7

Isurumitae daadaŋ ŋileec ŋulu ilipete neni a ŋakujo, ikes ŋulu iturosi aŋuna a ŋakujo aŋunacaryo a ŋun; iyes ŋakujo daadaŋ toryediko, kilipa neni ka Akuj!

Ŋikiru. 99:8

Okoe Ekapolon Akuj kosi, ibu iyoŋ toboŋok ikes; ibu iyoŋ toruwor Akuj ŋina esyonon aneni a Ŋisirael, nai ibu iyoŋ kisican ikes aŋuna a ŋadyakanareta kec.

Ŋakit. 24:8

Ituŋanan daadaŋ ŋini eye akitiya aronis, enyarao iŋes ŋini eye ayaun ŋican.

Ŋakit. 25:23

Eaununui ekuwuam ŋolo ekutuni alo Kuju akiru, nai eaununui aŋajep ŋina irworor ŋuluce anyorididi.

Ŋakit. 30:17

Ituŋanan ŋini ite papa keŋ ejamuwarit, ido tojamuwarite akiwuap ŋakiro a toto keŋ, editarete ŋikurukwa ŋakonyen keŋ anakadipaalat, enyamete ŋataruk akuwan keŋ.

Ŋakit. 8:36

Nai ŋulu nyakaryamunete ayoŋ, ewanawanasi make, ŋulu daadaŋ akaremokino ayoŋ, itojokito atwanare.”

Ekal. 7:29

Ŋuna bon abu ayoŋ oryamu ikes nu: Abu Akuj tosub ŋituŋa erae ŋulu iyookino, nai emyekis ŋituŋa akiyookino, aloto ayere akitiya ŋuna ka alakara ŋuna ecamito ikes akitiya.”

Esek. 14:5

Etiyae ayoŋ ŋun, ikotere enyakuni ŋitai a ŋituŋa kaŋ a Ŋisirael neni kaŋ, ŋituŋa kaŋ ŋulu akaesikis ayoŋ daadaŋ, ŋulu alot neni a ŋakujo.’

Esek. 22:7

Alotooma kon Yerusalem nyeriŋa ŋituŋa ekerito atapapa kec, kori atatoto kec; alotooma kon Yerusalem, iteryamunito iyes ŋigelaanotin ŋican ka isicanito iyes ŋikokyok ta ŋapuseru.

Ekim. 10:35

Apaki daadaŋ ŋina erotokinioto ŋulu adakito Asaduku ŋina ka Acamunet atemanari Moses, “Tonyou Ekapolon, elipi kielarae ŋimoe kon, elipi tobwaŋas ŋimoe kon alokiŋaren kon.”

Mat. 15:4

Anerae ikicikakinit Akuj atemar, ‘Tokerite papa kon ka toto kon ka ituŋanan ŋini iceni papa keŋ kori toto keŋ, itemokino totwan jik.’

Mat. 16:21

Ameun apaki ŋinapei ŋin, togeu Yesu akisileerekin ŋikasyomak keŋ tema, “Itemokino ayoŋ olot Yerusalem ekesicani nooi alokatukok, alosacaradotin a ŋulu apolok, aloketatamak a Ŋikisila ka okaari. Nai kelunyar ŋirwa ŋiuni, ayaruni.”

Luk. 21:16

Ikilukinete iyes ŋikusikauruunak, atalokaato kus, ŋiyeneta kus ka ŋikusikonei ka epedorete tari akiar iyes ŋice.

Yoa. 7:7

Nyepedori akwap akitidiŋ iyes, nai eketidiŋit ayoŋ, anerae arubakinit alimonokini iŋes atemar eroko nooi ŋikeeticisyo.

Ŋitic. 5:36

Anerae ŋikaru ŋidi ŋulu alunyar, abu Teudas bu itusubuna idiotuŋanan, kiwuapakis iŋes ŋituŋa ŋulu aapikinit ekimar ŋamiae ŋaomwon. Nai aponi toarae iŋes kielaros ŋikewuapak keŋ, tosalut ŋuna etya neni.

Ŋirom. 2:17

Ani bo iyoŋ ŋini ibala, “Arae ayoŋ Eyudayat?” Iyarikinit iyoŋ Lokisila a Moses ka ituror ayenaanut kon ka Akuj.

Ŋirom. 2:23

Aŋun, iyes ŋulu iturosi ibasi ikiyeni Ŋikisila ŋulu ka Akuj--nyiyaunete iyes ŋileec neni ka Akuj aŋuna ibilibilyata Ŋikisila keŋ a?

Ŋirom. 3:27

Nyo nai ikisiturokini iwon? Emam ibore ipei daŋ! Ikotere nyo? Erae aŋuna ikiwuapitor iwon Ŋikisila a? Meere, nai aŋuna ikinupitor.

2 Ŋikor. 10:15

Aŋun, nyikituro isua aŋuna ke etic a ŋolo adaut ŋuluce akitiya, a ŋolo nyimarakinitae nakipimet ŋina sek ikigerokinit Akuj isua. Nai akilo, ikigeno isua atemar topolou anupit kus ka opedosi akitiya etic ŋolo apolon nooi alokidiŋ kus.

2 Ŋikor. 12:20

Akabulit ayoŋ atemar ŋina adolunio ayoŋ inaa, akaryamuni iyes igelaaka, pa ikote neni acamit ayoŋ iyes kikote ka ayoŋ daŋ pa ekoni neni icamito iyes ayoŋ ekoni. Akabulit ayoŋ atemar aryamuni aneni kus ebura, arakao, anyunyura, emwane, ŋiyany ka akirworor ŋuluce, akituro ka atyakatyaka.

Ŋikis. 27:16

“‘Ilamam ituŋanan daadaŋ ŋini nyitopoloorit papa keŋ ka toto keŋ’ Eboŋokinete ŋituŋa daadaŋ temasi, ‘Kiyookin ŋun.’

Ŋikis. 7:10

ka erae iŋes. Akuj ŋina inyaŋari ŋuna a ŋulu eŋerete iŋes anakisican ikes. Nyedidi iŋes akinyaŋar ŋakiro a ŋulu eŋerete iŋes.

2 Ŋites. 2:4

Itepegi iŋes ibore daadaŋ ŋini enyaritae akuj kori ibore daadaŋ ŋini isitiyaete ŋituŋa akitopoloonorya ŋakujo ka itopoloori iŋes bon akilo ŋakujo daadaŋ. Iboikin tari Kai ka Akuj, ido kitusubun bon Akuj.

2 Tim. 3:2

Eruworosi ŋituŋa ŋulu eseguwaka, erorokaka alosiliŋa, ituroko ka isupaka; eruworosi ŋulu itoŋoyeneneete ŋuluce, ŋulu nyekerito ŋikauruunak kec, ŋulu nyetemarete alakara ka ŋulu nyesegak alotai;

Tito 3:3

Anerae ikibaŋaaka paaran sek iwon daŋ ŋilopeyek, pa ikipupi ŋakiro ka ikimodikinitae. Ikirae ŋipi ŋulu ke ekibure ka ŋulu a ŋakiro a daadaŋ a ŋuna etalakarito ŋikasecak. Ikipotu iwon eboiyoto alopite a ŋolo aronon ka ŋolo ka arakao; ikitidiŋito iwon ŋuluce ka ikitidiŋit iwon daŋ ikes.

Yak. 3:5

Aŋajep daŋ erae ekiner ŋolo edit anakuwan, nai epedori iŋes akituro aŋuna a ŋakiro a ŋuna apolok. Totamunito atemar, akim ŋina edit epedori anomiar amoni daadaŋ etya neni etya!

Yak. 4:16

Nai tokona iturosi ka isupasi iyes; akisupa ŋin daadaŋ erae aronis.

2 Pet. 2:18

Irworosi ikes ŋakiro ŋuna apolok ŋuna ileleba abaŋao; isitiyaete ikes ekibure ŋolo ka akuwan ŋolo aronon, akisirumia ŋulu ariŋa sek ebucarosi alotuŋa a ŋulu eyarete anadyakarit.

Yud. 1:16

Erae ŋituŋa lu ŋikeŋuruŋurak, ŋikokopyanotin, iwuapito ekibure ŋolo a ŋawat kec make; iturosi ikes nooi ka isupete ŋituŋa ŋuluce, ikotere eryamuniata ibore ŋini ecamito ikes.