Ŋirom. 1:23 - Ebaibul

²³ Akilo ikes akilip neni ka Akuj a ŋina eyari jik anapolou keŋ, ilipete ikes neni a ŋitorubei a ŋulu itiyaunitae ikwaan ka ŋituŋa ŋulu etwakete, kori ŋikyeny kori ŋityaŋ kori ŋiboorei ŋulu alyatok.

Ŋirom. 1:23 Iomraidhean Croise

Ŋikiru. 106:20

Apotu ikes tojoŋoto akilip neni ka Akuj, ido apotu kilipa neni a etorube a emoŋ a ŋolo erae ca ŋinya enyami.

Isa. 40:18

Anibore nai isikwaanikineta iyes Akuj, kori anibore eyakatar ŋasima keŋ?

Isa. 40:26

Kireosi kidiama kiŋolikis neni ikoni. Ŋae asubuni ŋiboorei daadaŋ ŋulu eya kidiama? Erae Akuj ŋina iwuakinit ikes esibit ŋajoresyo ka eyeni ekimar kec, enyarit ikes daadaŋ a ŋirorwa kec; anerae egogoŋ iŋes nooi, eyakar apedor ŋina etiron, mam ibore ipei daŋ ŋini icana iŋes.

Isa. 44:13

Tosodi elemuni eketiyan ŋabaoi akipimet kipimya akitoe, ido kigerok a akalamu neni etubunio iŋes ibore ŋini ecamit iŋes akicieun, tosodi kisyak akiciere a erokon, ido kitiyau etorube ŋolo ikwaan ka ituŋanan, kibus daŋ lopite ŋolo ibusya ituŋanan, itiyauni iŋes etorube ŋol aŋuna ka asipokin neni ilipya iŋes.

Yer. 2:11

Eyai mono akwap adio ŋina elocok ŋakujo keŋ, tari pa kerae ŋakujo kec ŋuna a kire a? Nai aŋero ŋituŋa kaŋ Akuj kec aŋuna a ibore a ŋini emam ibore iryamunia.

Esek. 8:10

Abu ayoŋ oloma tooma, oŋoleŋolek; eŋolik eyakasi arwatata daadaŋ ŋitorubei ŋulu a ŋiboorei a ŋulu alyatok ka ŋulu a ŋityaŋ a ŋulu itoronitae ta ŋulu a ŋakujo a daadaŋ a ŋuna a Ŋisirael.

Ŋitic. 10:12

Aya nanaŋga ŋin ŋityaŋ daadaŋ egelegelya, ŋulu alyatok ka ŋikyeny daŋ.

Ŋitic. 17:29

Ikwaŋinapei ikiraakar iwon ŋiletok ŋulu ka Akuj, nyitemokino iwon ikitami atemar ikwaan eyakae keŋ ka etorube ŋolo eyeunitae ke egolid kori ke esilipa kori ka amoru--etorube ŋolo eyeuni ituŋanan ka aosou keŋ.

Ŋirom. 1:25

Anerae ilokonyete ikes Ŋakiro ka Akuj ŋuna a kire ka alyokonu; ilipete ka itiyanakinete ŋisubuna ŋulu ka Akuj akilo akitiyanakin Akasuban alope, ŋina itemokino kipuroe ŋikaru ka ŋikaru! Amen.

1 Ŋikor. 12:2

Iyenete iyes atemar apaki ŋina iraakatar iyes ŋituŋa ŋulu pa inupito Akuj ŋina a kire, aponi ikitooliyor iyes alorotin a ŋulu alalak nakujo ŋace ŋuna etwakito.

Ŋikis. 5:8

“Nyitiyaut aŋuna kus etorube a idiobore erae akuj kus, kerae etorube a ibore a ŋini eyai kidiama nakuj, kori a ŋini eyai kwap tooma ŋalup, kori a ŋini eyai nakipi ŋuna alokwap ŋalup.

1 Pet. 4:3

Ipotu iyes yaa apaki ŋina aoyan alorwa a ŋulu alunyar itiyaete ŋuna a ŋulu nyenupito Akuj: anasiilyanut, alokibure a ŋolo a ŋawat kus, anamera ka anaronis a ŋina ilipyata ŋakujo ŋuna itiyaunitae.

Akis. 9:20

Ŋituŋa ŋulu pa apotu ŋakisicaneta ŋun toara, apotu nyekiwa akilip neni a ŋipyan ka neni a ŋakujo a ŋuna etiyaunito ikes ŋilopeyek. Etiyaunitae ŋakujo ŋun a egolid, a esilipa, a eburonis, a ŋamoru ka a ŋakito; ŋakujo ŋuna nyepedorete aanyuwar, akiirar, kori alosit.