Ŋirom. 1:20 - Ebaibul

²⁰ Emam ituŋanan epedori akiŋolikin Akuj. Nai ŋinapei koloŋ asubunia Akuj akwap, epedorete ŋituŋa ayenun apedor keŋ ŋina nyedaun ka akujuwuanut keŋ aloboro a ŋulu esubunit iŋes. Aŋun, emam epite ŋolo erimakinere ikes.

Ŋirom. 1:20 Iomraidhean Croise

Akisy. 1:1

Anakisyakinet, abu Akuj tosub kidiama ka akwap.

Akisy. 21:33

Todupak Aburaam ekitoe ŋolo ikwaan ka ekwaakwaa Beeriseba, ido tonyara a nen ekiro ŋolo ke Ekapolon, Akuj ŋina a ŋikaru ka ŋikaru.

Yob 12:7

“Nai kiŋit ŋityaŋ ikiteyenikis iyoŋ ŋuna ka Akuj, ido ikiteyenikinete ikes iyoŋ; kiŋit ŋikyeny ikiteyenikis iyoŋ ŋuna ka Akuj, ido ikiteyenikinete ikes iyoŋ,

Ŋikiru. 104:31

Elipi torubak apolou ŋina ke Ekapolon ŋikaru ka ŋikaru, elipi tolelyan Ekapolon aŋuna a ŋiticisyo keŋ.

Ŋikiru. 104:5

Ibu iyoŋ kiwuak neni ewuar akwap, ikotere nyiryaŋiryaŋakin jik.

Ŋikiru. 119:90

Eyai akikinyoma kon jik nanyameta daadaŋ; ibu iyoŋ tosub akwap, ido eriŋa eyai jik.

Ŋikiru. 139:13

Iyoŋ ibu tosub ŋinerin ŋulu eya tooma kaŋ; ibu iyoŋ itoyeu ayoŋ anakook a toto kaŋ.

Ŋikiru. 8:3

Ani ŋina eŋolikinia ayoŋ kidiama, etic ŋolo a ŋakan kon, elap ka ŋikacer ŋulu idau iyoŋ akiwuakin nen;

Ŋikiru. 90:2

Eriŋa ŋimoru nyitiyauna, kori eriŋa ŋalup ka akwap nyetakanuna ikwapei eyakatar, irae iyoŋ Akuj ŋina a jik.

Isa. 26:4

Kikinyoma Ekapolon ŋikaru ka ŋikaru, anerae Ekapolon Akuj, iŋes erae neni iryamuniata iyes aiuno ŋina a ŋikaru ka ŋikaru,

Isa. 40:26

Kireosi kidiama kiŋolikis neni ikoni. Ŋae asubuni ŋiboorei daadaŋ ŋulu eya kidiama? Erae Akuj ŋina iwuakinit ikes esibit ŋajoresyo ka eyeni ekimar kec, enyarit ikes daadaŋ a ŋirorwa kec; anerae egogoŋ iŋes nooi, eyakar apedor ŋina etiron, mam ibore ipei daŋ ŋini icana iŋes.

Isa. 9:6

Edoun ikoku aŋuna yok, ikiinakin iwon ikoku ŋinisapat, eruwor iŋes ekepukan, enyarao iŋes, “Ekesirworiunan ŋolo ajokan nooi, Akuj ŋina etiron, Papa ŋolo a ŋikaru ka ŋikaru, Ekapolon a ekisil.”

Yer. 5:21

Okoe iyes ŋituŋa ŋulu ibaŋaaka ka ŋulu nyitamete, kiirasi ŋakiro nu, iyes ŋulu iyakatar ŋakonyen, nai nyiteete iyes, ŋulu iyakatar ŋaki, nai nyipupete.

Yer. 51:15

“Ekapolon koloŋ asubi akwap a apedor keŋ, iŋes ewuakini akwap a aosou keŋ, ka iŋes abu topetak kidiama anayenut keŋ.

Mat. 5:45

ikotere nai iruworosi iyes ŋidwe a Papa kus a ŋolo eyai nakuj. Anerae itacaununui iŋes akoloŋ neni a ŋulu aronok ka neni a ŋulu ajokak. Iyakuununui akiru neni a ŋulu itiyaete ŋuna ajokak ka neni a ŋulu itiyaete ŋuna aronok.

Mar. 10:6

Nai anakisyakinet akisub akwap, abu Akuj tosub ikes, ekile ka aberu.

Yoa. 1:18

Emam ituŋanan eanyunit Akuj; nai Lokoku ŋolo donupei ŋolo erae epei ka Papa, iŋes ikitaanyu iwon Akuj.

Yoa. 15:22

Kerae nyabunit ayoŋ, esirwor ikes, kemam ikes asecit; nai tokona emam epite ŋolo etemaryata ikes, ‘Nyikisecit.’

Ŋitic. 17:29

Ikwaŋinapei ikiraakar iwon ŋiletok ŋulu ka Akuj, nyitemokino iwon ikitami atemar ikwaan eyakae keŋ ka etorube ŋolo eyeunitae ke egolid kori ke esilipa kori ka amoru--etorube ŋolo eyeuni ituŋanan ka aosou keŋ.

Ŋitic. 22:1

“Ŋikaitotoi ka atapapa, topupokinae ayoŋ erworo aŋuna kaŋ alokiŋaren kus!”

Ŋirom. 1:19

ikwapei ileereoto aneni kec ŋuna itemokino eyenere Akuj, anerae Akuj alope abu kisileerek ikes ŋakiro ŋun.

Ŋirom. 16:26

Nai tokona esileereun ŋakiro ŋun a Nakigireta a ŋikadwarak ka eteyenikin lotuŋa a ŋibukui a daadaŋ lopite ŋolo icikakinitor Akuj ŋina nyesaluni; ikotere tonupa ka kiwuapa daadaŋ ŋakiro ŋuna ka Akuj.

Ŋirom. 2:1

Iyoŋ daŋ ŋini itubokini ŋuluce, aŋuna itiyaata ikes aronis, emam ŋakiro ipedorya aiunor bon aneni ka Akuj tari kirae iyoŋ ŋae. Anerae ŋina itubokinia iyoŋ ŋuluce, ido kitiyae iyoŋ daŋ ekatubon ŋunapei, isitakin iyoŋ bon elope.

Ŋirom. 2:15

Itoodiunito ŋipitesyo kec atemar igirir lotai kec ŋuna icikakinito Ŋikisila. Elimorito ŋatameta kec daŋ atemar erae ŋun ŋuna a kire alopite a ŋolo isitanakiniata ka eiununuyata ŋatameta kec ikes.

1 Ŋikor. 1:20

Ai mono alokiŋaren Akuj eyai ituŋanan ŋini aoson? Ai eyai ituŋanan ŋini eyeni? Ai eyai eketepegan anakwap a na? Nyeanyuwara tokona iyes epite ŋolo etabaŋaaniarya Akuj aosou ŋina ka akwap a na a?

Ŋikis. 33:27

Akuj ŋinaruba iŋes erae akaiunan kus, abu iŋes tomunya anakwap ŋajorei ŋunakoloŋ, abu kirita ŋimoe kus alokiŋaren kus, ido tema, “Tomunyasi!”

Ŋikis. 4:19

Tosodi ani ireorete iyes kidiama kiŋolikis akoloŋ, elap ka ŋikacer ka ŋiboorei daadaŋ ŋulu eyakasi kidiama, tocoito ioliyorete ikisyakis akilip neni kec ka kitiyanakis ikes, erae ŋul ŋiboorei ŋulu akoraki Akuj ŋituŋa daadaŋ ŋulu a ŋakwapin a daadaŋ.

Ŋikol. 1:15

Erae Kristo etorube ŋolo ka Akuj a ŋina nyetakani. Erae iŋes ekiyai ŋolo ka Akuj Papa, akisyakinet ŋina a ŋisubuna a daadaŋ.

Ŋikol. 2:9

Anerae eyai akujuwuanut daadaŋ ŋina ka Akuj Papa neni a Kristo alokuwane keŋ

1 Tim. 1:17

Toyai akerit ka apolou ŋina nyedaun neni ke Erwosit a ŋolo ipukae ŋikaru ka ŋikaru, ŋolo nyetwani, ŋolo erae iŋes bon erae Akuj! Amen.

1 Tim. 6:16

Iŋes bon erae ŋolo nyetwani jik; iboi iŋes anakica a ŋina emam ituŋanan eapikini. Emam ituŋanan aanyuwa iŋes; emam ŋini epedori aanyuwar iŋes. Toyai neni keŋ akerit ka apedor ŋina nyedaun! Amen.

Ŋibur. 11:27

Anupit iŋes arotokinio Moses alo Ijipit pa ekuryana atemar eŋoi erwosit a Ijipit. Torubak iŋes etitinyikinit esibit etakani aneni keŋ Akuj ŋina nyetakani.

Ŋibur. 9:14

Ikwaŋina eraakatar ŋakiro ŋun ŋuna a kire, etya nai ai ŋakiro ŋuna erikakis ŋaokot ŋuna a Kristo! Alotooma Etau ŋolo Asegan, abu iŋes inak akeekuwan neni ka Akuj ikwapei amuronot ŋina asegan. Itesegete ŋaokot keŋ ŋitai yok alotalyo a ŋulu ikirikorete natwanare, ikotere ejaanakisi iwon Akuj ŋina eyari.