Ŋipil. 4:8 - Ebaibul

⁸ Aŋetakini ŋikaitotoi kaŋ, totamete ŋakiro nu ŋuna ejokak ŋuna emaikina yaut ekipuri: ŋakiro ŋuna erae kire ŋuna ekerer, ŋuna iyookino, ŋuna emam aronis, ŋuna ka amina ka ŋuna itojokitae.

Ŋipil. 4:8 Iomraidhean Croise

Akisy. 18:19

Nyemunoni, anerae adau ayoŋ aseun iŋes ikotere iciki ŋidwe keŋ ka ŋituŋa a ekal keŋ ŋulu iwuapete iŋes, kiwuapa erot ŋolo ke Ekapolon anakitiya ŋuna iyookino ka ŋuna ecamakinitae; ikotere nai isiyookini Ekapolon ŋuna adau akiikin Aburaam.”

2 Sam. 1:23

Arae Saul ka Yonasan anakiyar kec ŋituŋa ŋulu aminae ka ŋulu ajokak; apotu ikes nyetyakas anakiyar kec ka anatwanare kec; apiraka ikes nooi akilo tari ŋigolei. Agogoŋ ikes nooi akilo tari ŋiŋatunyo.

2 Sam. 23:3

Adau Akuj a Isirael akirwor neni kaŋ, akalimoki ayoŋ ataaba a Isirael ŋakiro ebe, ‘Ani kipuka ituŋanan ŋituŋa anakiyookino, ani kipuka anakitopoloorit Akuj,

Ŋikiru. 82:2

Ebala Akuj ebe, “Tari ori itubonokinete iyes ŋituŋa emam akiyookino ka itubete ŋakiro itojokito ŋulu aronok?

Ŋakit. 11:1

Erae asiilyo aneni a Ekapolon akisitiya akipimet ŋina emodyanakinere ŋituŋa, nai elakara Ekapolon erae kisitiyae ituŋanan akipimet ŋina nyemodyanakinere ŋituŋa.

Ŋakit. 12:4

Erae aberu ŋina ajokan akituro ka alelyanu aneni alokile keŋ, Erae aberu ŋina eaunit ŋileec, ikwaan ka edeke nolo nyeŋaleununui ŋolo edyaka lokile keŋ.

Ŋakit. 16:11

Elakara Ekapolon erae kiyookino ŋakipimeta ka ŋiboro ŋulu eokere akimuj ipimio, erae Ekapolon itiyaunit ibore ŋini itiyaunitere ŋamoru ŋuna itiriyanio apotis kec ka ibore ŋini ipimio.

Ŋakit. 20:7

Iboi ituŋanan ŋini iyookino anakiyar a ŋina emam ŋuna itoroniyaritere, ido eryamunete ŋidwe a ituŋanan a ŋin ŋarereŋisyo ekaku a ikauruunan kec.

Ŋakit. 31:10

Ŋae epedori aryamun aberu ŋina ajokan a ŋipitesyo? Ejok iŋes nooi akilo tari ŋamoru ŋuna amilimilak ŋuna enapitae.

Ŋakit. 31:29

“Itiyaete ŋaberu ŋuna alalak ŋiticisyo ŋulu ajokak nooi, nai itiya iyoŋ ejok nooi akilo ikes daadaŋ.”

Ŋakit. 31:31

Emaikina inakinae iŋes akitalakaret aŋuna a etic keŋ a daadaŋ, emaikina iŋes toryamu akitopolooro aneni a ŋituŋa a daadaŋ.

Eete a Ŋie. 5:16

Ebobok nooi ŋakiro ŋuna irworo iŋes, ikisupari iŋes alopitesyo keŋ a daadaŋ. Okoe ŋapesur a Yerusalem, epite ŋolo eyakar ŋolominat kaŋ ka lokone kaŋ iŋes ŋol.

Isa. 26:7

Esulut erot a ŋituŋa a ŋulu iyookino. Okoe Ekapolon ŋolo iyookino, itusulutut iyoŋ erot a ŋulu iyookino.

Mat. 22:16

Kiyakiyasi ŋikapolok a Ŋiparisayon ŋikasyomak kec ka ŋituŋa ŋice ŋulu ka atukot a ŋina ke Erode neni a Yesu, tolimokis iŋes temasi, “Eketataman, ikiyeni isua atemar irae iyoŋ ŋolo a kire ka itatami ŋakiro ŋuna a kire ŋuna ka Akuj, nyimisit iyoŋ ŋuna etamete ŋituŋa, anerae nyityakatyakat ŋituŋa.

Mar. 6:20

Anerae akerit Erode Yoana, ayeni atemar arae ŋuna a kire ŋakiro ŋuna erworo Yoana ka arae iŋes ituŋanan ŋini eyookino ka ŋini ka Akuj; aŋun, emyekinit iŋes Yoana. Amina Erode akipup Yoana, erae daŋ kisiyaloloŋeneete ŋakitatameta a Yoana iŋes.

Luk. 16:15

Tolimok nai Yesu ikes tema, “Iraakasi iyes ŋituŋa ŋulu itojokasi anakonyen a ŋituŋa, nai eyeni Akuj ŋuna alotai kus. Anerae ibore ŋini itopoloorito ŋituŋa, erae asiilyo aneni ka Akuj.

Luk. 2:25

Ayai Yerusalem ekile ŋolo anyaritae Simeon. Arae iŋes ekile ŋolo eyookino ŋolo ainakina neni ka Akuj; edarit iŋes akoloŋit ŋina eiunere Isirael, nabo ayai Etau ŋolo Asegan neni keŋ.

Luk. 23:50

Ayai nen ekile ŋolo anyaritae Yosepu, ŋolo abunit alotaun a ŋolo anyaritae Arimatea anakwap a Yudaya. Arae iŋes epei a Natukot a ŋina a Ŋiyudayan, ajok ka eyookino.

Yoa. 7:18

Ŋini irworo aŋuna ka apedor keŋ bon, iwarit akitopolooro; nai ŋini iitanit apolou a ŋolo iyakit iŋes, irworo ŋuna a kire, emam adiolyokonu eyai neni keŋ.

Ŋitic. 10:22

Toboŋokis ikes temasi, “Kornelio, ekapolokiniton ŋasigarya, iŋes ikiyakuunit isua. Erae iŋes ekile ŋolo ajokan, ŋolo iyookino ka ekerit iŋes Akuj. Ekerito Ŋiyudayan daadaŋ iŋes. Alimokini emalaika ŋolo ka Akuj iŋes anyarare iyoŋ bu kai keŋ, ikotere kiira iŋes ŋuna ilimuni iyoŋ.”

Ŋitic. 22:12

“Ayai Damasko ekile ŋolo anyaritae Anania, ŋolo ajokan, ŋolo ainakina neni ka Akuj. Ewuapit iŋes Ŋikisila a Moses ka akerito iŋes Ŋiyudayan daadaŋ ŋulu alo Damasko.

Ŋitic. 6:3

Aŋun ŋikaitotoi, toseutu alokidiŋ kus ŋikilyok ŋikanikaarei ŋulu ajokak, ŋulu ileleba Etau ŋolo Asegan ka aosou, ŋulu itemokino oinakisi etic lo.

Ŋirom. 13:13

Eboiyoto ejok ikwa ŋituŋa ŋulu eya nakica ŋina ka apaaran; olemasi adakanu kori emeret, olemasi amalao kori akiŋobel, olemasi ejiye kori arakao.

Ŋirom. 13:3

Anerae nyeyaunete ŋikapolok akuryanu neni a ŋulu itiyaete ŋuna ajokak, nai eyaunete akuryanu neni a ŋulu itiyaete ŋuna aronok. Aŋun, ani kicamit iyoŋ akiboi emam akuryanit anituŋanan a ŋini ipukat, kitiya ŋuna ajokak ikotere ikituruwori iŋes iyoŋ ŋolo ijok aneni keŋ.

Ŋirom. 14:18

Ituŋanan daadaŋ ŋini itiyanakini Kristo alopite a ŋol, elakar Akuj aŋuna keŋ ka itojokete ŋituŋa etic keŋ.

Ŋirom. 2:29

Nai Eyudayat ŋolo a kire, iŋes ituŋanan ŋini ileŋeritae alotau keŋ; iŋes atemar erae iŋes ituŋanan ŋini iwuapit Ŋikisila ŋulu ka Akuj. Erae ŋakiro ŋun itiyae Etau ŋolo ka Akuj, meere ŋuna a Ŋikisila a ŋulu igiritae. Eryamuni ituŋanan ŋin akitopolooro aneni ka Akuj, meere alotuŋa.

1 Ŋikor. 4:5

Aŋun, nyitubokis idiotuŋanan eriŋa nyedoluno apaki ŋina itemokino, ŋina eboŋunio Ekapolon. Inwakuni Ekapolon ibore daadaŋ ŋini iwuaitae anakiryonut, itatakanuni ŋakiro ŋuna iwuaitae ŋuna a ŋitai a ŋituŋa. Eryamuni nai ŋinituŋanan akipuro ŋina ejoikinit toryamu aneni ka Akuj.

2 Ŋikor. 13:7

Ikilipi isua Akuj atemar nyitiyata iyes aronis adio. Nyelimunitoe isua ŋun akitoodiunor atemar ikilou isua ŋakikatakineta, nai erae ikotere kitiyata iyes ŋuna iyookino, tari kesibit ikipiyorito ŋakikatakineta isua.

2 Ŋikor. 6:8

Ikitopolooritae ka ikijamuwaritae isua; ikiyanyo ka ikipuroe. Ikitusubunitae isua ŋikalyokonok, erworos bo isua ŋuna a kire;

2 Ŋikor. 8:18

Ikiyakuunit isua iŋes ka lokaato ŋolo ipurito ŋatukon a Ŋikristo daadaŋ aŋuna ke etic keŋ a ŋolo a Ŋakiro a ŋuna Ajokak.

2 Ŋikor. 8:21

Ikilosikinit isua akitiya ŋuna iyookino, meere alokiŋaren Ekapolon bon, nai alokiŋaren ŋituŋa daŋ.

Ŋigal. 5:22

Nai eyauni Etau ŋolo ka Akuj na erae arait alotooma ituŋanan: amina, alelyan, ekisil, akidaŋidaŋ, arimao, ajokis, akikinyoma,

Ŋiep. 4:25

Tojoŋoto amodyanakin! Itemokino ŋinituŋanan kirwor ŋuna a kire neni ke ekanupan a ŋoloce, anerae ikirae iwon daadaŋ ŋipei alotooma Kristo ikwapei ikiraakar iwon ŋinerin ŋulu ka apeikuwan.

Ŋiep. 5:9

anerae eyauni akica nu erae arait: ajokis, akiyookino ka akirworo ŋuna a kire.

Ŋiep. 6:14

Aŋun, totenito: tonapa ŋakiro ŋuna a kire ikwa akoroba ŋina eenen nacirin kus; tonapa akiyookino ikwa arapet

Ŋikis. 16:20

Kiwara akiyookino ka emaikina iyes kiwara akiyookino bon, ikotere iboiyete ka ituruworete akwap ŋina ikiini Ekapolon Akuj kus ŋina kus.

Ŋipil. 3:1

Aŋetakini, ŋikaitotoi kaŋ, tolelyana anakimorikina kus ka Ekapolon. Nyakaupi ayoŋ akigir ŋuna aris ayoŋ kekegirak iyes, anerae ikiŋarakinete iyes ŋun.

Ŋikol. 4:5

Itemokino iyes toosok alopitesyo a ŋulu iboiyoto iyes alokidiŋ ŋituŋa ŋulu nyeraakasi Ŋikristo. Kisitiyata ejok apaki daadaŋ ŋina iyakatar iyes.

1 Ŋites. 4:12

Alopite a ŋol, ikikerete iyes ŋituŋa ŋulu nyerae ŋikanupak, ido daŋ nyiitanete iyes adiokiŋarakinet aneni a ituŋanan a idio.

1 Tim. 2:2

aŋuna a ŋirwosi ka aŋuna a daadaŋ a ŋulu einakinitae apolou, ikotere nai ikiboi iwon anakiyar a ŋina inapakina ka ŋina isilit; ŋina ecamit Akuj ka alopitesyo a ŋulu ajokak.

1 Tim. 3:11

Ŋaberu kec daŋ, itemokino erae ŋuna emaikina tokeritetei, nyirworotor ŋulucetuŋa, torae ŋuna etyamaarito ka ŋuna ikinyomitae anakiro a daadaŋ.

1 Tim. 3:4

Itemokino iŋes erae ŋolo epedorit akidar ekal keŋ ke elope ejok ka ŋolo epedorit akituruwor ŋidwe keŋ ŋulu epupete ŋakiro ka ŋulu eyakatar akerit alopitesyo a daadaŋ.

1 Tim. 4:12

Nyikijamuwa iyoŋ ituŋanan idio aŋuna iraakar iyoŋ esorokit, nai torae akitaanyikinet ŋina a ŋikanupak alorwor kon, alopitesyo kon, anamina kon, ananupit kon ka anasegis ke etau kon.

1 Tim. 5:10

ka ŋina eyenitae aŋuna a ŋiticisyo keŋ a ŋulu ajokak, ŋina abu kitopolou ŋidwe keŋ ejok, ŋina abu kijaununuye ŋituŋa ŋulu gelae lore keŋ, ŋina abu kitiya ŋiticisyo ŋulu ka akitiditeuna neni a ŋituŋa a ŋulu ka Akuj, ŋina abu kiŋarak ŋituŋa alocan kec ka ŋina abu torubak itiyae ŋuna ajokak alopitesyo a daadaŋ.

1 Tim. 5:2

ŋakimak ikwa atatoto kon ka ŋasorok ikwa ŋakaitotoi kon anasegis ke etau.

Tito 1:8

Itemokino iŋes erae ŋolo ijaununui ŋituŋa daadaŋ, tomina ibore ŋini ajokan daadaŋ. Itemokino iŋes erae ŋolo ecayete ŋatameta, ŋolo iyookino, ŋolo itoodiunito ŋipitesyo keŋ atemar iwuapit iŋes ŋakiro ŋuna ka Akuj; torae ŋolo iyokuuno bon.

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

Tito 2:2

Kitatam ŋikasikou toraakas ŋulu ecoito, ŋulu emaikina tokeritetei, ŋulu epakito, ŋulu egogoŋ ananupit, anamina ka anatitinyikinit.

Tito 2:7

Anakiro a daadaŋ itemokino iyoŋ elope torae akitaanyikinet ŋina a ŋipitesyo a ŋulu ajokak. Kitatam emam alyokonu ka tomukeana.

Tito 3:14

Itemokino ŋituŋa ŋulu a ŋatukon yok toyenut akitiya ŋiticisyo ŋulu ajokak, ikotere eryamunete ŋiboro ŋulu iŋarakiniata ŋituŋa ŋulu eyakatar akiitanit; ido nyiboiyete erae ŋicaryo.

Ŋibur. 11:2

Anerae anupit kec iŋes abunio Akuj tocamunia ŋituŋa ŋulu a koloŋ.

Ŋibur. 13:18

Torubakisi ikilipakinito. Ikiyeni isua kire jik atemar, ecayete ŋatameta kosi, anerae ikicamit akiboi ikirae ŋulu ikikerer alopitesyo a daadaŋ.

Yak. 1:27

Edin ŋolo ajokan ŋolo emam aronis alokiŋaren Akuj Papa iŋes lo: akiŋaranakin ŋikokyok ka ŋapuseru alocan kec ka akiyokiuno iyoŋ elope nyikinyasut ŋakiro ŋuna ka akwap.

Yak. 3:17

Nai aosou ŋina anakuj, ejok iŋes mono jik, nabo eyakar ekisil, iyapara, ekoneono, ileleba akisyon ka eyauni ŋiticisyo ŋulu ajokak ikwaŋina eraunia ekitoe ŋaraito; emamukar atyakatyak ka ŋisoswae.

1 Pet. 1:22

Anerae iwuapito tokona iyes ŋakiro ŋuna a kire, itesegunosi iyes make, ido iminakis iyes kire ŋikanupak ŋuluce; ikwaŋinapei, tominanaros make nooi.

1 Pet. 2:12

Itemokino ŋipitesyo kus toruworos ŋulu ajokak alotuŋa a ŋulu nyenupito Akuj; apaki ŋina ikisitakiniata ikes iyes ebasi ŋikasecak, eyenunete ikes ŋiticisyo kus ŋulu ajokak, ido kipuro Akuj Akoloŋit ŋina ka abunore keŋ.

1 Pet. 4:8

Akilo ŋun daadaŋ, tominanaros make nooi, anerae erapuwarit amina ŋasecisya ŋuna alalak.

2 Pet. 3:1

Ŋikaakonei ŋuluminan, erae abaruwa na ŋina a ŋaarei ŋina ekegirak ayoŋ iyes. Alotooma ŋabaruwae ŋunaarei nu, ekatak ayoŋ akitekyenyun aneni kus ŋatameta ŋuna iyookino alotooma akitatam iyes ŋakiro ŋun.

1 Yoa. 3:18

Ŋidwe kaŋ! Nyikiminin a ŋakiro a ŋuna ikirworo bon, nai ominin kire a ŋiticisyo.

1 Yoa. 3:3

Ituŋanan daadaŋ ŋini igeno neni keŋ, iteseguna bon ikwapei esegia Kristo.

1 Yoa. 4:1

Ŋikaakonei ŋuluminan, nyinupito ŋulu daadaŋ ebasi ebe ikiyakar Etau ŋolo ka Akuj, nai torota ikes erae keponito ŋatameta kec aneni ka Akuj, anerae aloto ŋikadwarak ŋulu alalak ŋulu alyokonok nakwap.

Rus. 3:11

Nai tokona nakoku, nyikuryaniar. Ŋuna daadaŋ ilimuni iyoŋ etiyakini ayoŋ neni kon, anerae eyenete ŋituŋa kaŋ daadaŋ atemar irae iyoŋ aberu ŋina ajokan.