Ŋipil. 4:7 - Ebaibul

⁷ Epedori ekisil ŋolo ka Akuj ŋolo iloit ayenut ŋina a ituŋanan akiyok ŋitai ka ŋatameta kus anakimorikina ka Yesu Kristo.

Ŋipil. 4:7 Iomraidhean Croise

Neem. 8:10

Tolimok nai Neemia ikes tema, “Toloto tokona lorerya kus kimuja ŋamuja ŋuna ajokak ka tomata epiini ŋolo abobon, ido inakis ŋamuja ŋun ŋace neni a ŋulu emam ibore etemokinito akimuj, anerae erae akoloŋit na ŋina eseg aneni ke Ekapolon yok, nyiyaloloŋo, ikitogogoŋi iyes alelyanu ŋina ke Ekapolon.”

Yob 22:21

“Yob, tocamunos ka Akuj ka kisila ka iŋes; kitiya iyoŋ ŋun, ebuni ajokis neni kon.

Yob 34:29

Ani kerubaki Akuj ililiŋi, ŋae epedori akitoroniyar Akuj? Ani kiwua iŋes ereet keŋ, ŋae epedori akiŋolikin iŋes?

Ŋikiru. 29:11

Einanakini Ekapolon agogoŋu neni a ŋituŋa keŋ; iterereŋi Ekapolon ŋituŋa keŋ a ekisil.

Ŋikiru. 85:8

Apupokini ayoŋ ŋuna elimuni Akuj Ekapolon, anerae iikini; iŋes ekisil neni a ŋituŋa keŋ, neni a ŋulu ikinyomito iŋes neni a ŋulu ekiyete alotai kec tonupa Akuj.

Ŋakit. 2:11

Ikiuni iyoŋ ayenut ŋuna ajokak ŋuna emaikina kitiya ikiyokiuni iyoŋ ayenut ŋuna ajokak ŋuna emaikina kitiya.

Ŋakit. 4:6

Nyiesik aosou, ikiŋarakini iyoŋ aosou, tomina aosou, ikiteni iyoŋ aosou.

Ŋakit. 6:22

Ikitenete ikes iyoŋ apaki ŋina ilosyo; ikidarete ikes iyoŋ apaki ŋina iperyo ka ikisirworete ikes iyoŋ apaki ŋina ikenyunia.

Isa. 26:12

Okoe Ekapolon, ikiinakini iyoŋ isua ekisil, anerae kire, ŋuna daadaŋ etiyae isua, itiya iyoŋ aŋuna kosi.

Isa. 26:3

Iyokit iyoŋ a ekisil ŋulu nyiryaŋiryaŋasi anatameta kec, iyokit iyoŋ ikes, anerae ikikinyomito iyoŋ.

Isa. 45:7

Etiyau ayoŋ akica ka etiyau akiryonut, etiyau ayoŋ ŋuna ajokak ka etiyau ayoŋ ŋican; ayoŋ Ekapolon etiyau ŋakiro ŋun daadaŋ.

Isa. 48:18

Okoe, kerae ca kiwuapito iyes ŋakiciketa kaŋ, keropiunito ŋarereŋisyo neni kus ikwa ŋakipi ŋuna eleleete anaŋolol a ŋina nyeonene, kikiropikinito iyes akilounun ŋimoe kus lopite ŋolo eropiyoto ŋikaguragurae a ŋakipi ananam.

Isa. 48:22

Alimu Ekapolon ebe, “Mam ekisil aŋuna a ŋituŋa a ŋulu itiyaete ŋuna aronok.”

Yer. 32:16

Torubak Yeremia irworo tema, “Kadau ayoŋ ainakin abaruwa ŋina ka acamunet neni a Baruk alokoku a Neria, abu ayoŋ elip neni ke Ekapolon otema,

Yer. 33:6

Kikote neni daŋ, enyakakini ayoŋ ajokis ka a ŋaleu lotuŋa a etaun a lo, etojokuni ayoŋ ikes, esileerek ikes abaru ŋina alalan ka akiboi ejok.

Ekim. 6:26

elipi torimaaniar Ekapolon aneni kus ka ikiinak iyes ekisil.

Luk. 1:79

ka ayau akica neni a ŋulu eyakasi nakiryonut ŋina ka asecit ka atwanare, ikitena iwon lorotin ŋulu ke ekisil.”

Luk. 2:14

“Akipuro toyai kidiama neni ka Akuj, ka ekisil nakwap neni a ŋituŋa a ŋulu italakarito Akuj!”

Yoa. 14:27

“Ekemyekinia ayoŋ iyes ekisil; ekisil kaŋ iŋes akainakini iyes, nyikoni iŋes ekisil ŋolo ka akwap. Nyiyaloloŋo kori nyikibul!

Yoa. 16:33

Akalimok ayoŋ iyes ŋun, ikotere toryamut iyes ekisil alotooma kaŋ. Ikiteryamuni akwap iyes ŋican, nai toena ŋitai! Elou ayoŋ akwap.”

Ŋirom. 1:7

Aŋun, ekegirakinit ayoŋ iyes daadaŋ alo Roma, iyes ŋulu ikimina ka ikinyar Akuj aruwor ŋulu keŋ. Toyai neni kus ajokis ka ekisil aneni ka Akuj Papa yok ka aneni ke Ekapolon Yesu Kristo.

Ŋirom. 14:17

Anerae meere Apukan ka Akuj ŋina ca imujere ka emasere, nai erae ŋina ka akiyookino ka ŋina ke ekisil ta ŋina ka alelyan a ŋina ikiinakinit Etau ŋolo Asegan.

Ŋirom. 15:13

Elipi ayoŋ Akuj, ŋina erae alope akigeno; kilelebik neni kus alelyanu ka ekisil alotooma anupit kus; ikotere torubak akigeno kus iyata anapedor a ŋina ke Etau a ŋolo Asegan.

Ŋirom. 5:1

Aŋuna tokona ikicamunere iwon alokiŋaren Akuj ikirae ŋulu ikiyookino ananupit yok, ikiyakar iwon ekisil kaapei ka Akuj alotooma Ekapolon yok Yesu Kristo.

Ŋirom. 8:6

Ani kikipukato iwon ŋipitesyo ŋulu ka aseconu, ikitwaki, nai kikipukat Etau ŋolo ka Akuj iwon, ikiinakini Akuj iwon akiyar ka ekisil.

2 Ŋikor. 10:5

Inyasunio isua ŋipegeta ŋulu nyiyookino ka ŋinibore eturon daadaŋ ŋini epedori akiretakin ayenut Akuj; ikikatakinit isua akikamun ŋatameta daadaŋ etacamutu akipup Kristo.

2 Ŋikor. 13:11

Ŋuna isidiyete ŋikaitotoi, ikianyun! Kitogogoŋo ŋitai kus. Kitatamas make; tocamununos make; kiboiyoto a ekisil. Toyai neni kus Akuj ŋina ka amina ka ekisil.

Ŋigal. 5:22

Nai eyauni Etau ŋolo ka Akuj na erae arait alotooma ituŋanan: amina, alelyan, ekisil, akidaŋidaŋ, arimao, ajokis, akikinyoma,

Ŋiep. 3:19

Ee, elipi ayoŋ atemar toyenut iyes amina keŋ--tari pa kepedor ayenun iŋes nooi--ikotere nai kikwaanikinos iyes ka Akuj.

Ŋipil. 1:1

Ayoŋ Paulo ka Timoteo ŋiketiyak ŋulu a Yesu Kristo, ikigirit abaruwa na neni a ŋituŋa a daadaŋ a ŋulu ka Akuj alo Pilipi, a ŋulu imorikina ka Yesu Kristo ka neni a ŋibicopyo a ŋatukon a Ŋikristo ta ŋikeŋarakinitok kec.

Ŋipil. 1:2

Toyai neni kus ajokis ka ekisil aneni ka Akuj Papa yok ka aneni ke Ekapolon Yesu Kristo.

Ŋipil. 4:19

Ido alotooma Yesu Kristo, ikiinakini iyes Akuj kaŋ ibore daadaŋ ŋini iitanito alobari keŋ a ŋolo apolon.

Ŋipil. 4:21

Kimalata ŋituŋa ŋulu ka Akuj daadaŋ alotooma Yesu Kristo. Ikimalaete iyes ŋikaitotoi ŋulu ikirukit ka ayoŋ a ne.

Ŋipil. 4:9

Kitiyata ŋuna ipotu iyes kisisaut ka kijaut ka toanyut aneni kaŋ. Eyakaun neni kus Akuj ŋina erae alope ekisil.

Ŋikol. 3:15

Kimyekisi ekisil ŋolo a Kristo ikipuka iyes alotai kus--ekisil ŋolo aponere itonyaraunere iyes aruwor akuwan apei. Itemokino tolakaros neni ka Akuj.

2 Ŋites. 3:16

Ikilipit isua Ekapolon ŋolo ke ekisil ikiinak iyes ekisil jwi jwi alopitesyo a daadaŋ. Toyai Ekapolon neni kus a daadaŋ.

Ŋibur. 13:20

Eteyaru Akuj alokatwak Ekapolon yok Yesu ŋolo abu toruwor Ekeyokon a ŋamesekin ŋolo apolon anaokot keŋ a ŋuna ka Acamunet a ŋina nyedaun.

Yud. 1:1

Ayoŋ Yuda ŋolo arae eketiyan a Yesu Kristo ka lokaato a Yakobo, egirit abaruwa na neni a ŋulu adau Akuj anyarare, ka ŋulu emina iŋes ŋolo erae Papa ka iyokitoe aŋuna a Yesu Kristo:

Akis. 1:4

Ayoŋ Yoana egirit emalas lo neni a ŋatukon a Ŋikristo a ŋunakanikaarei a ŋuna eyakasi Asia: Toyai ajokis ka ekisil neni kus ŋulu eponito aneni ka Akuj a ŋina erae ka arae, ka ŋina ebuni, ka aneni a ŋitai a ŋulukanikaarei, a ŋulu eyakasi kiŋaren ekicoloŋ keŋ,

Akis. 2:17

“Iŋes ŋini eya ŋaki, kiira ŋuna irworo Etau natukon ŋuna a Ŋikristo! “Iŋes ŋini ilouni, ainakini Manna adio ŋina iwuaitae. Ainakini nabo ayoŋ iŋes amoru ŋina akwaŋan ŋina igiritae ekiro ŋolokitete, ŋolo emam ituŋanan eyeni, mati ŋini einakinio amoru ŋin.