Ŋipil. 4:3 - Ebaibul

³ Acamit ayoŋ iyoŋ daŋ Sisipo ŋolo irae erukitos kaŋ ananupit, kiŋarak ŋaberu ŋun; anerae ikitiya ayoŋ ka ikes ka agogoŋu nooi akisera Ŋakiro ŋuna Ajokak, kaapei ka Kilement ka ŋuluce daadaŋ ŋulu ikitiyae ka ayoŋ, ŋulu igiritae ŋirorwa kec Lokitaabo ŋolo ka Akiyar.

Ŋipil. 4:3 Iomraidhean Croise

Ŋikiru. 69:28

Kikisa ikes alokitaabo a ŋolo ka akiyar, nyemaikina ikes igiritae kaapei ka ŋulu iyookino.

Awos. 32:32

Nai tokona, akadyekit ayoŋ iyoŋ kisyoni asecit kec ŋin, ani pa kisyon, kikisa ekiro kaŋ alokitaabo a ŋolo igirit iyoŋ ŋirorwa a ŋituŋa.”

Isa. 4:3

Ituŋanan daadaŋ ŋini eesikinio alo Sion, ido torubak iboi alo Yerusalem daadaŋ ŋulu igiritae aneni a ŋulu iboiyete alo Yerusalem enyarao iŋes ŋini asegan,

Esek. 13:9

Esicani ayoŋ ŋikadwarak ŋulu iŋolyanakinete ŋuna ka alyokonu, ido edwarete amodiyo. Nyeruwor ikes ŋituŋa ŋulu ka atukot kaŋ, kori nyigiryo ŋirorwa kec neni igiritae Ŋisirael, kori nyelomarete ikes nakwap a Isirael. Ŋun nai iyenuniata iyes atemar arae ayoŋ Ekapolon Akuj.

Dan. 12:1

“Apaki ŋin, ebuni Mikael, ekarikon ŋolo apolon ŋolo erae ekedaran a ŋituŋa kon. Eyakaun apaki ŋina ka aryeba apaki ŋina nyeyakauna ŋinapei koloŋ kisyakiniata ŋapukasinei. Nai apaki ŋin, elakunio ŋituŋa kon, elakunio ŋituŋa daadaŋ ŋulu igiritae ŋirorwa kec lokitaabo.

Luk. 10:20

Nai nyilakarosi aŋuna ireuniata iyes ŋipyan, nai itemokino iyes tolakara aŋuna igiritere ŋikusirorwa nakuj.”

Ŋirom. 12:1

Aŋun nai, ŋikaitotoi kaŋ, aŋuna ka akisyon a ŋina apolon a ŋina ka Akuj neni yok, ekemaimai ayoŋ iyes: kituruwosi ŋawat kus amuronot ŋina eyari aŋuna ka Akuj, ŋina einakinitae neni keŋ ka ŋina italakarit iŋes. Erae ŋol epite ŋolo itemokino iyes kilipyata.

Ŋirom. 16:12

Kimalakinae Turupena ka Turuposa, ŋuna itiyaete etic ke Ekapolon ka nakone kaŋ Peresi, ŋina itiyae etic ŋolo alalan ŋolo ke Ekapolon.

Ŋirom. 16:9

Kimalakinae tari Urubano ŋolo ikitiyae ka ayoŋ etic a Kristo; kimalata tari lokone kaŋ ŋolo minat Sitaku.

Ŋipil. 1:12

Ŋikaitotoi, acamit ayoŋ iyes toyenut ebe, ŋakiro ŋuna etiyakin neni kaŋ, eŋarakis akielar Ŋakiro ŋuna Ajokak.

Ŋipil. 1:16

Itiyaete ŋul ŋun anamina, anerae eyenete ikes atemar ayai ayoŋ mabus aŋuna a Ŋakiro a ŋuna Ajokak.

Ŋipil. 1:27

Tokona ibore ŋini epol iŋes en: itemokino akiyar kus torae ŋina itopoloorit Ŋakiro ŋuna Ajokak ŋuna a Kristo, ikotere ani kabu kori pa kabu ayoŋ aanyun iyes, eira atemar icasito iyes jik alotooma etau epei ka iyakatar akiitanit apei ŋapakio daadaŋ ŋuna imunikinitotor iyes aŋuna ka anupit Ŋakiro ŋuna Ajokak.

Ŋipil. 1:5

aŋuna ke epite a ŋolo ikimorya iyes ka ayoŋ etic ŋolo a Ŋakiro a ŋuna Ajokak, ageun akoloŋit ŋina esyaunan ŋina inupyata iyes, tari tokona.

Ŋipil. 1:7

Itemokino ayoŋ okatamunite iyes daadaŋ ikona, anerae akamina ayoŋ iyes nooi, ikwapei ikimorya iwon daadaŋ ainakinet ŋina adau Akuj ainakin ayoŋ, tari anapaki a na, a ŋina ayakar ayoŋ mabus ka apaki ŋina erworor ayoŋ aŋuna a Ŋakiro a ŋuna Ajokak etogogoŋit.

Ŋipil. 4:2

Okoe emaimai ayoŋ ŋaberu nu, Oiyodiya ka Sintike toyakaunotor ŋatameta ŋuna imorikina alotooma Ekapolon.

Ŋikol. 1:7

Ipotu iyes toyenut ŋuna ka ajokis a ŋina ka Akuj aneni ke Epapuras, a ŋolo minat, a ŋolo ikitiyae kaapei ka isua. Erae iŋes eketiyan ŋolo a Kristo ŋolo ikinyomitae, ŋolo itiyae aŋuna kosi.

Akis. 13:8

Epote ŋituŋa daadaŋ ŋulu anakwap akilip neni keŋ; ŋituŋa daadaŋ ŋulu pa kigiritae ŋikecerorwa lokitaabo ŋolo ka akiyar, ŋinapei anasubunet akwap, erae ekitaabo ŋol ŋolo a Imesek a ŋini aponi toarae.

Akis. 17:8

Ayari koloŋ etyaŋ ŋol, nai tokona nyeriŋa eyari; eapi iŋes alomun anakipany a ŋina aoyan a ŋina nyesalunit alokwap, tolot nai toarae. Eumokinete ŋituŋa ŋulu koloŋ pa keponi kigirae ŋirorwa kec lokitaabo ŋolo ka akiyar ameun anasubunet akwap, apaki ŋina iŋolikiniata etyaŋ. Anerae ayari koloŋ, tokona nyeriŋa eyari, nai etakanuni nabo.

Akis. 20:12

Abu eŋolik ŋikatwak, ŋikarwok ka ŋicaryo ewuasi kaapei alokiŋaren ekicoloŋ, toŋaarae ŋikitaaboi. Toŋaarae nabo ekitaabo ece, ekitaabo ŋolo ka akiyar. Aponi totubokinae ŋikatwak ikwaŋina kitiyatotor ikes, ikwapei igiritere lokitaaboi.

Akis. 20:15

Ituŋanan ŋini pa ayai ekiro keŋ lokitaabo ŋolo ka akiyar, aponi kimasakinae nanam ŋina ka akim.

Akis. 21:27

Nai emam ibore ŋini aronon elomari neni keŋ, emam tari idiotuŋanan ŋini itiyae ŋuna a ŋileec ka ŋuna ka alyokonu. Ŋituŋa ŋulu igiritae lokitaabo ŋolo ka akiyar ŋolo a Imesek, ikes bon elomarete tooma etaun ŋol.

Akis. 3:5

“Iŋes ŋini ilouni, itanapyo ŋilowi ŋulu akwaŋak ikwa ikes, ka nyekisari ayoŋ ekeekiro alokitaabo a ŋolo ka akiyar; nai alimori ayoŋ ekiro keŋ alokiŋaren Papa kaŋ ka ŋimalaikan keŋ.