Ŋipil. 4:19 - Ebaibul

¹⁹ Ido alotooma Yesu Kristo, ikiinakini iyes Akuj kaŋ ibore daadaŋ ŋini iitanito alobari keŋ a ŋolo apolon.

Ŋipil. 4:19 Iomraidhean Croise

Akisy. 48:15

Kiterereŋ Isirael Yosepu tema, “Elipi ayoŋ Akuj ŋina apotu atapapaa kaŋ Aburaam ka Isaka kiwuapa ŋakiro keŋ, Akuj ŋina erae Ekeyokon kaŋ anakiyar kaŋ a daadaŋ tari nakoloŋit na,

2 Sam. 22:7

“Abu ayoŋ alocan kaŋ onyara Ekapolon; abu onyara Akuj kaŋ. Abu Akuj alo Kai keŋ kiira etoil kaŋ, abu iŋes kiira akigworo kaŋ.

2 Ŋakiro a ŋirwa 18:13

Nai abu Mikaia tema neni keŋ, “Ikwapei eyarya Ekapolon, erwori ayoŋ ŋuna akalimokini ayoŋ Akuj kaŋ.”

2 Ŋakiro a ŋirwa 31:8

Ani epote Esekia ka ŋikapolok akiŋolikin ŋatukon ŋun, apotu kipuro Ekapolon ka kiterereŋo ŋituŋa a Ekapolon Ŋisirael.

Neem. 5:19

Totamunitetei ayoŋ aŋuna ka ajokis kaŋ, okoe Ekapolon, totamunite daadaŋ ŋuna adau ayoŋ akitiya aŋuna a ŋituŋa a lu.

Neem. 9:15

Ani enyami akoro ikes, ibu iyoŋ inak ikes ŋamugati ŋuna anakuj ka ani enyami ikes akure ibu iyoŋ inak ikes ŋakipi anataaba, ido ibu itolimok ikes atemar tolomasi kituruwosi akwap ŋina kus, akwap ŋina ibu iyoŋ kikoŋ ainakin ikes.

Ŋikiru. 104:24

Okoe Ekapolon, itiyau iyoŋ ŋiboro ŋulu alalak! Itiyau iyoŋ ikes daadaŋ anaosou kon; ileleba ŋisubuna kon nakwap.

Ŋikiru. 130:7

Okoe Ŋisirael, kiwuakisi akigeno kus neni ke Ekapolon, anerae amina keŋ erae ŋina nyiryaŋiryaŋa, ido etenit iŋes alakun iyes a ŋinapaki.

Ŋikiru. 36:8

Imujete ikes akimuj ŋina alalan ŋina iinanakini iyoŋ ikes. eryamununeete ikes ŋiboro ŋulu ajokak ŋulu iteleleunit iyoŋ lopite ŋolo eleleya aŋolol.

Ŋikiru. 84:11

anerae Ekapolon Akuj iŋes ikitacaikini iwon erot ikwa akoloŋ ka ikiuryari ikwa aupal; ikiinanakini Ekapolon arimao ka apolou; mam ibore ŋini ajokan ŋini ewouni iŋes ainakin ŋulu iboiyete iyookino.

Dan. 6:22

Abu Akuj kaŋ kiyaku emalaika keŋ ŋolo abu togol ŋakituka a ŋiŋatunyo, ikotere nyakanyama ikes ayoŋ, anerae abu Akuj kaŋ toryamu atemar mam asecit etiyat ayoŋ aneni keŋ ka aneni kon daŋ, okoe erwosit, mam aronis etiyat ayoŋ.”

Mika 7:7

Nai ani eruwor ayoŋ edarit ayoŋ anakigeno Ekapolon, edarit ayoŋ Akuj akaiunan kaŋ; ekeirari ayoŋ Akuj kaŋ.

Mal. 3:10

Yautu atututbet apei alotooma ŋatomon aloboro kus Kai ka Akuj, ikotere tolalaar akimuj a nen. Kikatakisi mono iyes akitiya ŋun neni kaŋ, iŋolikinete iyes aŋauni ayoŋ ajokis daadaŋ ŋina anakuj, ido obuk neni kus ŋiboro daadaŋ ŋulu ajokak.

Mat. 6:32

(Erae ŋituŋa ŋulu nyenupito, ikes iwarito ŋiboro ŋul.) Eyeni Papa kus ŋolo anakuj atemar iitanito iyes ŋiboro lu daadaŋ.

Yoa. 20:17

Tolimok Yesu iŋes tema, “Nyikitap ayoŋ, anerae eriŋa ayoŋ nyeboŋoro neni a Papa kaŋ; nai tolot, tolimok ŋikaitotoi kaŋ atemar alosi ayoŋ neni a Papa kaŋ, a ŋolo erae Papa kus daŋ; neni ka Akuj kaŋ, a ŋina erae Akuj kus daŋ.”

Yoa. 20:27

Tolimok nai Yesu Tomas tema, “Kiwuak ekonikimoin ne, kiŋolik ŋakaakan. Torwau akonikan, kiwuak losyepi kaŋ, tojoŋo aŋayaŋayat, nai tonup!”

Ŋirom. 1:8

Ŋuna iŋarenete, alakara ayoŋ neni ka Akuj kaŋ alotooma Yesu Kristo, aŋuna kus a daadaŋ, anerae irworosi ŋituŋa a ŋakwapin a daadaŋ ŋuna ka anupit kus.

Ŋirom. 11:33

Okoe, kelalaar nooi ebari ŋolo ka Akuj, epol nooi aosou ka ayenut keŋ! Ŋae epedori akitacaun ŋuna etubununui iŋes? Ŋae epedori ayenun ŋakiro ŋuna itiyae iŋes.

Ŋirom. 2:4

Kori imenit iyoŋ Akuj aŋuna epoloo nooi arimao ka akidaŋidaŋ ta atitinyikinit keŋ? Nyiyeni iyoŋ atemar erae narimao keŋ ikirikorya iyoŋ Akuj nakiki ŋasecisya a?

Ŋirom. 8:18

Ayeni ayoŋ atemar ŋican ŋulu ikiryamunit iwon tokona, nyepedoryo akisikwaanikin ka apolou ŋina ikidaritere iwon, ŋina nyisileereuno.

Ŋirom. 9:23

Acamit daŋ Akuj akitoodikin apolou keŋ ŋina epol nooi neni a ŋulu esyon iŋes ka neni a ŋulu adau koloŋ iŋes akitemokin aryamun apolou keŋ.

2 Ŋikor. 12:21

Akabulit ayoŋ atemar ŋina adolunio inaa, ebuni Akuj kaŋ akisurum ayoŋ ŋileec alokiŋaren kus ka abuni nai ayoŋ akigworo aŋuna a ŋulu alalak, a ŋulu apotu toseca ŋapakio ŋuna alunyarosi toriŋa nyekiwa ŋipitesyo kec ŋulu ka aronis, ebe adoteu ka amalao.

2 Ŋikor. 4:17

Anerae ŋican ŋulu ikiryamunit iwon ŋulu esalunete, erae koŋin kisikwaani ka apolou ŋina ajokan nooi ŋina nyesaluni ŋina itemonokinete ŋican ŋul aŋuna yok.

Ŋiep. 1:18

Elipit ayoŋ Akuj toŋaar ŋatameta kus, ikotere toyenut akigeno ŋina adau iŋes anyarakin iyes ka epite ŋolo elalaata ŋarereŋisyo ŋuna epolok, ŋuna adau Akuj akiikin ainakin ŋituŋa keŋ;

Ŋiep. 1:7

Anerae ikituruwor iwon ŋulu ikilakuna a ŋuna a ŋaokot a Kristo, a ŋuna aponi tobukoroe alomusalaba; iŋes nai atemar esyoni ŋasecisya yok. Alopite a ŋol, ikitoodik Akuj iwon epite ŋolo epoloo nooi ajokis keŋ.

Ŋiep. 2:7

Abu Akuj kitiya ŋun akitoodiunia anapakio a daadaŋ a ŋuna eponito, ajokis keŋ ŋina apolon nooi ŋina iloit daadaŋ, ŋina ileere anamina a ŋina abu iŋes kitoodiu neni yok aneni a Yesu Kristo.

Ŋiep. 3:16

Elipenene ayoŋ neni ka Akuj ikiinak iyes anabaru a ŋina a ŋarereŋisyo keŋ apedor ŋina kicaset alotai kus alotooma Etau keŋ

Ŋiep. 3:8

Arae neni kaŋ a ŋolo arae ecaryoit alotuŋa a daadaŋ a ŋulu ka Akuj aponi okoinakin ajokis ŋina limonokinet Ŋakiro ŋuna Ajokak neni a ŋulu nyerae Ŋiyudayan--ŋakiro ŋuna ka ajakaanut a Kristo a ŋina nyeŋicun etyae keŋ.

Ŋipil. 4:7

Epedori ekisil ŋolo ka Akuj ŋolo iloit ayenut ŋina a ituŋanan akiyok ŋitai ka ŋatameta kus anakimorikina ka Yesu Kristo.

Ŋikol. 1:27

Abu Akuj tocamu akisileerekin ikes alalau ka apolou ŋina a ŋakiro a ŋuna imunono a ŋun, ŋuna erae aŋuna a ŋituŋa a daadaŋ. Ŋakiro ŋuna imunono ikes Kristo alotooma kus, ŋolo erae akigeno ŋina ikiponia iwon akimor apolou ŋina ka Akuj.

Ŋikol. 3:16

Kimyekisi ŋakiro a Kristo anapedor ka anaosou kec kiboiyoto alotai kus; kitatamas ka tolimonokinos ŋun make anaosou a daadaŋ. Toeos Ŋieosyo a Daudi, ŋieosyo ŋulu ipurore Yesu ta ŋieosyo ŋulu ke Etau; toeikisi ka alakara neni ka Akuj alotai kus.

1 Ŋites. 2:12

Aponi isua ikisimukekin iyes, ikimaimae ka aponi torubakinae ikitumunikinitoe iyes akiboi anakiyar a ŋina itopoloorit Akuj, ŋina ikinyarit iyes Napukan ka napolou keŋ.

1 Tim. 6:17

Tolimok ŋituŋa ŋulu ebarito a ŋiboro a ŋulu ka akiyar a na nyiturokinosi, nyiwuakis akigeno kec lobari ŋolo nyeropari, nai kigenos neni ka Akuj, a ŋina ikiinanakini iwon ibore daadaŋ anarimao, ikotere ikilakara iwon.

Pil. 1:4

Apaki daadaŋ ŋina akatamunia ayoŋ iyoŋ anakilip kaŋ, alakar ayoŋ neni ka Akuj kaŋ.

1 Pet. 5:1

Ŋikatukok, ayoŋ ŋolopei arae ekatukon, ŋolo arae esuuda a ŋican a Kristo, ŋolo alosi aryamun atyaket anapolou a ŋina itoodiunio: ekelipit iyes!

1 Pet. 5:10

Ani kidaut iyes aryamun ŋican ŋul, ŋulu nyeayete apaki ŋina aoyan, epedori Akuj ŋina ka ajokis a daadaŋ, ŋina ikinyarit iyes akimor apolou keŋ ŋina nyedaun alotooma Kristo, akituruwor iyes ŋulu emam aronis; ikiinakini iŋes iyes atitinyu, agogoŋu ka ikitowuoi jik.