Ŋipil. 4:1 - Ebaibul

¹ Aŋun ŋikaitotoi kaŋ ŋuluminan, ekeburit ayoŋ nooi aanyun ka iyes! Iraakasi iyes alelyan kaŋ ka ŋakiro ŋuna eturor ayoŋ. Epite ŋol itemokino torubakiniata aneni ke Ekapolon, ŋuluminan.

Ŋipil. 4:1 Iomraidhean Croise

Yob 31:36

kire jik, kanap ayoŋ ŋakiro ŋun aloseket kaŋ; kewuaak ayoŋ nakou kaŋ onap esibit ebokot;

Ŋikiru. 125:1

Ikes ŋulu ikinyomito Ekapolon, ikwaan ka emoru Sion, ŋolo emam ibore iryaŋiryaŋanakini, nai itiirae jik ŋikaru ka ŋikaru.

Ŋikiru. 27:14

Kidar Ekapolon! Togogoŋ ka kimyek etau kon tomukyaan, kidar Ekapolon!

Mat. 10:22

Ikitoroniyarete ŋituŋa iyes aŋuna ke ekiro kaŋ, nai ŋini etitinyikini akitodol nasalunet, eiunio.

Yoa. 8:31

Tolimok Yesu Ŋiyudayan ŋulu anupito iŋes tema, “Ani kiricakis iyes ŋakiro kaŋ, iraakasi kire iyes ŋikasyomak kaŋ.

Ŋitic. 11:23

Ani edoluni iŋes ka iŋolikini epite ŋolo kebunio Akuj kiterereŋio ikes, tolakar iŋes. Kicikak ikes arubakin anupit Ekapolon a ŋitai kec a daadaŋ.

Ŋitic. 14:22

Kitogogoŋo ikes ŋikanupak, kisimukekis arubakin ananupit. Kitatama ikes ŋikanupak ebe, “Itemokino iwon etoro locan ŋulu alalak, eriŋa nyelomara Napukan ka Akuj.”

Ŋitic. 2:42

Torubakis ikes daadaŋ epupete ŋakiro ŋuna etatamete Ŋikiyakia, togeut ikes alosenen natukot ŋina a ŋikanupak akimuj kaapei ka akinumunum Akimuj ŋina ke Ekapolon ta akilipenen.

Ŋirom. 2:7

Einakini Akuj akiyar ŋina nyedaun neni a ŋulu erubakinete itiyaete ŋuna ajokak, kiwarito akitopolooro ka akitojokyo aneni ka Akuj ka kiwarito akiyar ŋina nyedaun.

1 Ŋikor. 15:58

Aŋun nai, ŋikaitotoi kaŋ ŋuluminan, kicata ka nyiryaŋiryaŋasi. Kitiyata ka agogoŋu etic ŋolo ke Ekapolon ikwapei iyeniata iyes atemar emam etic ŋolo itiyaete iyes anakimorikina ke Ekapolon, ŋolo eruwor ekoŋinait.

1 Ŋikor. 16:13

Totenito, kicata ananupit, totitiny ka togogoŋ!

2 Ŋikor. 1:14

ikiyenunete iyes isua ejok lopite ŋolopei ikiyenuniata tokona iwadio, ikotere kiturokinos aŋuna kosi lopite ŋolopei iturokinere isua daŋ aŋuna kus Akoloŋit ŋina ke Ekapolon Yesu.

Ŋigal. 5:1

Ikilacak Kristo iwon, aŋun, nyitemokino nabo iwon eboiyoto ikwa ŋipi. Torubakisi nai icasito iraakasi ŋituŋa ŋulu elacakina ka nyicamut aruwor ŋipi nabo.

Ŋipil. 1:27

Tokona ibore ŋini epol iŋes en: itemokino akiyar kus torae ŋina itopoloorit Ŋakiro ŋuna Ajokak ŋuna a Kristo, ikotere ani kabu kori pa kabu ayoŋ aanyun iyes, eira atemar icasito iyes jik alotooma etau epei ka iyakatar akiitanit apei ŋapakio daadaŋ ŋuna imunikinitotor iyes aŋuna ka anupit Ŋakiro ŋuna Ajokak.

Ŋipil. 1:8

Eyeni Akuj atemar ŋuna erworo ayoŋ erae ŋuna a kire--akamina ayoŋ iyes lopite ŋolo ikiminar iyes Yesu Kristo.

Ŋipil. 2:16

ikwapei iricitotor iyes ŋakiro ŋuna ka akiyar. Ani kitiyata iyes ikoŋina, aryamuni ayoŋ ŋakiro ŋuna eturokinor aŋuna kus Akoloŋit ŋina a Kristo, anerae itoodiuni neni ebe abu ayoŋ nyecanican agogoŋu ka etic kaŋ.

Ŋipil. 2:26

Iburakinit iŋes nooi abunore aanyun iyes daadaŋ ka ebulit, anerae ipotu iyes kiirasi atemar adyaka iŋes.

Ŋikol. 4:12

Ikimalae iyes Epapuras, ŋolo erae ekaatukot kus, eketiyan ŋolo a Yesu Kristo. Ikitamunit iŋes iyes nooi jwi jwi anakilip keŋ, ilipenene iŋes atemar ikisicat Akuj iyes ikwapei ŋulu iyenete ŋakiro ŋuna ka Akuj nooi ka ŋulu itiyaete anacamit keŋ.

1 Ŋites. 3:13

Alopite a ŋol, ikitogogoŋi iŋes iyes ka iruworosi iyes ŋulu iyookino ka ŋulu asegak alokiŋaren Akuj Papa yok, apaki ŋina etakanuniata Ekapolon Yesu kaapei ka ŋulu erae ŋulu keŋ.

2 Ŋites. 2:15

Aŋun ŋikaitotoi, kicata ka torubakisi ikamunito ŋakiro ŋuna a kire ŋuna aponi isua ikitatamyanakin iyes analimonokin ka anabaruwa kosi.

2 Tim. 2:1

Ani iyoŋ lokoku kaŋ, toruwor ŋolo igogoŋ anajokis a ŋina erae ŋina yok alotooma akimorikina ka Yesu Kristo.

Ŋibur. 10:23

Orubakisi ikiya nakigeno ŋina ikilimorit iwon, tomam aŋayaŋayat, anerae Akuj ŋina adau akiikin iwon, erae ŋina ikinyoma.

Ŋibur. 3:14

Anerae ikirae iwon daadaŋ ŋipei alotooma Kristo, erae kikirubak ikititinyikinit ananupit lopite ŋolo ikisyakinia.

Ŋibur. 4:14

Itemokino iwon orubakisi ikititinyikinit ananupit Yesu; anerae Yesu Lokoku ka Akuj, iŋes erae Esacaradoti yok ŋolo Apolon nooi, ŋolo adau alosit nakuj.

2 Pet. 3:17

Nai ŋikaakonei, idaut iyes ayenun ŋakiro ŋun. Totenito nai, ikotere nyikirikosi ŋadyakanareta ŋuna a ŋituŋa a ŋulu ebilibiliyete Ŋikisila, ido ikitaŋayaŋayata iyes.