Ŋipil. 3:8 - Ebaibul

⁸ Meere ŋakiro ŋun bon; emarakinit ayoŋ ŋakiro daadaŋ erae atwaniaret ŋina aronon aŋuna a ŋakiro a ŋuna epolok nooi--ikes ayenut Yesu Kristo Ekapolon kaŋ. Aŋuna keŋ, ajal ayoŋ ŋakiro daadaŋ ka emarak ikes erae agasiya, ikotere aryamuni Kristo

Ŋipil. 3:8 Iomraidhean Croise

1 Ŋirw. 14:10

Aŋun, ayauni ayoŋ ŋuna aronok neni a ŋituŋa a ekal a Yeroboam. Amunyari ayoŋ aneni a Yeroboam ŋikilyok daadaŋ, ŋipi ka ŋulu nyerae ŋipi alo Isirael. Ecunyari ayoŋ ŋituŋa a ekal a Yeroboam lopite ŋolo icunyia ituŋanan aoret todaun daadaŋ.

2 Ŋirw. 9:37

Iledario akuwan a Yesebel alo Yesireel kikok aoret, ido todaun epite ŋolo eyenunia ituŋanan idio atemar erae iŋes Yesebel.’ ”

Yob 20:7

etwakete ikes toŋopiyasi lopite ŋolo eŋopiyaryata ŋacin kec; ido etemarete ŋulu sek eŋolikinito ikes, ‘Ai eyakasi ikes?’

Ŋikiru. 126:6

Ikes ŋulu apotu toloto lomanikorin igworosi etiŋito ŋikinyom ŋulu eekinio, eboŋunete ekaku eeosi ŋieosyo ŋulu ka alelyanu, etiŋito akimuj ŋina adaut ikes alemun.

Ŋikiru. 73:25

Ŋae mono ikeŋarakinan kaŋ ice eyai nakuj, meere iyoŋ bon a? Aŋuna ikirukitor ayoŋ ka iyoŋ, mam ibore ice eitanit ayoŋ anakwap.

Isa. 53:11

Kedau iŋes akidaŋidaŋ ŋican, eryamuni iŋes alelyanu nabo, eyenuni iŋes anaosou keŋ atemar pa abu oryamu ŋican ikoŋin. Ituruwori eketiyan kaŋ ŋolo iyookino ŋikalalak ŋulu iyookino ka iwuoki iŋes aronis kec.

Mal. 2:3

Esicani ayoŋ ŋiletok kus; awuatakini ayoŋ loreetin kus ŋikujit a ŋibaren a ŋulu imurotor iyes, ido itorikor iyes kiŋa eya ŋikujit loreetin.

Ekim. 14:30

mam ipei daŋ alokidiŋ kus ŋini edoli nakwap ŋina abu ayoŋ ekoŋ ainakin atapapaa kus, mati Kaleb lokoku a Yepune ka Yosua lokoku a Nun.

Luk. 1:43

Okoe, anukiro apolok etiyakin neni kaŋ nu, ŋuna abunio tari toto ke Ekapolon kaŋ neni kaŋ?

Luk. 11:20

Nai ani keritanari ayoŋ ŋipyan ka apedor a ŋina ka Akuj, akeepolou iŋes atemar abu Apukan ka Akuj neni kus.

Yoa. 14:20

Akoloŋit ŋin, ipote iyes aanyun atemar ayai ayoŋ tooma Papa kaŋ, iyakasi iyes tooma kaŋ ka ayai ayoŋ tooma kus.

Yoa. 14:7

Ikwaŋina tokona ikiyeniata iyes ayoŋ, iyenunete Papa kaŋ daŋ; ameun tokona, iyenete iyes iŋes ka ianyut daŋ.”

Yoa. 16:3

Itiyaete ikes ŋun, anerae nyeyenuna ikes Papa kori ayoŋ.

Yoa. 17:3

Erae na akiyar ŋina nyedaun, itoyenete ikes iyoŋ, Akuj ŋina erae apei bon ŋina a kire ka Yesu Kristo ŋolo ibu kiyaku iyoŋ.

Yoa. 17:8

Anerae alimok ayoŋ ikes ŋakiro ŋuna ikilimokini iyoŋ ayoŋ, ka acamut ikes. Ayenut ikes atemar, abunit ayoŋ kire aneni kon, ka anupa atemar, iyoŋ ikiyakuuni ayoŋ.

Yoa. 20:13

Kiŋita ŋimalaikan Maria temasi, “Aberu, kaanukiro igworor iyoŋ?” Toboŋok Maria ikes tema, “Egworo ayoŋ, anerae kelemar akuwan ŋina ke Ekapolon kaŋ, ka nyayeni ayoŋ neni kiwuakis ikes iŋes.”

Yoa. 20:28

Tolimok Tomas Yesu tema, “Ekapolon kaŋ, Akuj kaŋ!”

Ŋitic. 20:24

Nai aneni kaŋ nyepol akiyar nooi akilo aŋetakin akerit na ŋina erae etic ŋolo akainakinit Ekapolon Yesu ayoŋ akitiya. Etic ŋol iŋes akiteyenun Ŋakiro ŋuna Ajokak ŋuna ka ajokis a ŋina ka Akuj.

Ŋirom. 8:18

Ayeni ayoŋ atemar ŋican ŋulu ikiryamunit iwon tokona, nyepedoryo akisikwaanikin ka apolou ŋina ikidaritere iwon, ŋina nyisileereuno.

Ŋirom. 8:39

Nyepedori ibore ŋini eyai nadis kori nakwap--emam ibore alosubuna a daadaŋ ŋini epedori atyakar iwon anamina a ŋina ka Akuj, a ŋina erae ŋina yok alotooma Yesu Kristo Ekapolon yok.

1 Ŋikor. 2:2

Anerae abu ayoŋ otyaku atemar nyitemokino ayoŋ eketatam iyes idiobore, mati ŋuna a Yesu Kristo bon a ŋolo aponi kibubukinoe lomusalaba.

1 Ŋikor. 9:10

Kori pa alimuni iŋes ŋakiro ŋun kan iwon a? Kire egiritae ŋakiro ŋun kan iwon. Itemokino eketan ka ekaleman kitiyata etic kec igenosi aryamun ekimar kec ŋolo a ŋaraito a ŋun.

2 Ŋikor. 4:4

Adau ekepukan ŋolo ka akwap a na akitumudukan ŋatameta a ŋulu nyenupito, ikotere nyiŋolikiniata akica ŋina a Ŋakiro a ŋuna Ajokak, ŋuna ka apolou a Kristo, a ŋolo ikwaan ka Akuj per.

2 Ŋikor. 4:6

Arae Akuj abu tema, “Tocau akica anakiryonut”, Akuj ŋinapei ŋin etacau akica keŋ alotai yok, ainakinia iwon akica ŋina ka ayenut ka apolou ŋina ka Akuj ŋina etacaun aloreet a Kristo.

Ŋiep. 4:13

akitodol ŋina ikimorikinor iwon daadaŋ kaapei ananupit ka oyenutu ejok Lokoku ka Akuj. Ikiponi nai iwon daadaŋ kaapei apol alotooma ituŋanan ipei ŋini apolon, ŋini erae Kristo, oruworos ŋulu ikipakit ikwa iŋes.

Ŋipil. 1:1

Ayoŋ Paulo ka Timoteo ŋiketiyak ŋulu a Yesu Kristo, ikigirit abaruwa na neni a ŋituŋa a daadaŋ a ŋulu ka Akuj alo Pilipi, a ŋulu imorikina ka Yesu Kristo ka neni a ŋibicopyo a ŋatukon a Ŋikristo ta ŋikeŋarakinitok kec.

Ŋipil. 3:10

Eitanit ayoŋ ayenun Kristo ka aanyun apedor ŋina ka ayarun keŋ ka akimor alocan keŋ, ekwaanikinotor ka iŋes anatwanare keŋ;

Ŋipil. 3:12

Nyabala ayoŋ adau aryamun ŋun daadaŋ kori adau jik ajokyar. Nai ekatakinit nooi aryamun eropit ŋolo eryamunete Ŋikristo anakerit kec ikwapei adaunia Yesu Kristo akituruwor ayoŋ ŋolo keŋ.

Ŋipil. 3:7

Nai ŋakiro ŋun daadaŋ ŋuna sek emarakinit ayoŋ atemar erae epoida aneni kaŋ, emarak ayoŋ tokona atemar erae atwaniyaret aneni kaŋ aŋuna a Yesu Kristo.

2 Tim. 4:6

Aneni kaŋ, adol apaki ŋina ekepotorere ikwa amuronot, apaki ŋina aesikinia ayoŋ akiyar na.

Ŋibur. 3:14

Anerae ikirae iwon daadaŋ ŋipei alotooma Kristo, erae kikirubak ikititinyikinit ananupit lopite ŋolo ikisyakinia.

1 Pet. 2:7

Epol egyelit ŋolo ka amoru a ŋin nooi aneni kus a ŋulu inupito Yesu, nai aneni a ŋulu nyenupito, ebasi Ŋakigireta, “Amoru ŋina aŋerete ŋikadukok, iŋes tokona itogogoŋit akai alokoona;”

2 Pet. 1:2

Tolalaar aneni kus ajokis ka ekisil alotooma ayenut Akuj ka Yesu Ekapolon yok.

2 Pet. 1:3

Ikiinak iwon apedor ŋina ka Akuj ŋiboro daadaŋ ŋulu ikiitanit iwon ayarya kire alopite a ŋolo ecamit Akuj alotooma ayenut ŋolo abu ikinyarau iwon akimor apolou ka ajokis keŋ.

2 Pet. 1:8

Erae lu ŋipitesyo ŋulu itemokino iyes toyakatar ka ani kelalak ikes aneni kus, irworosi nai ŋulu akukuranak ŋulu etiyak, ido yaut neni kus ayenut ŋina ke Ekapolon yok Yesu Kristo.

2 Pet. 3:18

Nai torubakisi ipoloete anajokis ka anayenut a ŋina ke Ekapolon ka Ekaiunan yok Yesu Kristo. Toyai apolou neni keŋ tokona ka ŋikaru ka ŋikaru! Amen.

1 Yoa. 1:3

Ŋuna ikiŋolik ka ikiira ikes ikiserae isua neni kus, ikotere iyes daŋ ikimorikin ka isua. Ikimorikina isua ka Papa ta Lokoku keŋ Yesu Kristo.

1 Yoa. 2:19

Apotu ikes totyakaros aneni yok, nai pa arae ikes ŋirukitos yok. Kerae torubakinito ikirukit ka iwon, kikirukit ka iwon; nai abu atyakar kec kisileereu atemar pa arae ikes ŋirukitos yok.

1 Yoa. 5:20

Ikiyeni daŋ iwon atemar, adau Lokoku ka Akuj abunore ka ikiinak iwon ayenut, ikotere oyenuniata ŋolo a kire. Ikiyari iwon anakimorikina ka Akuj ŋina erae ŋina a kire ka anakimorikina ka Lokoku keŋ Yesu Kristo. Kristo iŋes Akuj ŋina a kire, iŋes akiyar ŋina nyedaun.