Ŋipil. 3:6 - Ebaibul

⁶ ka ayai ayoŋ ekibure ŋolo ka akisican ŋikanupak a Kristo. Alotooma ŋuna ikamunito akiyookino anakiwuapit Ŋikisila a Ŋiyudayan, amam ayoŋ asecit.

Ŋipil. 3:6 Iomraidhean Croise

2 Sam. 21:2

Aŋun, abu erwosit tonyarau Ŋigibeoni kisirwor ikes. (Pa arae Ŋigibeoni ŋituŋa a Isirael, arae ikes ŋipiya alotuŋa a ŋulu anyaritae Ŋiamori. Tari daŋ ŋina sek aris Ŋisirael kikoŋ atemar nyikimunyari Ŋigibeoni, kebu Saul kikatak nooi amunyar ikes a nen, analelakinit keŋ aŋuna a Ŋisirael ka ŋituŋa a Yudaya.)

2 Ŋirw. 10:16

Tema iŋes, “Bua orukosi eketoodik alelakinit kaŋ Ekapolon.” Aŋun, apotu ikes todoka agaari toloto.

Ekal. 7:16

Aŋun, nyiruwor ŋini iyookino adepar, kori ŋini ios adepar. Kaanukiro icamitor iyoŋ amunaar bon?

Ŋilep. 13:16

Ani nai kilocokin ibore ŋini ilebulebunit ŋin tokwaŋu, emaikina ituŋanan ŋin tolot neni ke esacaradoti.

Mat. 23:25

“Ekaŋ iyes, ŋiketatamak a Ŋikisila ka Ŋiparisayon! Ŋikaŋisoswae! Itesegete iyes ekopo ka asaani kiŋa bon, nai tooma kec ileleba akimuj ŋina demuna alotooma narorokanut.

Mat. 5:20

Akalimokini ayoŋ iyes atemar, ani pa kilo akiyookino kus ŋina a ŋiketatamak a Ŋikisila ka ŋina a Ŋiparisayon, nyilomarete iyes Napukan ŋina anakuj.

Luk. 1:6

Eyookino ikes daadaŋ alokiŋaren Akuj, ericakinito ŋakiciketa ka Ŋikisila ŋulu ke Ekapolon, emam akisec.

Ŋitic. 21:20

Ani kiirasi ikes erwor a Paulo, kipuro ikes Akuj. Temasi nai ikes daadaŋ neni a Paulo, “Lokaato, kiŋolik iyoŋ epite ŋolo alo Yerusalem a ne: eyakasi Ŋiyudayan ŋulu edolito ŋalipyo, ŋulu aruworosi ŋikanupak a Yesu. Tari kikote neni, iricakinito ikes daadaŋ Ŋikisila a Moses.

Ŋitic. 22:5

Epedori Esacaradoti ŋolo Apolon nooi ka atukot daadaŋ akisuuda atemar erworo ayoŋ ŋuna a kire. Abu ayoŋ oryamu aneni kec ŋabaruwae ŋuna losyet neni a ŋikaitotoi a ŋulu arae Ŋiyudayan alo Damasko. Ido abu olot inaa akikamun ŋituŋa ŋul, ikotere oyau ikes Yerusalem eenen a ŋiriko, kisicanae.

Ŋitic. 26:5

Eyenete ikes ŋinapei koloŋ atemar apolounit ayoŋ arae Eparisayot alopite a ŋolo ka atukot a ŋina elelakinit nooi ŋakiro ŋuna ke edin yok. Ani kecamito, epedorete akisuuda nu.

Ŋitic. 8:3

Nai abu Saulo kisyak akinyasun ŋatukon a ŋikanupak; erimit iŋes nakais akiriunun ŋikilyok ka ŋaberu, toen ikes alomabus.

Ŋirom. 7:9

Ayari koloŋ ayoŋ elope eriŋa nyepona Ŋikisila. Nai ani ebuni akiciket, toyaru asecit,

1 Ŋikor. 10:32

Nyitoŋoa Ŋiyudayan kori Ŋigirik kori ŋatukon a Ŋikristo ŋuna erae ŋuna ka Akuj.

1 Ŋikor. 15:9

Anerae arae ayoŋ ecaryoit a Lokiyakia, nyitemokino akanyaritae ekiyakia, anerae abu ayoŋ esican Ŋikristo.

Ŋipil. 2:15

ikotere toruworos ŋulu nyisecito ka tosegak alotai ikwapei iraakatar ŋidwe ŋulu ka Akuj ŋulu emam aronis, ŋulu iboiyete alokidiŋ ŋituŋa ŋulu a ŋinyas ŋulu asecak. Itemokino iyes tocayete alokidiŋ kec ikwa ŋikacer ŋulu ecayete alokidiama,

Ŋipil. 3:9

ka emorikinos jik ka iŋes. Nyeryamuna ayoŋ akiyookino alokiŋaren Akuj aŋuna kaŋ ke elope, kori aŋuna ka akiwuapit Ŋikisila. Nai aryamu tokona ayoŋ akiyookino ŋin aŋuna ka anupit Kristo--akiyookino ŋina ebunit aneni ka Akuj, ŋina itorunit nanupit.

1 Tim. 1:13

tari paaran keyanyit ayoŋ iŋes kori kesicanit kori ketoŋoit; nai aponi ekesyoni ayoŋ, anerae apaki ŋin, pa anupit ayoŋ Kristo; aŋun, pa ayeni ayoŋ ŋuna etiyae.

Ŋikat. 6:30

Tolimokis nai ŋituŋa a etaun Yoas temasi, “Yau lokoku kon ne toarae, anerae kemunaa iŋes namuroet a Baal ka keritaki kwap epir ŋolo ke etal ŋolo sek eyai diyete namuroet.”