Ŋipil. 3:3 - Ebaibul

³ Iwon ikiryamu akileŋeryo ŋina a kire, anerae ilipyo iwon neni ka Akuj alotooma Etau keŋ ka ikituro anakimorikina ka Yesu Kristo. Nyikinyomitae iwon ŋitalyo ŋulu itiyanakinio kiŋa akuwan,

Ŋipil. 3:3 Iomraidhean Croise

Ŋikiru. 105:3

Tolakaros aŋuna ikiraakar iwon ŋulu keŋ; tolelyana iyes daadaŋ ŋulu ilipete neni keŋ.

Isa. 45:25

Eryamunete ŋiletok a Yakob akiloun ka apolou aneni ke Ekapolon.”

Yer. 4:4

Okoe ŋituŋa a Yudaya ka ŋulu iboiyete alo Yerusalem, kiricakisi acamunet kus ka ayoŋ Ekapolon kus, kitaleutu ŋawat kus aŋuna kaŋ. Ani pa kitiyata iyes ŋun, ebuni anyunyura kaŋ neni kus erirae ikwa akim, enomiyari ibore daadaŋ ka emam ituŋanan ituduŋe iŋes, itiyakinosi ŋun aŋuna ka aronis a ŋina itiyaete iyes.”

Yer. 9:26

Ŋituŋa a Ejipit, a Yudaya, a Edom, Ŋiamoni, ŋituŋa a Moab ka daadaŋ ŋulu iboiyete analoŋisat anakiboisyo a ŋuna alwanak, anerae mam kire jik nyileŋeritae ŋituŋa ŋul daadaŋ ka ŋituŋa a Isirael daŋ mam nyiwuapito acamunet kaŋ.”

Mal. 1:11

Itopoloorete ŋituŋa a ŋakwapin ekiro kaŋ taparacu ka eboŋ. Alotooma ŋinakibois daadaŋ, eyaunete ŋituŋa ekinyate ka ŋainakineta ŋuna ajokak neni kaŋ, anerae epol ekiro kaŋ anakwapin.

Ŋirom. 1:9

Eyeni Akuj atemar ŋuna erworo ayoŋ erae ŋuna a kire--Akuj ŋina etiyanakini ayoŋ a ekaatau a daadaŋ analimonokin Ŋakiro ŋuna Ajokak ŋuna a Lokoku keŋ. Eyeni Akuj atemar akatamunit ayoŋ iyes,

Ŋirom. 15:17

Anakimorikina nai ka Yesu Kristo, apedori ayoŋ akiturokin, anerae etiyae etic ŋolo ka Akuj.

Ŋirom. 7:6

Nai tokona, ikilacakina iwon aneni a Ŋikisila, anerae ikipotu iwon otwaka alokiŋaren Ŋikisila ŋulu sek ikituruworito iwon ŋimabus. Nyeriŋa tokona iwon ikitiyae etic ŋolo ka Akuj alopite a ŋoloŋorot a ŋolo ke ekisil a ŋolo igiritae, nai alopite a ŋolokitete a ŋolo ke Etau ka Akuj.

Ŋirom. 8:15

Anerae abu Akuj nyikiinak Etau ŋolo abu ikituruwo iyes ŋipi keŋ, ido tokuryaketa nabo. Nai ikiinak iŋes iyes Etau ŋolo ikituruwo ŋidwe keŋ ka anapedor a ŋina ke Etau, ikiworouni neni ka Akuj otemasi, “Papa! Apa kaŋ!”

Ŋirom. 8:39

Nyepedori ibore ŋini eyai nadis kori nakwap--emam ibore alosubuna a daadaŋ ŋini epedori atyakar iwon anamina a ŋina ka Akuj, a ŋina erae ŋina yok alotooma Yesu Kristo Ekapolon yok.

Ŋirom. 9:6

Nyabala ayoŋ epiyo Akuj akisiyookin akiikinet keŋ; anerae meere ŋituŋa a Isirael daadaŋ erae ŋiseuna ŋulu ka Akuj.

2 Ŋikor. 11:18

Ikwapei eyakatar ŋulu alalak ŋulu iturosi aŋuna a ŋiboro a ŋulu ka akwap, ayoŋ daŋ etiyae ŋunapei.

Ŋigal. 5:25

Adau Etau ŋolo ka Akuj ainakin iwon akiyar; itemokino Etau ŋolopei ŋol kiyok akiyar yok.

Ŋigal. 6:16

Toyai ekisil, ka akisyon neni a ŋulu iwuapito ŋakitatameta ŋun anakiyar kec--ka neni a ŋituŋa a daadaŋ a ŋulu iwuapito Akuj, ŋulu erae Ŋisirael ŋulu a kire.

Ŋiep. 6:18

Kitiyata ŋun daadaŋ alotooma akilip, iŋitasi akiŋarakino aneni ka Akuj. Kilipeneneete ŋapakio daadaŋ anapedor a ŋina ke Etau a ŋolo ka Akuj. Totenito, nyijamakis akilipanakin jwi jwi ŋituŋa ŋulu ka Akuj daadaŋ.

Ŋikis. 10:16

Aŋun tokona, kilocokisi ŋipitesyo kus, tojoŋoto jik arakau ŋituŋa ŋulu egogoŋ ŋakyes;

Ŋikis. 30:6

“Nabo daŋ, ikiinakini Ekapolon iyes ka ŋiletok kus ŋitai ŋulu iwuapito ŋakiro keŋ, ikotere iminakinete iyes Ekapolon Akuj kus a ŋitai kus a daadaŋ ka a akiyar kus a daadaŋ ka toyara.

Ŋipil. 1:1

Ayoŋ Paulo ka Timoteo ŋiketiyak ŋulu a Yesu Kristo, ikigirit abaruwa na neni a ŋituŋa a daadaŋ a ŋulu ka Akuj alo Pilipi, a ŋulu imorikina ka Yesu Kristo ka neni a ŋibicopyo a ŋatukon a Ŋikristo ta ŋikeŋarakinitok kec.

Ŋipil. 3:12

Nyabala ayoŋ adau aryamun ŋun daadaŋ kori adau jik ajokyar. Nai ekatakinit nooi aryamun eropit ŋolo eryamunete Ŋikristo anakerit kec ikwapei adaunia Yesu Kristo akituruwor ayoŋ ŋolo keŋ.

Ŋipil. 3:14

Aŋun, aŋirikinit nooi akerit kiŋaren akitodol tari naŋetakinet, ikotere oryamu eropit ŋolo erae anyarit ŋina ka Akuj alotooma Yesu Kristo, nakiyar ŋina alokidiama.

Ŋikol. 2:11

Anakimorikina ka Kristo, iruworosi tokona iyes ŋulu ikileŋeritae; meere ka akileŋeryo a ŋina itiyaete ŋituŋa, nai ka akileŋeryo a ŋina etiyae Kristo, ŋina ikilacakinit iyes anapedor a ŋina ke ekuwane a ŋolo ka aseconu.

Yud. 1:20

Nai iyes ŋikaitotoi ŋulu minan, torubakisi ipoloete ananupit a ŋina asegan akilo; torubakisi ilipeneneete alotooma Etau ŋolo Asegan.