Ŋipil. 3:19 - Ebaibul

¹⁹ Inyasunio ikes, anerae ekibure ŋolo a ŋawat kec iŋes erae akuj kec; iturosi ikes kan ibore ŋini itemokino kirumyata ŋileec ikes, ka eyakasi ŋatameta kec loboro ŋulu ka akwap a na bon.

Ŋipil. 3:19 Iomraidhean Croise

Ŋikiru. 17:14

Okoe Ekapolon, toiunae ayoŋ a akan kon alotuŋa a ŋulu ikote lu; alotuŋa a ŋulu ka akwap a na a ŋulu erae eropit kec ibore ŋini eryamunete ikes anakiyar a na. Kisican ikes a ŋican a ŋulu itemokinit iyoŋ aŋuna kec, elipi toryamut ŋidwe kec ŋican ŋulu alalak nooi, ŋulu eryamunete tari ŋipapae kec.

Ŋikiru. 52:1

Kaanukiro ituror iyoŋ aŋuna ka aronis, iyoŋ ekile lo ŋolo igogoŋ akilo? Erae Akuj ŋina esyonion ŋikaru ka ŋikaru.

Yer. 44:17

Nai ikitiyae isua ŋuna adaun akikoŋ atemar ikitiyae, ikiinakini isua ŋainakineta kosi neni a arwosit a ŋina anakuj ka einakinio iŋes ŋainakineta ŋuna a ŋimaten lopite ŋolo sek etiyaere isua ka ŋolo sek etiyaata atapapaa kosi, ŋirwosi kosi ka ŋikapolok kosi alotaunio a Yudaya ka alorotin a Yerusalem. Ayakare isua akimuj ŋina alalan, ayakare abaru ka amam ŋican.

Esek. 13:19

Idaut iyes akiyany ayoŋ alotuŋa kaŋ aŋuna ca ka aryamunia ŋikinyom ŋulu ikote erau ŋidi ka ŋanyile a ŋamugati ŋadi. Idaut iyes anamodyanakin ŋituŋa kaŋ ŋulu eminasi akipup ŋakiro ŋuna erae amodiyo, akiar ŋituŋa ŋulu pa amaikina toarae ka akimyekin ŋulu pa amaikina kimyekinae eyarete.’

Esek. 34:3

Inyamete iyes ŋasepwa a ŋamesekin, inapete iyes ŋilowi ŋulu itiyaunitae a ŋajul a ŋamesekin ka iseete iyes ŋamesekin ŋuna atumak toara, nai nyitanete iyes ŋamesekin.

Osea 4:7

Ani ilalakunete iyes ŋisacaradotin, tolalata ŋasecisya daŋ ŋuna eseceseceneneo neni kaŋ, eturuwori ayoŋ apolou kus acaryoonut.

Mika 3:11

Etubete ŋikepukak a Yerusalem ŋakiro aŋuna a ŋakaluŋuluŋui, itatamete ŋisacaradotin keŋ ŋikisila aŋuna ke etacit, edwarete ŋikadwarak keŋ ŋakiro aŋuna a ŋisiliŋa; torae bo neni ke Ekapolon eyarikinito ebasi, “Kire jik, ikirukit iwon ke Ekapolon, emam awana ebuni neni yok.”

Mika 3:5

Ŋakiro ŋuna irworo Ekapolon ikes nu, “Amodiyanakis ŋikadwarak ŋituŋa kaŋ, anerae iiyanakinete ikes ekisil neni a ŋulu isimujete ikes, nai iiyanakinete ejie neni a ŋulu nyisimujete ikes.

Mal. 1:12

Nai iyanyete iyes ekiro kaŋ apaki ŋina irworotor atemar erae Namuroet ke Ekapolon acaryoit ka apaki ŋina iyauniata iyes nen ŋamuja ŋuna ijamuwarito iyes.

Mat. 16:23

Toboboŋ Yesu tolimok Petero tema, “Tolot aneni kaŋ Satan! Irae iyoŋ ŋolo ikiretakinit ayoŋ, anerae ŋatameta kon nyeponito aneni ka Akuj, nai eponito alotuŋa.”

Mat. 25:41

“Elimokini nai iŋes ŋituŋa ŋulu alokedyany keŋ tema, ‘Toloto aneni kaŋ iyes ŋulu ilamam! Toloto nakim ŋina nyeduŋe ŋina itemokinitoe aŋuna a Satan ka ŋimalaikan keŋ!

Luk. 12:19

Ani erikakini otema alotau kaŋ, ee roca ekaatau! Iyakar tokona iyoŋ ibore ŋini ajokan daadaŋ ŋini ikiteyari iyoŋ ŋikaru ŋulu alalak. Kiboikin jik kieŋa, kimuj, tomat ka kileile!’

Luk. 16:19

“Ayai ekile ŋolo abarit, tonapite ŋilowi ŋulu apol egyelit nooi, kiramirami akimuj ŋisaae daadaŋ.

Luk. 18:4

Abu ekatubon ya apaki ŋina aoyan nyetyaka ŋakiro; nai ani ekaku, totamu iŋes tema, ‘Tari pa kakerit ayoŋ Akuj kori ŋituŋa,

Ŋirom. 16:18

Anerae nyerae Kristo itiyanakinete ŋituŋa ŋulu ikote ŋul, nai itiyanakinete etic ŋolo ka akiwarit akimuj. Irworosi ikes ŋakiro ŋuna abobok, kirapirapete ŋituŋa alorwor kec ecamito amodikin ŋituŋa ŋulu epalag!

Ŋirom. 6:21

Nyo nai ipotu iyes toryamut apaki ŋina itiyaata iyes ŋakiro ŋun ŋuna tokona ikirumitotor iyes ŋileec? Atwanare iŋes abu bu anakiro a ŋun!

1 Ŋikor. 3:3

anerae eriŋa ŋipitesyo ŋulu ka aseconu ikipukato iyes. Anerae ani keyai arakao ka ebura kidiŋ kus, nyitoodiunito nai ŋun atemar ikipukato ŋipitesyo ŋulu ka aseconu ka ikwaan iyes ka ŋituŋa ŋuluce a?

1 Ŋikor. 5:2

Kaanukiro nai iturotor iyes? Kitemokino iyes kiyaloloŋete, nabo kitemokino ituŋanan ŋini itiyae ŋakiro ŋun, totyakarae anatukot kus.

1 Ŋikor. 5:6

Nyitemokino iyes iturosi! Nyiyenete mono iyes alimunet ŋina ebala, “Itubuunete ŋakinyalet ŋuna ekudyoko ŋakirya ŋuna alalak” a?

2 Ŋikor. 11:12

Arubakini ayoŋ etiyae ŋuna tokona etiyae, ikotere etoŋopikinia “Ŋikiyakia ŋul” ibore ŋini iturotor ebasi itiyaete ikes daŋ lopite ŋolo itiyaere isua.

2 Ŋikor. 11:15

Aŋun, nyeumokinio erae kitusubun ŋiketiyak keŋ make ŋiketiyak ŋulu itiyaete ŋuna iyookino. Nai ani ekaku, eryamunete ikes ibore ŋini itemokino aŋuna a ŋiticisyo kec.

Ŋigal. 6:13

Nai tari ŋulu iwuapito ŋakiro ŋuna ka akileŋeryo, nyiwuapito ikes ŋilopeyek Ŋikisila; ecamito ikes atemar ikileŋeri iyes, ikotere ikes iturokinosi temasi ipotu iyes kiwuapa etal ŋolo ka akileŋeryo.

Ŋipil. 2:21

Anerae emitakinit ŋinituŋanan ŋakiro keŋ a ilope, nyemitakinit ŋuna a Yesu Kristo.

Ŋikol. 3:2

Totamunito ka kiitanito ŋuna eyakasi nakuj ama, meere ŋuna eyakasi kwap ne.

2 Ŋites. 1:9

Eryamunete ikes akisicanio ŋina ka akinyasuno a ŋina nyesaluni; etyakaryo ikes aneni ke Ekapolon ka nyiŋolikinete ikes apolou ka apedor keŋ.

2 Ŋites. 2:12

Aŋun nai, etubokini Akuj ŋituŋa daadaŋ ŋulu pa apotu tonupa ŋuna a kire, ŋulu abobokinit asecenen.

2 Ŋites. 2:8

Kisileereunoe nai Eketepegan Akuj; nai ani ebuni Ekapolon Yesu, eari Eketepegan ŋol a ekuwuam a ŋolo ka akituk keŋ ka inyasuni Yesu iŋes ka akica a ŋina enwakinwaki a ŋina ebunio iŋes.

1 Tim. 6:5

ŋipegeta ŋulu nyedaun alotuŋa a ŋulu nyisitiyaete ŋatameta kec, ŋulu nyeriŋa eyakatar ŋakiro ŋuna a kire. Etamete ŋituŋa ŋul atemar edin iŋes erot ŋolo eryamunere ebari.

2 Tim. 3:4

eruworosi ŋikalukinok, ŋulu enyamete ŋakiro emwaka, ŋulu ileleba akituro, ŋulu eminasi ekibure ŋolo ka akuwan bon, akilo amina Akuj;

Yak. 4:16

Nai tokona iturosi ka isupasi iyes; akisupa ŋin daadaŋ erae aronis.

2 Pet. 2:1

Ayakasi koloŋ ŋikadwarak ŋulu alyokonok lotuŋa; ikwaŋinapei ikoŋin, etakanunete ŋiketatamak ŋulu alyokonok aneni kus. Irepunete ikes ŋakitatameta ŋuna alyokonok ŋuna eyaunete akinyasuno ka eŋerete Ekapolon ŋolo abu tolaku ikes. Aŋun, eyaunete ikes neni kec akinyasuno atipei.

2 Pet. 2:13

Etacakinio ikes aronis aŋuna ka aronis a ŋina etiyata ikes. Alakara aneni kec iŋes akitiya ŋinibore daadaŋ naparan ŋini isimwoni ekibure a ŋawat kec. Ikote ikes aŋoryomom ka aaŋoryanut, anerae ejoikinit ikes jik akirworo alyokonu apaki ŋina imujata iyes ka ikes.

2 Pet. 2:3

Aŋuna ka arorokanut kec, eryamunete ŋiketatamak lu epoida aloemuto a ŋulu isudete ikes. Adol tokona apaki ŋina aoyan etenit ekatubokinan kec ka nyejotoe ekamunyaran kec!

Yud. 1:10

Nai iyanyete ŋituŋa ŋul ibore daadaŋ ŋini nyeyenete ikes apolou keŋ, ka ibore daadaŋ ŋini idounitere ikes eyenete lopite ŋolo a ŋityaŋ iŋes pei inyasuni ikes.

Yud. 1:16

Erae ŋituŋa lu ŋikeŋuruŋurak, ŋikokopyanotin, iwuapito ekibure ŋolo a ŋawat kec make; iturosi ikes nooi ka isupete ŋituŋa ŋuluce, ikotere eryamuniata ibore ŋini ecamito ikes.

Yud. 1:4

Anerae erepunosi kidiŋ kus ŋituŋa ŋice ŋulu eŋerito Akuj. Ilocete ikes ajokis ŋina ka Akuj yok aŋuna ka akitiya asiilyanut ka eŋerito Yesu Kristo Ekarikon ka Ekapolon yok ŋolo erae epei bon. Asubakinitae koloŋ sek atubokino aŋuna kec.

Akis. 18:7

Inakisi iŋes ŋican ka akiyaloloŋ iriyan ka akituro ta eleilei ŋolo ayakar iŋes. Anerae erubakinit iŋes ebala, ‘Eboi ayoŋ a ne, arae arwosit! Meere ayoŋ apuserut, nyikiryamakin jik ayoŋ ka akiyaloloŋ!’

Akis. 19:20

Aponi kikamarae etyaŋ kaapei ka ekadwaran ŋolo amodiyanan ŋolo kitiyae ŋakujuwuanisya alokiŋaren etyaŋ. (Ŋakujuwuanisya ŋun, ikes abunio iŋes tomodikinia ŋulu ayakatar emacar ŋolo ke etyaŋ ka ŋulu elipete neni ke etorube keŋ.) Ani eriŋa eyarete, aponi kimasakinae etyaŋ kaapei ka ekadwaran ŋolo amodiyanan nanam ŋina ka akim, ŋina enepya Sulpa.

Akis. 21:8

Nai ŋikakuryanak, ŋikalukinok, ŋulu nyenupito, ŋikaarak, ŋimalaanotin, ŋikekukujak, ŋulu ilipete neni a ŋakujo ka ŋikalyokonok daadaŋ imasakinio ikes nanam ŋina ka akim ka ŋina a Sulpa. Erae ŋin atwanare ŋina a ŋaarei.”

Akis. 22:15

Nai kiŋa etaun ŋolo apolon eyakaunosi ŋisiilyanotin, ŋikapilak, ŋimalaanotin, ŋikaarak, ŋulu ilipete neni a ŋakujo car ka daadaŋ ŋulu irworosi ka kitiyaete alyokonu.

1 Sam. 2:29

Kaanukiro nai iteoto iyes Ikwanikinito ŋamuronisya ka ŋainakineta ŋuna abala ayoŋ tolemutu, ido itopoloorito iyes ŋidwe kus ŋulusapa akilo ayoŋ aŋuna itutumyata ŋawat kus anasere neni ejok anainakineta a ŋuna akainakinito ayoŋ ŋituŋa kaŋ Ŋisirael?’