Ŋipil. 3:18 - Ebaibul

¹⁸ Anerae ikwapei akalimokinitor ayoŋ iyes ŋapakio ŋuna alalak, alimuni nabo tokona eyaloloŋi tari anakigworo, elalak ŋulu etoodiu akiyar kec atemar erae ikes ŋimoi ŋulu ke emusalaba a Kristo.

Ŋipil. 3:18 Iomraidhean Croise

Ŋikiru. 119:136

Eleleete ŋakiyo anakonyen kaŋ, anerae nyiwuapitae ŋikisila kon.

Isa. 8:11

Abu Ekapolon kirwor neni kaŋ anapedor keŋ a ŋina agogoŋon akalimokinit ayoŋ atemar nyemaikina ayoŋ ewuap ŋakiro a ŋituŋa, abu iŋes tema,

Yer. 13:17

Nai ani pa kiirasi iyes ŋakiro keŋ, alosi ayoŋ akigwor anakimunono aŋuna kaakituro kus egwori ayoŋ nooi kibwaliyasi ŋakiyo ŋakonyen kaŋ anerae erikoryo ŋituŋa a Ekapolon nakwap ace.

Yer. 9:1

Okoe kerae ca torae akou kaŋ eitanit a ŋakipi ka torae ŋakonyen kaŋ elelya a ŋakiyo, kapedorit ayoŋ akigworo naparan ka nakwaare aŋuna a ŋituŋa kaŋ a ŋulu aari, a ŋulu a ŋican.

Dan. 4:37

Ayoŋ Nebukadinesar epuro ka etopoloorit erwosit ŋolo eyai nakuj, anerae erae ŋiticisyo keŋ daadaŋ ŋulu a kire ka iyookino ŋuna itiyae iŋes, tosodi epedori iŋes akitiditeun ŋulu iturosi.

Ŋilep. 11:16

Ŋikaleeso, atanawi ŋulu eporete nakwaare, ŋigolei ŋulu ekopete ŋilelem ananamyo, ŋigolei ŋulu a ŋikabilae a daadaŋ;

Ŋilep. 13:8

Emaikina esacaradoti kisyeme iŋes, ani kielakina edeke ŋol namuny ka akuwan keŋ, emaikina esacaradoti tolimo atemar alotooma ekisil, itoroniyaritae ituŋanan ŋin; erae edeke ŋol ŋolo etapaana.

Luk. 19:41

Toapiya Yesu Yerusalem; ani iŋolikini, kikalou aŋuna a ŋituŋa a ŋulu ke etaun a ŋol,

Ŋitic. 20:19

Abu ayoŋ etiyanak Ekapolon anapatanu tari anapakio a ŋuna egworor ka ŋuna aryamunitor ŋican, ikwaŋina arubakinitotor Ŋiyudayan etukosi aŋuna kaŋ.

Ŋirom. 9:2

Erae ŋun kire atemar epol nooi akiyaloloŋ kaŋ ka nyedaun aryeba ŋina eyai lotau kaŋ aŋuna a ŋituŋa kaŋ. Erworo ayoŋ aŋuna a ŋituŋa a ŋulu ke ekabila kaŋ.

1 Ŋikor. 1:18

Anerae akirot ŋina ke emusalaba erae abaŋao aneni a ŋituŋa a ŋulu ebukoro, nai aneni yok a ŋulu ikiiun erae apedor ŋina ka Akuj.

1 Ŋikor. 6:9

Iyenete iyes kire atemar nyeruwor Apukan ka Akuj ŋina a ŋulu itiyaete aronis. Nyikimodikin! Ŋituŋa ŋulu itiyaete amalao kori ŋulu ilipete neni a ŋakujo a ŋace kori ŋikalomak kori ŋikilyok ŋulu iteperete ŋikilyok ŋuluce

2 Ŋikor. 11:13

Nyeraakasi ŋikilyok ŋul ŋikiyakia ŋulu a kire, eraakasi ŋikiyakia ŋulu alyokonok, ŋulu emodyanakinete ŋituŋa a ŋuna etapito etic kec. Itusubuna ikes ŋikiyakia a Kristo.

2 Ŋikor. 11:29

Ani epalag idiotuŋanan, ayoŋ daŋ apalagagi; ani kiteseci idiotuŋanan, eyaloloŋi ayoŋ daŋ.

2 Ŋikor. 2:4

Abu ayoŋ egir neni kus iyaloloŋi ka eryeba etau kaŋ nooi ka egworo daŋ; pa arae ŋuna acamit ayoŋ ŋuna ka akisiyaloloŋ iyes, nai ikotere toyenut amina kaŋ ŋina apolon nooi neni kus daadaŋ.

Ŋigal. 1:7

Nai kire, emam Ŋakiro “Ŋuna Ajokak ŋace;” ŋituŋa ŋice bon ŋulu ikicanito iyes eyakasi, ŋulu ikatakinito akijulakin Ŋakiro ŋuna Ajokak ŋuna a Kristo.

Ŋigal. 2:14

Ani aanyuni ayoŋ atemar nyiwuapito ikes ŋuna a kire ŋuna elimunito Ŋakiro ŋuna Ajokak, abu ayoŋ erwor neni a Petero alokiŋaren ŋikanupak daadaŋ otema, “Irae iyoŋ Eyudayat, nai pa iboi iyoŋ ŋoon irae Eyudayat, nai ikwa ituŋanan ŋini nyerae Eyudayat. Ikokini nai iyoŋ ipedori areikin ŋituŋa ŋulu nyerae Ŋiyudayan akiboi ikwa Ŋiyudayan ai?”

Ŋigal. 2:21

Nyacakarit ayoŋ ajokis ŋina ka Akuj. Anerae ani kelimo Akuj atemar iyookino ituŋanan aŋuna a Ŋikisila, iŋes atemar kerae atwanare a Kristo akoŋinait.

Ŋigal. 5:21

akimanit, emeret, amatanu ŋagwe ka ŋace daŋ ŋuna ikote nenipei nen. Akalimokini tokona ayoŋ iyes ikwapei sek akalimokinitor: ikes ŋulu eyakatar ŋun, nyeyakaun Napukan ka Akuj.

Ŋigal. 6:12

Ŋituŋa ŋulu ikatakinito akitiŋakin iyes akileŋeryo, ikes ecamito akitoodiuna erae ŋulu ajokak alokiŋaren ŋituŋa. Itiyaete ikes ŋun, ikotere nyisicani ikes aŋuna a ŋakiro a ŋuna ke emusalaba a Kristo.

Ŋigal. 6:14

Nai aneni kaŋ, nyacamit jik akiturokin aŋuna a ŋacekiro, mati ŋuna ke emusalaba bon a ŋolo ke Ekapolon yok Yesu Kristo; anerae aŋuna ka atwanare keŋ alomusalaba, etwanit akwap alokiŋaren kaŋ ka atwanit ayoŋ alokiŋaren akwap.

Ŋiep. 4:17

Akalimokini tokona ayoŋ iyes alokiro ke Ekapolon atemar: tojoŋoto akiboi alopite a ŋolo a ŋituŋa a ŋulu nyeyenete Akuj, ŋulu erae ŋatameta kec ŋakoŋinae,

Ŋipil. 1:4

alelyani ayoŋ ŋapakio daadaŋ ŋina elipyanenea aŋuna kus,

1 Ŋites. 4:6

Anakiro a ŋun nai, nyitemokino idiotuŋanan itiyae ŋuna aronok neni a lokaato keŋ alotooma Ekapolon, kori amodikin iŋes a ediopite. Adaun isua alimokin iyes ŋun ka agogoŋu eriŋa apaki, ikiteyenikin daŋ atemar ebuni Ekapolon akisican ŋulu itiyaete ŋun.

2 Ŋites. 3:11

Anerae epupyo isua atemar ekalanyaka ŋice alokidiŋ kus, epanapanato tomam ediotic itiyaete.

2 Pet. 2:10

Erae ŋun kire nooi, ikotere ŋulu iwuapito ekibure kec ŋolo aronon ŋolo a ŋawat ka toŋerito akipukao. Erae ŋiketatamak ŋulu alyokonok ŋul, ŋulu nyeleecoko ka isupaka, nyekerito ikes ŋisubuna ŋulu itopolooritae, ŋulu eyakasi kidiama; nai iyanyete ikes.

Yud. 1:13

Ikote ikes ŋakipi ŋuna ka anam imorokokoete, kilepunito ekurudo ŋolo a ŋileec kec; ikote ikes ŋikacer ŋulu imasanar ŋulu adau Akuj akitemokin aŋuna kec akiryonut ŋina iryono cuc, ŋina ruba.