Ŋipil. 3:17 - Ebaibul

¹⁷ Ŋikaitotoi, torubakisi ikitupusete ayoŋ; kiteto, kiwuapa ŋikanupak ŋulu adaut akituput isua.

Ŋipil. 3:17 Iomraidhean Croise

Ŋikiru. 37:37

Toyenutu ka kiwuapa ŋuna a ŋulu emam ŋuna itoronitere ka kiteto ŋuna a ŋulu iyookino, anerae epote ŋulu eminasi ekisil akiboi emam ŋace.

Ŋirom. 16:17

Ŋikaitotoi kaŋ, ekemaimai ayoŋ iyes atemar tocoikis ŋulu etyakatyakaete ŋituŋa, ido kitooliyosi ananupit kec; ŋulu eŋerito ŋakiro ŋuna aponi ikitatami iyes. Tocoito irukete ka ikes!

1 Ŋikor. 10:32

Nyitoŋoa Ŋiyudayan kori Ŋigirik kori ŋatukon a Ŋikristo ŋuna erae ŋuna ka Akuj.

1 Ŋikor. 11:1

Kituputoe ayoŋ, ikwapei etupusyo ayoŋ daŋ Kristo.

1 Ŋikor. 4:16

Aŋun nai, ekemaimai iyes totupakis ŋuna etiyae ayoŋ!

Ŋipil. 4:9

Kitiyata ŋuna ipotu iyes kisisaut ka kijaut ka toanyut aneni kaŋ. Eyakaun neni kus Akuj ŋina erae alope ekisil.

1 Ŋites. 1:6

Ipotu iyes ikituputo isua ka Ekapolon, anerae ipotu kijaut ŋakiro ŋuna ka Akuj ka alakara a ŋina ebunit aneni ke Etau a ŋolo Asegan, tari ŋina daŋ iponiata iyes toryamuniata ŋican ŋulu alalak.

2 Ŋites. 3:14

Ani kewou idiotuŋanan akiwuap ŋuna irworoe isua anabaruwa a na, tocoikisi iŋes ejok, ka totyakaros aneni keŋ, ikotere kiruma iŋes ŋileec.

2 Ŋites. 3:7

Iyenete iyes ŋilopeyek epite ŋolo eboiyere isua alokidiŋ kus; itemokino epite ŋol toruwor akitaanyikinet aneni kus. Pa ikikalanyaka isua apaki ŋina ikirukitor iwon.

2 Ŋites. 3:9

Aponi isua kitiyae ŋun, meere aŋuna amamukar isua apedor ŋina kiitanet akiŋarakinet adio aneni kus, nai ikotere eruworoe isua akitaanyikinet ŋina itemokino iyes kiwuapa.

1 Tim. 4:12

Nyikijamuwa iyoŋ ituŋanan idio aŋuna iraakar iyoŋ esorokit, nai torae akitaanyikinet ŋina a ŋikanupak alorwor kon, alopitesyo kon, anamina kon, ananupit kon ka anasegis ke etau kon.

Ŋibur. 13:7

Totamutu ŋikarikok kus ŋulu koloŋ, ŋulu ikilimonokinete iyes ŋakiro ŋuna ka Akuj. Totamutu epite ŋolo ayakar akiyar kec ka ŋolo atwakyata; torokutu anupit kec.

1 Pet. 5:3

Nyipukato ka agogoŋu ŋituŋa ŋulu ikiinakinitae iyes, nai toruworos akitaanyikinet neni a ŋamesekin a daadaŋ.